சச்சின் 200!! நினைவுப்பாதை!

**சிவா** · **சிவா** Tue Oct 22, 2013 2:16 am

25 ஆண்டுகால கிரிக்கெட் பயணம்!! முடிவுக்கு வந்தது. சச்சின் டெண்டுல்கர் கடைசியில் இருதய கனத்துடன் ஓய்வு அறிவித்து விட்டார். மேற்கிந்திய தீவுகளுடன் விளையாடவுள்ள 2வது டெஸ்ட் போட்டி அவரது கடைசி டெஸ்ட் போட்டி. இந்த நிலையில் அவரது கிரிக்கெட் வாழ்வை துவக்கம் முதல் புள்ளி விவரங்களுடனுடனும், தனிப்பட்ட நினைவுகளுடனும் அசைபோடுதல் சுவாரசியமாக இருக்கும் என்று நம்புகிறோம்:

1988, பிப்ரவரி 23- 25

சச்சின் டெண்டுல்கருக்கு வயது 14. தனது பள்ளித் தோழன் வினோத் காம்ப்ளி(16) உடன் சேர்ந்து 664 ரன்களைக் குவித்து லைம் லைட்டிற்கு வந்தார். எங்கும் சச்சின், சச்சின் என்ற நமாவளி உர்வான சமயம்! சச்சின் இதில் 326 ரன்கள் எடுத்து வீழ்த்த முடியாமல் நாட் அவுட்டாக இருந்தார்.

**சிவா** · **சிவா** Tue Oct 22, 2013 2:16 am

டிசம்பர் 11, 1988 - முதல் போட்டியிலேயே முதல் தர கிரிக்கெட்டில் சதம்:

15 வயதான சச்சின் அப்போது வான்கடே ஸ்டேடியத்தில் ஜோதிகளை ஏற்றினார். குஜ்ராத்திற்கு எதிராக ஆட்டமிழக்காமல் சதம் எடுத்தார் சச்சின். முதல் தர கிரிக்கெட் முதல் போட்டியிலேயே சதம் எடுத்த இளம் வீரர் என்ற சாதனையுடந்தான் தன் வாழ்வைத் துவங்கியுள்ளார். வலையில் கபில்தேவை இவர் ஆடிய விதத்தைப் பார்த்த திலிப் வெங்சர்க்கார் இவரை மும்பை அணிக்கு தேர்வு செய்திருந்தார்.

**சிவா** · **சிவா** Tue Oct 22, 2013 2:16 am

1989 சச்சினின் டெஸ்ட் டெபு!

பச்சிளம் பாலகன் ஆன சச்சின் வக்கார் யூனிஸ், வாசிம் அக்ரம், இம்ரான் கான், ஆகியோரை சந்திக்கவேண்டும். வக்கார் யூனிஸ் பந்தில் மூக்கில் அடி வாங்கினார். மருத்துவ உதவி அப்போது அவருக்கு கிடைக்கவில்லை. காரணம் பாகிஸ்தான் மறுத்தது. அவர் 57 ரன்கள் எடுத்து தனது 16 வயது தைரியத்தை வெளிப்படுத்தினார்.

**சிவா** · **சிவா** Tue Oct 22, 2013 2:17 am

நியூசீலாந்து தொடர்:

இந்தத் தொடரில் அவர் முதன் முதலில் சதம் எடுப்பார் என்று எதிர்பார்க்கப்பட்டது. ஆனால் அவர் 88 ரன்களில் ஆட்டமிழந்தார். ஒரு அருமையான டெஸ்ட் இன்னிங்ஸ் அது. கடினமான ஸ்விங்கிங் சூழ்நிலைகளில் அவர் அவுட் ஸ்விங்கர் பந்துகளை மிட் விக்கெட் திசையில் புல் ஆடிய விதம் அனைவரையும் ஒரு ஜீனியஸ் உருவாகிவிட்டார் என்று எண்ண வைத்தது.

**சிவா** · **சிவா** Tue Oct 22, 2013 2:17 am

சச்சின் முதல் டெஸ்ட் சதம்; ஆகஸ்ட் 14, 1990!

