நன்றாக தூங்கினால் மூளை சுத்தமடையும்

**சிவா** · **சிவா** Mon Oct 21, 2013 10:29 pm

அமெரிக்காவில் உள்ள ஒரு பல்கலைக்கழக ஆராய்ச்சியாளர்கள் நன்றாக உறங்கும்போது மூளையில் உள்ள நச்சுக்கள் நீக்கப்படுவதாக தெரிவித்துள்ளனர்.

அமெரிக்காவில் ரோசெஸ்டர் பல்கலைக்கழகத்தை சேர்ந்த விஞ்ஞானி ஒருவரின் தலைமையில் மேற்கொள்ளப்பட்ட ஆய்வில், நன்றாக தூங்கும் போது தான் மூளை சுத்தம் செய்யப்படுவது தெரிய வந்தது.

ஒருவர் தூங்கும்போது அவரது மூளையில் இருக்கும் செல்கள் சுருங்குகின்றன. அப்போது மூளை வெளியேற்றும் ஒரு திரவத்தால், நாள் முழுவதும் மூளையில் ஏற்படும் நச்சுக்கள் வெளியேற்றப்படுகின்றன.

மூளைக்கு வெளிப்புறம் படிந்திருக்கும் மூலக்கூறுகளின் சிதைந்த பொருட்களும், நச்சு புரோன்டீன்களும் அப்புறப் படுத்தப்படுத்தபடுவதால் மூளை சார்ந்த பாதிப்புகள் ஏற்படாமல் பாதுகாக்கப்படுகிறது.

இந்த ஆய்விற்காக விஞ்ஞானிகள் எலிகளை பயன்படுத்தினர் என்பதும், மனிதர்களை பரிசோதித்து பார்த்தால் இந்த ஆய்வில் முக்கியத்துவம் அதிகரிக்கும் எனவும் தெரிவிக்கப்பட்டுள்ளது குறிப்பிடத்தக்கது...