சச்சின் 200!! நினைவுப்பாதை!

**சிவா** · **சிவா** Tue Oct 22, 2013 2:16 am

First topic message reminder :

சச்சின் 200!! நினைவுப்பாதை! - Page 2 Gil00aw8Rou2VjASx7Ho+img1131010040_7_1

25 ஆண்டுகால கிரிக்கெட் பயணம்!! முடிவுக்கு வந்தது. சச்சின் டெண்டுல்கர் கடைசியில் இருதய கனத்துடன் ஓய்வு அறிவித்து விட்டார். மேற்கிந்திய தீவுகளுடன் விளையாடவுள்ள 2வது டெஸ்ட் போட்டி அவரது கடைசி டெஸ்ட் போட்டி. இந்த நிலையில் அவரது கிரிக்கெட் வாழ்வை துவக்கம் முதல் புள்ளி விவரங்களுடனுடனும், தனிப்பட்ட நினைவுகளுடனும் அசைபோடுதல் சுவாரசியமாக இருக்கும் என்று நம்புகிறோம்:

1988, பிப்ரவரி 23- 25

சச்சின் டெண்டுல்கருக்கு வயது 14. தனது பள்ளித் தோழன் வினோத் காம்ப்ளி(16) உடன் சேர்ந்து 664 ரன்களைக் குவித்து லைம் லைட்டிற்கு வந்தார். எங்கும் சச்சின், சச்சின் என்ற நமாவளி உர்வான சமயம்! சச்சின் இதில் 326 ரன்கள் எடுத்து வீழ்த்த முடியாமல் நாட் அவுட்டாக இருந்தார்.

**சிவா** · **சிவா** Tue Oct 22, 2013 2:19 am

சச்சின் முதன் முதலில் துவக்க வீரரான நியூசீ. போட்டி: மார்ச் 27, 1994! பூம் பூம் சச்சின்!

நியூசீலாந்து அணிக்கு எதிரான இந்த ஒருநாள் போட்டியில் சித்து விளையாட முடியவில்லை. ஏதோ பிரச்சனை! தானே துவக்க வீரராக செல்கிறேன் என்று கேட்டு வாங்கிக் கொண்டு களமிறங்கினார் சச்சின், இலக்கு 143 ரன்கள்தான்! ஆனால் பிட்ச் தறுமாறு. பந்துகள் ஸ்விங், பவுன்ஸ் என்று தாறுமாறாக இருந்தது. ஆனால் சச்சின் பூம் பூம் சச்சினாக ஆடினார். 49 பந்துகளில் 82 ரன்களை விளாச 143 ரன்கள் இலக்கு 17 ஓவர்களுக்கே போதவில்லை.

**சிவா** · **சிவா** Tue Oct 22, 2013 2:20 am

அக்டோபர், 1995:

வேர்ல்ட் டெல் ரூ.31.5 கோடிக்கு வணிக ஒப்பந்தம் செய்ய உலகின் பணக்கார கிரிக்கெட் வீரரானார் சச்சின்.

1996 உலகக் கோப்பை:

2 சதங்கள் 3 அரைசதங்கல் 523 ரன்கள் சராசரி 87.16. ஒரு போட்டியில் ஆஸ்ட்ரேலியாவுக்கு எதிராக கிளென் மெக்ராவை 4 பவுண்டரி ஒரு சிக்சரை விளாச அம்பயரிடமிருந்து கடுப்பில் தொப்பியைப் பிடுங்கி சென்றார் கிளென் மெக்ரா.

**சிவா** · **சிவா** Tue Oct 22, 2013 2:20 am

மோசமான காலம் - கேப்டன்சி!

ஆகஸ்ட், 8, 1996ஆம் ஆண்டில் 23 வயதில் சச்சின் கேப்டனாக அறிவிக்கப்பட்டார். ஜனவரி 2 1998-உடன் கேப்டன்சி காலம் முடிவடைந்தது. தொடர்ச்சியாக 5 டெஸ்ட் போட்டிகளில் தோல்வி. மொத்தம் 17 டெஸ்ட் போட்டிகளில் 3-இல் மட்டுமே வெற்றி. பல மனஸ்தாபங்கள்,மேட்ச் பிக்சிங் அப்போதுதான் தலை தூக்கியது. மேற்கிந்திய தீவுகள் தொடரில் சச்சின் அபாரமாக ஆடிக் கொடுத்தும் சூதாட்டத் தடை புகழ் அசார், ஜடேஜா ஆகியோர் போட்டிகளைத் தோற்றது ஆகிய ஏமாற்றம், மன வருத்தம், அழுத்தம் ஆகியவற்றுடன் சச்சின் கேப்டன்சியை துறக்கிறார்.