17 ஆண்டுகள் 112 நாட்கள்! சச்சின் வயது! ஓல்ட் டிராபர்ட் மைதானத்தில் பலரும் இந்திய அணி தோற்றுத்தான் போகும் என்று நினைத்திருந்தவேளையில் களமிறங்கி 119 ரன்களை எடுத்து டெஸ்ட் போட்டியை அரிதான டிராவுக்கு இட்டுச் சென்றார். இளம் வயதில் டெஸ்ட் சதம் அடித்த 2வது வீரர் என்ற சாதனையை நிகழ்த்தினார் சச்சின்.

**சிவா** · **சிவா** Tue Oct 22, 2013 2:17 am

1992ஆம் ஆண்டு ஆஸ்ட்ரேலியா தொடர்!

மெக்டர்மாட், முரட்டு மீசை மெர்வ் ஹியூஸ் என்று ஆஸ்ட்ரேலிய வேகப்பந்து மிரட்டல். இதில் மெல்பர்னில் ஒரு அசத்தல் 40 ரன்களை எடுத்த சச்சின். அதன் பிறகு இன்னொரு லெஜண்ட் ஷேன் வார்ன் டெபு மேட்சான சிட்னியில் சதம் எடுத்தார். இந்த சதம்தான் சச்சினின் பட்டியலில் அன்று 2வது சிறந்த சதமாக இருந்தது.

ஆனால் பிப்ரவரி 2- 3 ஆம் தேதி உலகின் அதிவேக ஆட்டக்களமான பெர்த்த்தில் 114 ரன்களை எடுத்த போது ஆஸ்ட்ரேலிய அணியே இவரது சாதனைகளை அப்போதே பேசத்தொடங்கிவிட்டது. ஆலன் பார்டர், இந்தப் பையன் இன்னும் என்னன்ன செய்வாரோ என்று அச்சமாக இருக்கிறது என்றார். அதே தொடரில் அடிலெய்ட் டெஸ்ட் போட்டியில் மார்க் டெய்லர், ஆலன் பார்டர் ஆகியோரை அடுத்தடுத்து தனது லெக்ஸ்பின் பந்து வீச்சில் வீழ்த்திய போது ஆஸ்ட்ரேலிய வர்ணனையாளர் பில் லாரி என்ன கூறினார் தெரியுமா? "ஓ காட் ஹேச் சென்ட் திச் பாய் ஃபிரம் ஹெவன்' என்றார். அதாவது கடவுள் இந்தப் பையனை சொர்க்கத்திலிருந்து அனுப்பியுள்ளார்' என்றார்.

ரொம்ப நாளைக்கு இன்றும் கூட சச்சின் தான் அடித்த சதங்களில் ஆகச்சிறந்த சதம் இதுதான் என்று கூறுவார்.

**சிவா** · **சிவா** Tue Oct 22, 2013 2:18 am

ஏப்ரல் 1992:

இங்கிலாந்து கவுண்டி கிரிக்கெட் அணியான யார்க் ஷயருக்கு இவர் விளையாட ஒப்பந்தம் செய்யப்பட்டார். அங்கு பாகிஸ்தனியர்கள் அதிகம். சச்சினைக் காண அன்று வந்த பாகிஸ்தானிய முஸ்லிம் பெண்கள், ஆண்கள், சிறுவர்கள், சிறுமிகள் ஏராளம்.

**சிவா** · **சிவா** Tue Oct 22, 2013 2:18 am

நவம்பர் 27- 28 தென் ஆப்பிரிக்கா சதம்:

முதல் டெஸ்ட் போட்டியில் ஜாண்டி ரோட்ஸின் மின்ன்லவேக த்ரோவிற்கு பேட்டிங் முனையில் திடுக் ரன் அவுட் ஆனார் சச்சின். அதுவே முதன் முறையாக தேர்ட் அம்பயர் கொடுத்த தீர்ப்பாகும். மிகவும் கடுமையான பந்து வீச்சு அப்பொது தென் ஆப்பிரிக்காவில். ஆலன் டோனல்ட், மெரிக் பிரிங்கிள், மேத்யூஸ், கிரெய்க் மெக்மில்லன் என்று கடின்மனான பன்ட்ப்கு வீச்சு, 2வது டெஸ்ட் போட்டி ஜொஹான்னஸ்பர்கில் நடக்கிறது. இந்திய அணி 227 க்கு சுருண்டது சச்சின் அதில் அபாரமான 111 ரன்களை விளாசினார். ஜாண்டி ரோட்ஸ் என்ற மலை நிற்கும் பாயிண்ட் திசையில் அடித்த ஸ்கொயர் கட்கள் 'நான் அடித்த ஷாட்டை பிடித்து என்னையா ரன் அவுட் செய்தாய்' என்பது போல் பழிக்குப் பழி வாங்குவதாக அவர் ஸ்கொயர் கட்களை ரோட்ஸிற்கு வலது பக்கமும் இடது பக்கமும் விளாசினார். ரோட்ஸ் இவரது ஷாட்களை பிடிக்க பிரம்மப் பிரயத்தனம் மேற்கொண்டார். ஆனால் கேப்டன் கெப்ளர் வெசல்ஸ் ரோட்ஸ் எங்காவது காயம் பட்டுக் கொள்ளப்போகிறார் என்று அவரை பாயிண்டிலிருந்து தூக்கி ஸ்கொயர் லெக் திசையில் மாற்றியது இன்று வரை பசுமையாக நினைவில் உள்ளது.

இந்த 111 ரன்களுடன் அவர் டெஸ்ட் கிரிக்கெட்டில் 19 வயதிலேயே 1000 ரன்களை எடுத்த வீரர் மற்றொரு சாதனையை நிகழ்த்தினார்.

**சிவா** · **சிவா** Tue Oct 22, 2013 2:19 am

முதன் முதலாக இந்தியாவில் தோற்றம்!

கிரிக்கெட் டெபுவிற்கு பிறகு ஒரு உலகக் கோப்பை (1992) யிலும் பங்கேற்ற பிறகே இந்தியாவில் சச்சின் முதல் டெஸ்ட் போட்டியை விலையாடினார். 1993 பிப்ரவரி மாதம் சச்சின் இங்கிலாந்தை வறுத்து எடுத்தார். 165 ரன்களில் 24 பவுண்டரி ஒரு சிக்சர். இந்தியா இன்னிங்ஸ் மற்றும் 22 ரன்களில் வெற்றி பெற்றது. இது சென்னையில் என்பது குறிப்பிடத்தக்கது.

**சிவா** · **சிவா** Tue Oct 22, 2013 2:19 am

பந்து வீச்சிலும் சாதனை!

1992 ஆம் ஆண்டு ஆஸ்ட்ரேலிய தொடரின் போது முத்தரப்பு ஒருநாள் தொடரில் இந்தியா, ஆஸ்ட்ரேலியா, வெஸ்ட் இண்டீஸ் பங்கேற்றன. இதில் முதல் போட்டியே படுபயங்கரமான பெர்த் பிட்சில். இந்தியா 126 ரன்களுக்கு ஆலவுட். வெஸ்ட் இண்டீஸ் அணியும் இந்தியாவின் கபில்தேவ், பானர்ஜி, ஸ்ரீனாத், பிரபாகர் ஆகியோரது பந்து வீச்சில் 126 ரன்களுக்கு ஆல் அவுட் ஆனது. இதில் 40 ஒவர்களை சிறந்த வீச்சாளர்கள் வீசிவிட்டனர். மேற்கிந்திய தீவுகளுக்குத் தேவை 1 ரன் இருப்பதோ 10 ஓவர்கள், இந்தியாவுக்கு தேவையோ 1 விக்கெட். அப்போது அந்த இளம் சச்சினைத்தான் கேப்டன் அசார் நம்பினார். பந்தை அவர் கையில் கொடுத்தார் எட்ஜ் எடுத்தது. அசாரே கேட்ச் பிடித்தார் ஆட்டம் டை. எதிர்முனையில் ஆம்புரோஸ் ஓங்கி தரையில் பேட்டால் அடித்து தனது கோபத்தைக் காட்டினார்.

மீண்டும் நவம்பர் 24,1993ஆம் ஆண்டு ஹீரோ கோப்பை ஒருநாள் போட்டித் தொடரில் தென் ஆப்பிரிக்காவுக்கு எதிரான அரையிறுதியில் பரப்பான ஓவரி வீசி சச்சின் 3 ரன்களே கொடுக்க இந்தியா வெற்றி பெற்றது. அதன் பிறகு அதே ஹீரோ கோப்பை இறுதிப் போட்டியில் வெஸ்ட் இண்டீஸின் மேதை பிரையன் லாராவை பவுல்டு செய்தார். பிறகு கும்ளே புகுந்தார் இந்தியா கோப்பையை வென்றது.

Sponsored content · Sponsored content

சச்சின் 200!! நினைவுப்பாதை!

சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

Re: சச்சின் 200!! நினைவுப்பாதை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக