ஆங்கிலம் பேசுவது எப்படி?

sivakumar.gurusamy · sivakumar.gurusamy Fri Mar 18, 2011 7:42 pm

http://aangilam.blogspot.com/ஆங்கிலம் பேசுவது எப்படி? - http://aangilam.blogspot.com/ ஆங்கிலம் பேசுவது எப்படி? 128872

இன்றைய கணனியுலகில் எல்லாமே எளிதாகிவிட்டன. நாம் எங்காவது செல்லவேண்டுமானால், முன்பின் தெரியாத இடமென்றாலும் எவரின் தயவும் இன்றி நாமாகவே கூகிள் ஏர்த், கூகிள் மெப் போன்றவற்றின் உதவியுடன் சென்றுவிடக்கூடிய வசதிகள் வந்துவிட்டன. வளர்ந்த நாடுகளில் வீதிகள், கட்டடங்கள் மட்டுமன்றி, பொது மலசலக்கூடம், ஒற்றையடிப் பாதைகள் போன்றவற்றைக் கூட எளிதாக கண்டறிந்துக்கொள்ள கூடிய வகையில் வரைப்பட நூல்கள் மக்கள் பயன்பாட்டில் பரவலாகக் கிடைக்கின்றன. இருப்பினும் என்னத்தான் வசதிகள் வந்தப்போதும் எல்லோருக்கும் எதாவது ஓர் சூழ்நிலையில், எவராவது ஒருவரிடம் பாதை கேட்டு அறிந்துக்கொள்ளவேண்டிய கட்டாயம் ஏற்படவே செய்கிறது. மற்றவரிடம் நாம் பாதை கேட்பதும், மற்றவர் எம்மிடம் பாதைக்கேட்டு நாம் ஒருவருக்கு வழிக்காட்டி உதவுவதும் அடிக்கடி ஏற்படும் சாதாரண விடயங்களே ஆகும்.

எனவே இன்றையப் பாடத்தில், ஆங்கிலத்தில் எவ்வாறு வழி கேட்பது என்று பார்ப்போமா?

ஆங்கிலத்தில் பேசிப் பழகும் போது; மரியாதைமிக்கதும் தாழ்மையானதுமான பேச்சு வழக்கிலேயே பேசிப்பழகுதல் பயன்மிக்கதாகும். நாம் ஏற்கெனவே வழங்கிய Polite and More Polite பாடத்தில் அவற்றை விளக்கமாக கற்றிருப்பீர்கள். புதிதாக இத்தளத்திற்கு வருகை தந்துள்ளோர் ஒருமுறை பார்த்துக்கொள்ளவும்.

Do you know the way to...?
Can you tell me the way to...?
Can you tell me the easy way to...?
Can you tell me the best way to...?

இவற்றையே மிகவும் தாழ்மையாக அல்லது மரியாதைமிக்க வகையில் (More Polite) கேட்பதனால் "Could", "Would", போன்ற சொற்களை முன்னொட்டாகப் பயன்படுத்தலாம்.

Could you tell me the way to...please?
Could you tell me the easy way to...please?
Could you tell me the best way to...please?
Would you tell me the way to...please?
Could you please tell me the way to...?
Would you mind telling me...please?

சிலர் தாம் செல்லவேண்டிய இடத்திற்கான வழியை இவ்வாறு கேட்பதைப் பார்த்திருக்கலாம்.

Where the nearest HSBC bank is?
What the best way to get there?
What the easy way is?
What is the quickest way to Discovery bay?
How can I get there?
How to get Stanley beach?
How to find nearest Welcome Shop?
What the easy way to post office?

மேலுள்ளவாறு வழி கேட்பது பிழையானதல்ல என்றாலும், அவை மரியாதையான தாழ்மையான பேச்சு வழக்கைக் கொண்டதல்ல. எனவே அவற்றை எவ்வாறு "Polite Form" சொற்களாக பயன்படுத்தலாம் என்பதனை கீழே பாருங்கள்.

Could you tell me where the nearest HSBC bank is?
Could you tell me what the best way to get there?
Could you tell me what the easy way is?
Could you tell me what is the quickest way to Discovery bay?
Could you tell me how can I get there?
Could you tell me how to get Stanley beach?
Could you tell me how to find nearest Welcome Shop?
Could you tell me what the easy way to post office please?
Would you mind telling me what the easy way to post office please?

யாராவது ஒருவர் உங்களிடம் ஓரிடத்திற்கான வழிகேட்டால், அதற்கு பதிலளித்தல் அநேகமாக "நேராக சென்று, வலப்பக்கம் திரும்பி, இடப்பக்கம் திரும்பி, முதலாம்/இரண்டாம்/மூன்றாம் சந்தியில் திரும்பி, எதிரே உங்கள் வலப்பக்கத்தில், உங்கள் இடப்பக்கத்தில்" போன்ற சொற்களே பயன்படும்.

அதனையே ஆங்கிலத்தில் இவ்வாறு கூறலாம்.

எடுத்துக்காட்டாக:
Excuse me, could you tell me the way to HSBC bank please?
Certainly, go straight along this road, take the first/second/third turning on the right, HSBC bank is on your left/right/front.

ஒரு இடத்திற்கான வழி கேட்டு, அதற்கு ஒருவர் பதிலளித்தால், கட்டாயம் மறக்காமல் நன்றி கூறுங்கள். சிலவேளை நீங்கள் ஒருவருக்கு வழிக்காட்டி அதற்கு ஒரு நபர் நன்றி கூறினால், நன்றிக்கும் பதிலளிக்கும் வழக்கு ஆங்கிலப் பேச்சு வழக்கில் இருப்பதனை மறந்துவிடாதீர்கள். கீழே கவனிக்கவும்.

Excuse me, could you tell me the way to...please?
Go straight along this road/take the first turning on the right/...is on your left.
Thanks, you've been very helpful.
Don't mention it. Good luck.

ஒருவரின் கவனத்தை திசைத் திருப்பி உதவி/வழி கேட்பதானால் "Excuse me", "Sorry to interrupt" போன்ற சொற்றொடர்களை முன்னொட்டாக பயன்படுத்த மறவாதீர்கள்.

Excuse me, could you tell me the way to...please?
Sorry to interrupt, could you tell me the way to...please?
I'm sorry to interrupt you, could you tell me the way to...please?

இப்பாடத்துடன் தொடர்புடைய "Giving Direction" அடுத்தப்பாடத்தில் பார்ப்போம்.

கவனிக்கவும்:
இப்பாடம் ஆங்கில பேச்சுப் பயிற்சி பகுதியிலே வழங்கப்படுகின்றது. ஆங்கில இலக்கணம் தொடர்புடையை பாடங்களை இங்கு பார்க்கவும்.

Download As PDF

ஆங்கிலம் பேசுவது எப்படி? - 1

கால ஓட்டமும் உலக ஓட்டமும் ஓடிக்கொண்டே இருக்கின்றன. காலவோட்டத்திற்கு ஏற்ப எமது வாழ்க்கை ஓட்டமும் ஓடிக்கொண்டே இருக்கின்றது. காலத்தை கணக்கிட்டு எமது கடமைகளை உரிய நேரத்தில் செய்ய கடிகாரம் எனும் நேரம் காண்பிப்பான் எப்போதும் எமக்கு தேவையாகவே இருக்கின்றது. நேரக் கணிப்பான் இல்லாவிட்டால் எதனையும் உரிய நேரத்தில் செய்ய தவறிவிடுவோம்.

நிழலை அளந்து நேரம் அறிந்து வந்த எம்மூதாதையர் காலப் பழக்கம், 19ம் நூற்றாண்டுகளில் கடிகாரம், கைக்கடிகாரம் போன்ற இலத்திரனியல் கண்டுப்பிடிப்புகளால் மெல்ல மறையத்தொடங்கியது. கைக்கடிகாரமும், கடிகாரமும் கூட 20ம் நூற்றாண்டுகளில் மறையத் தொடங்கி அழைப்பேசியிலேயே நேரம் பார்த்துக்கொள்ளும் வசதி வந்துவிட்டது. ஆம்! உலக அறிவியல் எத்தனை வேகமாக வளர்ந்து வருகிறது! அறிவியல் உலகம் எல்லாவற்றையுமே அவசரமாக்கி விட்டுள்ளது. பேருந்துக்கு அவசரம், தொடருந்துக்கு அவசரம், பணியகத்திற்கு செல்ல அவசரம், நேர்முகத் தேர்வுக்கு நேரம் பிந்திவிடுமோ என்றும் அவசரம், நேரம் சற்றுப் பிந்திவிட்டால் அதனாலான இழப்புகளும் அதிகம். எனவே எப்போதும் நேரம் பார்த்துப்பார்த்து பணி செய்யப் பழகிவிட்டோம். சில வேளை இந்த நேரம் காண்பிப்பான் நம்மிடம் இல்லை என்றால் என்ன செய்வது? யாராவது முன் பின் தெரியாத ஒருவரிடம் என்றாலும் நேரத்தை கேட்டறிந்துக் கொள்ள வேண்டிய அவசியம் எல்லோருக்குமே ஏற்படக்கூடியது தான்.

சரி! அப்படியானால் ஆங்கிலத்தில் எப்படி நேரம் கேட்டறிவது எனப் பார்ப்போமா?

What is the time now?
இப்பொழுது நேரம் என்ன?

Do you know what time it is?
உனக்குத் தெரியுமா எத்தனை மணி (என்று)?

Can you tell me the time?
உன்னால் எனக்கு நேரத்தைச் சொல்ல முடியுமா?

What time is it?
இப்போது என்ன நேரம்?

இப்படி எல்லாம் கேட்கலாம். ஆனால் ஆங்கிலத்தில் இப்படி கேட்டால் உங்களை நாகரிகம் அற்றவர் என்று கருதிவிடுவர். நாகரிகமற்ற விதமான பேச்சை விரும்பாத பலரும் உள்ளனர். எனவே ஆங்கிலத்தில் கேள்வி கேட்பதற்கும், பதிலளிப்பதற்கும் நாகரீகமானதும் தாழ்மையானதும் பேச்சு வழக்கு உள்ளது. அதனை "Polite Language" என்பர். நாமும் அதனைத்தான் கற்க வேண்டும். நாம் எமது பேச்சு வழக்கில் மற்றோர் எம்மை பண்பாளர்களாக மதிக்கும் நிலையை வளர்த்துக்கொள்ள வேண்டும். எனவே ஆங்கிலத்தில் தாழ்மையாகவும் மரியாதையாகவும் நேரம் கேட்டறியும் சொற்றொடர்கள் எவ்வாறு பயன்படுகின்றன என்பதை கீழே பார்ப்போம்.

Excuse me, what is the time now, please?
மன்னிக்கவும், தயவுசெய்து இப்பொழுது நேரம் என்ன?

ஆங்கிலத்தில் எப்பொழுதும் ஒருவரின் கவனத்தை ஈர்ப்பதற்கு "Excuse me" (மன்னிக்கவும்) எனும் சொல்லை முன்னொட்டாக சொல்லி பேச்சைத் தொடர்வது ஆங்கிலத்தில் மரியாதையான ஒரு அனுகுமுறையாகும். அத்துடன் "please" (தயவுசெய்து) எனும் சொல்லையும் இணைத்து உங்கள் வேண்டுக்கோளை விடுங்கள். அது உங்கள் பேச்சை கேட்பவர், நீங்கள் நாகரீகமாகப் பேசத்தெரிந்தவர், பண்பானவர் என்பதை எடுத்துக்காட்டும்.

மேலும் நேரத்தை கேட்டறிவதற்கான (Polite Language) சொற்றொடர்கள் சில:

Excuse me, what is the time please?
Excuse me, what time is it?
Excuse me, have you got the time, please?
Sorry, do you have the time, please?

Can you tell me the time please?
Can you please tell me what is the time?
Excuse me, could you tell me the time, please?
Excuse me, could you tell me what time it is?
Excuse me, do you have the time?

பதிலளித்தல்:

1:00: It's one o' clock.
இப்பொழுது ஒரு மணி.

3:00: It is three o'clock.
இப்பொழுது மூன்று மணி.

10:00: It is ten o'clock.
இப்பொழுது பத்து மணி.

It's ___ o' clock.(two/there/four/five/six/seven/eight/nine/ten/eleven/twelve) பொருத்தமான நேர இலக்கத்தைப் பொருத்திப் பதிலளியுங்கள். மேலும் பதிலளிக்கும் சில சொற்றொடர்களை கீழே பாருங்கள்.

8:00: It's eight o'clock.
இப்பொழுது எட்டு மணி.

8:05: It's five past eight.
இப்பொழுது 8 மணி 5 நிமிடம்.

8:10: It's ten past eight.
இப்பொழுது 8 மணி 10 நிமிடம்.

8:15: It's quarter past eight.
இப்பொழுது எட்டே கால்.

8:20: It's twenty past eight.
இப்பொழுது எட்டு இருபது.

8:30: It's half past eight.
இப்பொழுது எட்டரை.

8:40: It's twenty to nine.
இப்பொழுது ஒன்பதுக்கு இருபது. (இருபது நிமிடங்கள் உள்ளன)

8:45: It's quarter to nine.
இப்பொழுது ஒன்பதுக்கு கால். (கால் மணித்தியாளம் உள்ளது)

8:50: It's ten to nine.
இப்பொழுது ஒன்பதுக்கு 10. (நிமிடங்கள் உள்ளன)

8:55: It's five to nine.
இப்பொழுது ஒன்பதுக்கு ஐந்து. (நிமிடங்கள் உள்ளன)

9:00: It's nine o'clock.
இப்பொழுது ஒன்பது மணி.

8:35: It's twenty five to nine.
இப்பொழுது ஒன்பதுக்கு இருபத்தைந்து. (நிமிடங்கள் உள்ளன.

It's midnight.
இப்பொழுது நல்லிரவு. (இரவு 12.00 மணி)

It's noon.
இப்பொழுது நடுப்பகல் (பகல் 12.00 மணி)

It's lunch time.
இப்பொழுது பகல்சாப்பாட்டு நேரம்.

It's dinner time.
இப்பொழுது இரவு சாப்பாட்டு நேரம்.

It's time to go to bed. (Good night)
இப்பொழுது படுக்கைக்கு (நித்திரைக்கு) போகும் நேரம்.

ஆங்கிலத்தில் ஒருவரிடம் நேரத்தை கேட்டு, அதற்கு அவர் பதிலளித்தால், பதிலுக்கும் பதிலளிக்கும் வழக்கு ஆங்கிலத்தில் உள்ளது. சிலவேளை உங்களிடம் யாரேனும் ஒருவர் நேரம் கேட்டு, நீங்கள் நேரத்தைக் கூற, அவர் அதற்கு நன்றி கூறினால், நன்றிக்கும் மறுமொழிக் கூற மறவாதீர்கள். கீழுள்ள சொற்றொடர்களை கவனத்தில் கொள்ளவும்.

எடுத்துக்காட்டாக:

Excuse me. what is the time please?
It's five o' clock.
Thank you.
You're welcome.

Excuse me. Have you got the time?
Yes, it's 5.00.
Thank you.
You're welcome.

Excuse me. Can you tell me the time, please?
Yes, of course. It's seven o'clock.
Thanks.
No problem.

கவனிக்கவும்:

நேரம் குறித்த மேலும் சில சொல்லாடல்கள். (இவற்றை மனதில் வைத்துக்கொள்ளுங்கள்.)

To be on time
குறித்த நேரத்திற்கு. (வந்திடவும்/இருக்கவும்) நேரம் பிந்திவிட வேண்டாம் என்பதனை வலியுறுத்திக் கூறுவதற்கான சுருக்கச் சொற்றொடர்.

We'll leave at 10:10 am sharp.
நாங்கள் வெளிக்கிடுவோம் சரியாக (கூர்மையாக) காலை 10.10 க்கு.

மேலுள்ள வாக்கியத்தில் "sharp" எனும் சொல்லும் இணைந்து பயன்பட்டுள்ளதைக் கவனியுங்கள். "Sharp" என்றால் தமிழில் "கூர்மை" என்று பொருளாகும். அதாவது 10:10 am Sharp" என்பது, சரியாக (கூர்மையாக) பத்து மணி, பத்து நிமிடத்திற்கு என்பதாகும். அதன் உட்பொருள் 10.09 க்கும் அல்ல, 10.11 க்கும் அல்ல. மிகவும் கூர்மையாக 10.10 என்பதாகும். (கத்தியின் கூர்மைப் போன்று என்பதை நினைவில் கொள்க.)

