உங்கள் குழந்தை கூச்சப்படுகிறதா?

கூச்ச சுபாவம் ஒரு தடை. ஆணோ, பெண்ணோ கூச்ச சுபாவம் காரணமாக வாழ்க்கையில் பெருத்த முன்னேற்றத்தை அடைய முடியாதவர்களாகி விடுகிறார்கள்.

கூச்ச சுபாவம் உள்ள குழந்தையை எப்படி அடையாளம் காண்பது?

* தேர்வில் குறைந்த மதிப்பெண்கள் பெறும்.

* எந்தப் பொழுதுபோக்கிலும் ஈடுபாடு இல்லாமல் இருக்கும்.

* யாருடனும் கலந்து பழகாமல் ஒதுங்கியே இருக்கும்.

* பத்து குழந்தைகளில் நான்கு பேர் கூச்ச சுபாவம் உள்ளவர்களாக இருப்பார்கள்.

பெரும்பாலும் பெற்றோரும் சரி, ஆசிரியர்களும் சரி குழந்தைகளின் சுபாவத்தில் அதிகக் கவனம் செலுத்து வதில்லை. ஒரு குழந்தை வகுப்பு விவாதங்களில் கலந்து கொள்ளாமல் இருப்பதையும், இன்னொரு குழந்தை விளையாட்டு மைதானத்தில் ஒதுங்கியே இருப்பதையும் அவர்கள் காணத் தவறி விடுகிறார்கள்.

என் பிள்ளைக்கு அதெல்லாம் பிடிக்காது. அங்கல்லாம் போக மாட்டான் என்று பெருமைப்பட்டுக் கொள்கிற விதமாய் தங்கள் குழந்தைகளைப் பற்றிப் பேசுகிற அம்மாக்கள் உண்டு. அவர்களுடைய பேச்சு தெரிந்தோ, தெரியாமலோ அந்தக் குழந்தையின் கூச் சத்தை மேலும் அதிகரித்துவிடும். தான் குறைபாடுள்ளவரென்ற எண்ணம் குழந் தையின் மனத்தில் வேரூன்றிவிடும்.

கூச்சமான குழந்தைகளை மற்றவர் கள் விமர்சிக்க வேண்டும் என்றில்லை. அவர்கள் எப்போதுமே சுய விமர்சனம் செய்து கொள்கிறார்கள். அது அவர்களை மேலும் மோசமாக்கி விடும்.

உங்களுடைய இரண்டு குழந்தைகளில் ஒன்று கூச்ச சுபாவத்தில் அதிகம் பேசாமல் ஒதுங்கியே இருக்கக்கூடும். அதை அலட்சியம் செய்யாமல் எல்லாவற்றிலும் அந்தக் குழந்தையின் கருத்துக்களைக் கேட்டு, நிறைய பேசத் தூண்டுங்கள்.

பொதுவாகவே, கூச்ச சுபாவம் உள்ள குழந்தைகள் மோசமான சுய மதிப்பீடு கொண்டிருக்கும். தன்னை யாராவது தாங்கி நிறுத்தமாட்டார்களா என்று எதிர் பார்க்கும்.

குழந்தைகளின் கூச்சம் வெளிப்படுகிற இடம் அதன் வகுப்பறை. அங்கே தான் அந்தக் குறை திருத்தப்பட வேண்டும். ஆசிரியர்களின் கவனம் பெரும்பாலும் குறும்புக்காரப் பிள்ளைகள் செய்யும் விஷமங்களைக் கண்டுபிடிப்பதிலேயே இருக்கும் அல்லது புத்திசாலிக் குழந்தையை மேலும் புத்திசாலிகளாக்குவதிலேயே இருக்கும்.

கூட்டுப்புழுவான உங்கள் குழந்தையை வெளியே கொண்டு வருவதில் ஆசிரியர்களின் உதவியையும் நாடுங்கள்.

வளர்ந்த குழந்தையின் கூச்ச சுபாவத்தைப் போக்க தன்னைவிட சிறு குழந் தைகளுக்கு பாடம் சொல்லிக் கொடுக்கச் சொல்லலாம். தன் வயதையொத்தவர்களுடன் இணைந்து பழக யூத் கிளப் எதிலாவது உறுப்பினராகச் சேர்த்துவிடலாம்.

மேடையேறி சின்னச் சின்ன நாட கங்களில் நடிக்கத் தூண்டலாம். பேச் சுப் போட்டிகளில் கலந்து கொள்ளும் ஆர்வத்தை ஏற்படுத்தலாம். விளை யாட்டுப் போட்டிகளில் கலந்து கொள் ளச் செய்யலாம்.

கூச்ச சுபாவம் என்பது சிறிய வயதிலேயே களையப்பட வேண்டும். கூச்ச சுபாவத்துடனேயே வளரும் குழந்தைகள் பெரியவர்களானதும் பெரிதும் பாதிக்கப் படுகிறார்கள்.

அவர்களில் சிலர் தாமதமாகத் திருமணம் செய்து கொள்கிறார்கள். இன்னும் சிலர் கல்யாணமே வேண்டாம் என்று தனித்தே இருந்து விடுகிறார்கள். வேறு சிலர் பொறுப்பில்லாத வேலைகளைத் தேர்ந்தெடுத்துக் கொள்கிறார்கள். தங்களுடைய மனக் குறையைப் போக்கிக் கொள்ள போதை மருந்தை நாடும் நபர்களும் உண்டு.

எனவே உங்கள் குழந்தை வாழ்க்கையில் முழுமையான மகிழ்ச்சியை அனுபவிக்கவும், சராசரி மனிதராக உலவவும் நீங்கள்தான் உதவ வேண்டும். அதற்கான உங்களது முயற்சிகள் ஒரே நாளில் பலனளித்து விடாது. பொறுமையோடு பிரச்சினையை அணுகுங்கள். நிச்சயம் உங்கள் குழந்தை கூச்ச சுபாவத்தை உதறித் தள்ளி விட்டு வாழ ஆரம்பிக்கும்.

எனவே உங்கள் குழந்தை வாழ்க்கையில் முழுமையான மகிழ்ச்சியை அனுபவிக்கவும்,
சராசரி மனிதராக உலவவும் நீங்கள்தான் உதவ வேண்டும். அதற்கான உங்களது
முயற்சிகள் ஒரே நாளில் பலனளித்து விடாது. பொறுமையோடு பிரச்சினையை
அணுகுங்கள். நிச்சயம் உங்கள் குழந்தை கூச்ச சுபாவத்தை உதறித் தள்ளி விட்டு
வாழ ஆரம்பிக்கும்.

நல்லதொரு விவரமான பதிவு மிக்க நன்றி