**சிவா** · **சிவா** Tue Oct 22, 2013 2:20 am

கோல்டன் 1998:

ஆஸ்ட்ரேலிய அணி இங்கு 3 டெஸ்ட் போட்டிகள் 5 ஒருநாள் போட்டிகள் தொடருக்காக இந்தியா வருகிறது. மும்பையில் கடும் பயிற்சியில் இருந்த சச்சின், ஷேன் வார்னுக்கு வேட்டு வைத்திருப்பது அப்போது ஆஸ்ட்ரேலியர்கள் அறியவில்லை. மும்பைக்கும் ஆஸ்ட்ரேலியாவுக்கும் நடைபெற்ற பயிற்சி ஆட்டத்திலேயே கடுமையாக தாக்கு தாக்கி 202 ரன்களை ஒரே நாளில் விளாசினார் சச்சின் ஷேன் வார்னுக்கு பலத்த அடி! மும்பை ஆஸ்ட்ரேலியாவை வீழ்த்தியது.

அதன் பிறகு சென்னை டெஸ்ட் போட்டியில் முதல் இன்னிங்சில் வார்னை ஒரு புரடு புரட்ட மேலேறி வந்து ஆடி எட்ஜ் செய்தார் சச்சின் அது கல்லியில் டெய்லரிடம் கேட்ச் ஆனது. ஆஸ்ட்ரேலியா முதல் இன்னிங்ஸில் 71 ரன்கள் முன்னிலை பெற்றது. இரண்டாவது இன்னிங்ஸில் உணவு இடைவேலைக்கு சற்று முன் களமிறங்கிய சச்சின் ஆக்ரோஷமாஅக 26 ரன்கள் எடுத்து உணவு உட்கொள்ள பெவிலியன் சென்றார். திரும்பி வந்ததுதான் தாமதம் உரியடி உத்சவம் தொடங்கியது, ஷேன் வார்ன், ஸ்டீவ் வாஹ், மெக்ரா அனைவருக்கு அடி. 155 ரன்களை தேநீர் இடைவேலை முடிந்து உடனே எடுத்தார். இந்தியா ஆஸ்ட்ரேலியாவை வீழ்த்தியது.

இந்தத் தொடரில் முதல் இரட்டை சதம் அடித்து இரண்டு சதங்கள் 3 அரைசதங்கள் என்று சச்சின் அசத்தினார் இந்தியா தொடரை 2- 1 என்று வென்றது.

**சிவா** · **சிவா** Tue Oct 22, 2013 2:21 am

ஷார்ஜா, 1998, ஏப்ரல்:

இரண்டு அபாரமான அடுத்தடுத்த சதங்களை விளாசி இந்தியாவில் ஒருநாள் தொடரை கைப்பற்றிய ஆஸ்ட்ரேலியாவை தனி மனிதனாக வீழ்த்தி பழி தீர்த்தார் சச்சின்.

ஜனவரி 30 2001 பாகிஸ்தானுக்கு எதிராக தனி மனித போராட்டம்:

சென்னை டெஸ்ட் அது. 271 ரன்கள் வெற்றி இலக்கு. இத்தனைக்கும் முதுகுவலி சச்சினுக்கு. சில ஷாட்களை தியாகம் செய்து 136 ரன்களை எடுத்தார். 17 ரன்கள் எடுத்தால் வெற்றி என்ற நிலையில் ஆட்டமிழக்க இந்தியா 13 ரன்களில் தோல்வி. சச்சினுக்கு மிகவும் கடுப்பேற்றிய தோல்வி இதுவென்றால் மிகையாகாது.

மார்ச் 20,2001 ஆஸ்ட்ரேலியாவுக்கு எதிராக கங்கூலி தலைமை இந்தியா 3 டெஸ்ட் போட்டிகளில் விளையாடியது. சென்னையில் சச்சின் மீண்டும் ஒரு சதம் எடுக்க ஆஸ்ட்ரேலியா தொடர் வெற்றி முடிவுக்கு வந்து தொடரை 2- 1 என்று தோற்று வெளியேறியது.

**சிவா** · **சிவா** Tue Oct 22, 2013 2:21 am

மார்ச் 31, 2001:

இந்தோரில் ஆஸ்ட்ரேலியாவுக்கு எதிராக அதிரடி 139 ரன்களை விளாசி ஒரு நாள் போட்டிகளில் முதன் முதலில் 10,000 ரன்களை எடுத்து சாதனை நாயகனானார்.

13 ஆண்டுகள் கழித்து முதன் முதலாக ஸ்டம்ப்டு ஆன சச்சின்:

இது பொன்ற ஒரு அரிதான சாதனையை எந்த வீரரும் வைத்திருக்க முடியாது. டெஸ்ட் கிரிக்கெட் வரலாற்றில் ஒரு வீரர் 13 ஆண்டுகள் கழித்து ஸ்பின்னரிடம் ஸ்டம்ப்டு ஆகிறார்.

இங்கிலாந்தின் அஷ்லி ஜைல்ஸ், கேப்டன் நாசர் ஹுசைனின் அசிங்கமான லெக் ஸ்டம்பிற்கு வெளியே பந்து வீசும் உத்தியைக் கடைபிடிக்க வெறுப்பான சச்சின் ஸ்டம்ப்டு ஆனார் முதன் முறையாக, ஆனால் சச்சின் நன்றாக ஏசினார் இங்கிலாந்தை. இந்த உத்தி சிறுபிள்ளைத் தன்மமானது ஹைஸ்கூல் கிரிக்கெட் என்றார்.

**சிவா** · **சிவா** Tue Oct 22, 2013 2:21 am

ஆகஸ்ட் 22- 23; டான் பிராட்மேன் சாதனை சமன்!

ஹெடிங்லே மைதானத்தில் சச்சின் 193 ரன்களை வெளுத்துக் கட்டினார். அதுவும் போதிய வெளிச்சம் இல்லாஇ. கங்கூலி தொடர்ன்க்டு ஆடுவோம் என்றார் சச்சின் அதன் பிறகு ஆண்டூ கேடிக் மற்று சில பந்து வீச்சளர்களை மைதானத்திறு வெளியே அனுப்பினார். கங்கூலியும் சதம். இந்தியா இங்கிலாந்தை இன்னிங்ஸ் வெற்றி பெற்று தொடரையும் சமன் செய்தது. இந்த சதம்தான் டான் பிராட்மேனின் 29வது சதத்தை சமன் செய்த சதம் ஆகும்.

**சிவா** · **சிவா** Tue Oct 22, 2013 2:22 am

2003 உலகக் கோப்பை கிரிக்கெட், தென் ஆப்பிரிக்கா!

முதல் போட்டியில் இந்தியா ஆஸ்ட்ரேலியாவிடம் படு தோல்வியடைய சச்சின் உட்பட அனைத்து வீரர்கள் வீட்டிலும் கல் எறியப்பட்டது. பெரும் குழப்பம், ஆனால் அடுத்தடுத்த போட்டிகளில் தோல்வியே இல்லை!! காரணம் சச்சின்! 673 ரன்களைக் குவித்தா சராசரி 61 ரன்களுக்கும் மேல். பாகிஸ்தானுக்கு எதிராக அடித்த 98 ரன்கள் சச்சினின் சிறந்த அயல்நாட்டு ஒருநாள் சதங்களில் ஆகச் சிறந்தது. ஆஸ்ட்ரேலியா சாம்பியன் ஆனால் சச்சின் தொடர் நாயகன்!!

**சிவா** · **சிவா** Tue Oct 22, 2013 2:22 am

ஜனவரி 2004:

ஆஸ்ட்ரேலியாவுக்கு எதிராக சிட்னியில் 241 ரன்களை எடுத்தார். லஷ்மணுடன் ஒருநாள் முழுதும் விக்கெட்டை விடாமல் ஆடி ஸ்டீவ் வாஹின் ஓய்வு கோண்டாட்டத்தை வெறுப்பேற்றினார். இந்த இன்னிங்ஸின் சிறப்பு என்னவெனில் கவர் டிரைவ் ஆடாமலேயே 241 ரன்கள் எடுத்தார்.

மார்ச் 2004:

பாகிஸ்தானுக்கு எதிராக முல்டானில் சேவாக் முச்சதம் காண சச்சின் 194 ரன்கள் எடுத்தார். டிக்ளேர் செய்ததால் அதிர்ச்சியடைந்து, ஏமாற்றமடைந்தார்.

**சிவா** · **சிவா** Tue Oct 22, 2013 2:22 am

மார்ச் 16, 2005:

கொல்கட்டாவில் பாகிஸ்தானுக்கு எதிராக 52 ரன்களை எடுத்து டெஸ்ட் கிரிக்கெட்டிலும் 10,000 ரன்களை எடுத்து சாதனை புரிந்தார். இந்தியா இந்த டெஸ்டில் வென்றது.

அக்டோபர் 25, 2005:

டென்னிஸ் எல்போவால் அவதிப் பட்டுவந்த சச்சின் கிரிக்கெட் வாழ்வு அவ்வளவுதா என்று அனைவரும் நினைத்தனர், எழுதினர். ஆனால் நாக்பூரில் இலங்கைக்கு எதிராக 96 பந்துகளில் 93 ரன்களை விளாசினார். அப்போதுதான் புல் ஷாட்டை கைவிட்டு சமிந்தா வாஸ் பந்துகளை பெடல் ஸ்வீப் செய்யத் தொடங்கினார்.

Sponsored content · Sponsored content

சச்சின் 200!! நினைவுப்பாதை!

சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக