கடமை / நேரம் தவறாமை

**T.N.Balasubramanian** · **T.N.Balasubramanian** Mon Oct 28, 2013 8:02 am

மும்பை : மகாராஷ்டிராவில், இடுப்புக்கு கீழே செயல்படாத, 58 வயது அரசு பெண் அதிகாரி, 32 ஆண்டுகளாக, ஒரு நிமிடம் கூட, அலுவலகத்திற்கு, தாமதமாக வந்ததில்லை; இம்மாதம் அவர் ஓய்வுபெறப் போகிறார்.

போலியோ பாதிப்பு:உமா மாகரே, 58, மும்பையில், மாநில சமூக நலத்துறையில் எழுத்தராக பணி புரிகிறார். சிறு குழந்தையாக இருக்கும் போதே, போலியோ நோய் பாதிப்புக்குள்ளான அந்தப் பெண்ணின், இடுப்புக்கு கீழே, உறுப்புகள் செயல்படாது.எனினும், பிறர் உதவி இல்லாமல், தானாவே தன் வேலைகள் அனைத்தையும் மேற்கொள்ளும் இவர், கடந்த, 32
ஆண்டுகளாக, ஒரு நாள் கூட, அலுவலகத்திற்கு தாமதமாக சென்றதில்லை.இதை பாராட்டி, உயரதிகாரிகள் இவருக்கு பரிசு வழங்கி கவுரவித்துள்ளனர். இவரின் கணவர், கடந்த ஆண்டு இறந்து விட்டார்; அந்த துக்கத்திலும் இவர், அலுவலகம் வந்து சென்றுள்ளார்.இம்மாதம் ஓய்வுஇம்மாதம் பணியிலிருந்து ஓய்வுபெற உள்ள அவர், வேறு இனத்தை சேர்ந்த குழந்தை ஒன்றை எடுத்து வளர்த்து வருகிறார். ஓய்வுக்குப் பிறகு, சமூக சேவை ஆற்றப் போவதாக கூறுகிறார்.'கை, கால் நன்றாக இருக்கும் பலரும், அலுவலகத்திற்கு தாமதமாக வரும் நிலையில், உடல் ஊனமுற்ற இவர், 32 ஆண்டுகளாக, ஒரு நாள் கூட தாமதமாக வந்ததில்லை என்பது உண்மையில் வியத்தகு சாதனை தான்' என்கின்றனர், சகஊழியர்கள்.

ரமணியன்

நன்றி தினமலர்

**ayyasamy ram** · **ayyasamy ram** Mon Oct 28, 2013 8:24 am

கடமை / நேரம் தவறாமை HompaflVQD60YMFTSgu3+Uma-Magare

-
பாராட்டத் தக்க பெண்மணி...
-

இந்த பதிவைத் துவங்கியவர் நன்றி கூறியுள்ளார் ayyasamy ram

**ayyasamy ram** · **ayyasamy ram** Mon Oct 28, 2013 8:46 am

கடமை / நேரம் தவறாமை YQNuPhC4TZqVBsuo4Wj6+Uma-Magare2

-
ஆட்டோ டிரைவர் Suresh Vadikhaye 1988 முதல் 25 ஆண்டுகளாக
இவரை வீட்டிலிருந்து அவர் பணிபுரியும் அலுவலகத்திற்கும் ( 6 கி.மீ)
பின்னர் வீட்டிற்கும் கொண்டு விடும் பணியை செய்துள்ளார்...
அவரும் பாராட்டப்பட வேண்டியவரே..!
-
இந்தப் பெண்மணியின் கடமை உணர்ச்சியை வியந்து,
இந்த பணியை தொடர்ந்து செய்ததாக அவர் கூறியுள்ளார்...!
=