குறிப்பு:
அன்பு உலகத்தமிழ் உறவுகளே! ஆங்கிலம் தொடர்பான எண்ணற்றக் கேள்விகள் தினமும் மின்னஞ்சலில் வந்து குவிந்த வண்ணம் உள்ளன. எல்லாவற்றுக்கும் உடனுக்குடன் பதிலளிப்பதற்கான நேரம் பிரச்சினையாக உள்ளது. அவற்றில் பல கேள்விகளுக்கு பதில் தளத்திலேயே உள்ளன. ஏனையவை எதிர்வரும் பாடங்களில் வழங்குவேன். கேள்வி கேட்போர் அக்கேள்வி தொடர்பான பாடங்களில் கீழ் மட்டுமே கேளுங்கள். பாடத்துடன் தொடர்பில்லாத கேள்விகளை மின்னஞ்சல் வழியில் கேளுங்கள். கேள்விகளை கேட்கும் முன் உங்கள் கேள்விக்கான பதில் ஏற்கெனவே வழங்கப்பட்டுள்ள பாடங்களில் இருக்கின்றனவா என்பதை உறுதிப்படுத்திக்கொள்ளுங்கள். அநேகமான கேள்விகளுக்கு பதிலும் தொடர்புடைய பாடங்களும் தளத்திலேயே உள்ளன. அவற்றை எளிதாக தேடி பெறுவதற்கு, ஒரு தேடு தளமும் உள்ளது. அதில் ஆங்கிலத்தில் அல்லது தமிழில் தட்டச்சிட்டு எளிதாக தேடிப்பெறும் வசதியுள்ளது. இருப்பினும் கேள்வி கேட்போரின் கேள்விகளில் அதிகமானவை "ஆங்கிலம் எவ்வாறு பேசுவது?" என்பது தொடர்பாகவே உள்ளன. அதனாலேயே இந்த "ஆங்கிலம் பேசுவது எப்படி?" எனும் புதியப் பகுதியை தொடங்கியுள்ளேன். இப்பகுதி எந்தளவுக்கு ஏற்புடையது என்பதைப் பொருத்து தொடருந்து வரும்.

Download As PDF
ஆங்கிலம் துணுக்குகள்.

கடந்த பாடத்தில் நாம் Dating எனும் சொல்லுக்கான தமிழ் விளக்கம் பார்த்தோம். சாதாரணப் பயன்பாட்டில் என்றால் "திகதியிடல்" என்றும் காதல் மற்றும் உறவு நிலைகளின் போது "பொருத்தம் பார்த்தல்" மற்றும் "பொருத்தம் வழுப்படுத்தல்" போன்ற பொருள்களை தருவதாகவும் அறிந்தோம். இன்று பார்க்கப்போகும் சொல் "Keep" என்பதாகும்.

இந்த "Keep" எனும் ஆங்கிலச் சொல், பெயர் சொல்லாகவும் வினைச் சொல்லாகவும் பயன்படும்.

எடுத்துக்காட்டாக:

Keep this chair here.
வை இந்த கதிரையை இங்கே
(இந்த கதிரையை இங்கே வை.)

I keep a mobile phone on the table.
நான் வைக்கிறேன் ஒரு அழைப்பேசியை மேசையின் மேல்.
(நான் ஒரு அழைப்பேசியை மேசையின் மேல் வைக்கிறேன்.)

I keep money in my purse.
நான் வைக்கிறேன் பணம் எனது பையினுள்.
(நான் எனது பையினுள் பணம் வைக்கிறேன்.)

I keep my credit cards here.
நான் வைக்கிறேன் எனது கடனட்டைகளை இங்கே.

I keep the octopus card on the reading machine.

How do you keep your weight under control?
எப்படி நீ உனது நிறையை கட்டுப்பாட்டுக்குள் வைத்துக்கொள்கிறாய்?

If you like, keep it.
நீ விரும்பினால் வைத்துக்கொள் இதை.

You can keep it if you want.
உனக்கு வைத்துக்கொள்ள முடியும் உனக்கு வேண்டுமானால்.

மேலுள்ள வாக்கியங்களைப் பார்த்தீர்களா? அவற்றில் "Keep" எனும் சொல் "வை, வைக்கிறேன், வைத்துக்கொள், வைத்துக்கொள்ள, வைத்துக்கொள்கிறாய்" போன்றவாறே பயன்படுகின்றன. அதேவேளை இந்த "Keep" எனும் சொல் "தொடர்ந்து" எனும் வகையிலும் பயன்படும் இடங்கள் உள்ளன என்பதை கவனத்தில் கொள்ளவும்.

எடுத்துக்காட்டாக:

Keep coming.
தொடர்ந்து வா/வாருங்கள்.

How long will you keep going to school?
எவ்வளவு காலத்திற்கு தொடர்ந்து போவாய் பாடசாலைக்கு?

Sarmilan is going to keep going to school.
சர்மிலன் தொடர்ந்து போகப் போகின்றான் பாடசாலைக்கு.

இப்பொழுது விளங்குகிறதா? அதாவது "keep" எனும் சொல்லை அடுத்து வரும் வினைச்சொல் "ing" சொல்லமைப்பாக இருந்தால், "தொடர்ந்து" என பொருள்படும் என்பதை நினைவில் கொள்ளவும்.

சரி! மீண்டும் அடுத்தப்பாடத்தில் சந்திப்போம்.

உங்களுக்கு தொடர்ந்து ஆங்கிலம் படிக்க வேண்டுமா?
Do you want to keep studying English? அப்படியானால் தொடர்ந்து இத்தளத்திற்கு வாருங்கள்.

கண்ணன்3536 · கண்ணன்3536 Fri Mar 18, 2011 8:08 pm

மஞ்சுபாஷிணி · மஞ்சுபாஷிணி Fri Mar 18, 2011 10:12 pm

அருமையான பயனுள்ள பகிர்வு அன்பு நன்றிகள் சிவகுமார்.

தேனி சூர்யாபாஸ்கரன் · 09/06/2010

நன்றிகள்.நண்பரே..இன்னும் தொடர்ந்து தாருங்கள்... அன்பு மலர்

md.thamim · md.thamim Sat Mar 19, 2011 12:29 am

தேனி சூர்யாபாஸ்கரன் wrote:நன்றிகள்.நண்பரே..இன்னும் தொடர்ந்து தாருங்கள்...

rajesh999333 · rajesh999333 Sat Jul 07, 2012 11:11 am

how do you do?

Msaravinthan · Msaravinthan Sat Oct 26, 2013 1:49 pm

அருமை ஆனால் எனக்கு ஒரு சந்தேகம் உண்டு தங்களால் அதற்கு விளக்கம் தர முடியுமா?
Could And Would போன்ற சொற்கள் எங்கு பயன்படுத்தவேண்டும்

அதற்கு என்ன கருத்து என்று சற்று விளக்கமாக கூறமுடியுமா??

amirmaran · amirmaran Sat Oct 26, 2013 3:40 pm

17/02/2013

நன்று .ஆனால் இந்தத் திரியில் வேறு தளங்களுக்கான நிறையச் சுட்டிகள் இருக்கின்றன அதனை ஈகரை அனுமதிப்பதில்லை (இதே சுட்டியை நானும் ஒருமுறை தந்திருக்கிறேன் என்பது வேறுவிடையம் )

**சிவா** · **சிவா** Sat Oct 26, 2013 4:45 pm

செம்மொழியான் பாண்டியன் wrote:நன்று .ஆனால் இந்தத் திரியில் வேறு தளங்களுக்கான நிறையச் சுட்டிகள் இருக்கின்றன அதனை ஈகரை அனுமதிப்பதில்லை (இதே சுட்டியை நானும் ஒருமுறை தந்திருக்கிறேன் என்பது வேறுவிடையம் )

பயனுள்ள தளங்களுக்கான சுட்டியைப் பகிர்வதில் தவறில்லை என்பது என் கருத்து!

Sponsored content · Sponsored content

ஆங்கிலம் பேசுவது எப்படி?

ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

Re: ஆங்கிலம் பேசுவது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக