மங்கள்யான் செயற்கைகோள் செய்திகள்

First topic message reminder :

பெங்களூரு:

செவ்வாய் கிரக ஆய்வுக்காக இஸ்ரோ நிறுவனம்
மங்கள்யான் என்ற செயற்கை கோளை அனுப்ப
உள்ளது.

இந்த செயற்கை கோள் விண்ணில் ஏவப்படும்
தேதி நேற்று அறிவிக்கப்படும் என்று கூறப்பட்டது.
ஆனால், தேதி அறிவிக்கப்படவில்லை.

இந்நிலையில், மங்கள்யான் செயற்கை கோளை
ஏவுவது தாமதமாகலாம் என்று இஸ்ரோ அறிவித்துள்ளது.

தென்பசிபிக் கடல் பகுதியில் ஏற்பட்டுள்ள மோசமான
வானிலையே இதற்கு காரணம் என்றும், வரும் 22ம் தேதி,
செயற்கை கோள் ஏவப்படும் தேதி அறிவிக்கப்படும்
என்றும் இஸ்ரோ தெரிவித்துள்ளது.

வரும் 28 அல்லது நவம்பர் 19ம் தேதி மங்கள்யான்
ஏவப்படலாம் என தகவல்கள் தெரிவிக்கின்றன.
முன்னதாக, செவ்வாயக்கு செயற்கை கோள்
அனுப்புவதை தாமதப்படுத்த வேண்டும் என அ
மெரிக்க விண்வெளி நிறுவனமான நாசா கூறியிருந்தது.
ஆனால், எந்த காரணத்தை முன்னிட்டும் தாமதிக்க
முடியாது என இஸ்ரோ அறிவித்திருந்தது
குறிப்பிடத்தக்கது.
-
===========
நன்றி: தினமலர்

மங்கள்யான் செவ்வாயை தொட்டது.......என்ற செய்திக்காக காத்திருக்கும் கோடியருள் நானும் ஒருவன்

பிஜிராமன் wrote:மங்கள்யான் செவ்வாயை தொட்டது.......என்ற செய்திக்காக காத்திருக்கும் கோடியருள் நானும் ஒருவன்

மேற்கோள் செய்த பதிவு: 1090059

மங்கள்யான் செயற்கைகோள் செவ்வாய் கிரக சுற்றுவட்டப் பாதையில் நிலை நிறுத்தப்பட்டது. வெண்கலத்தில் உள்ள 8 இஞ்சின்களையும் இயக்கி சுற்றுவட்ட பாதையில் நிலை நிறுத்தப்பட்டது. இதற்கான இறுதிக்கட்ட பணிகளில் இன்று தீவிரமாக இஸ்ரோ விஞ்ஞானிகள் செயல்பட்டு வந்தனர். இதை வெற்றிகரமாக நிகழ்த்தி, விண்வெளி ஆராய்ச்சியில் இஸ்ரோ புதிய வரலாறு படைத்துள்ளது. செவ்வாய் கிரகத்தில் மீத்தேன் உள்ளிட்ட மனிதன் வாழ்வதற்கு ஏதுவான சாத்தியக்கூறுகள் உள்ளதா என்பதை கண்டறிய இஸ்ரோ நிறுவனம் கடந்த ஆண்டு நவம்பர் 5ம் தேதி மங்கள்யான் செயற்கைக்கோளை விண்ணில் செலுத்தியது. 300 நாள் பயணமாக செவ்வாயை நோக்கி புறப்பட்ட மங்கள்யான் இன்று செவ்வாய் கிரக சுற்றுவட்டப் பாதைக்குள் நுழைந்தது.

இதற்காக செயற்கைக்கோளில் உள்ள முக்கிய திரவ என்ஜின் சுமார் 24 நிமிடங்கள் இயக்கப்படும். பின்னர் படிப்படியாக செயற்கைக்கோளின் வேகம் 22.1 கிலோமீட்டரிலிருந்து, 4.4 கிலோமீட்டர் வேகத்திற்கு குறைக்கப்பட்டு செவ்வாயின் சுற்றுவட்ட பாதையில் இணைக்கப்பட்டது. முதல் முயற்சியிலேயே செவ்வாய் கிரக சுற்றுப் பாதைக்குள் நுழைந்த முதல் விண்கலம் என்ற பெருமையும் மங்கள்யானுக்கு கிடைத்தது. இதை சரியாக செய்ல்படுத்தி விட்டால்,நான்காவது நாடு என்ற பெருமை இந்தியாவுக்கு கிடைகத்துள்ளது.

இதற்கு முன்பு அமெரிக்கா, ரஷ்யா ஆகியவைதான் இதை சாதித்துள்ளன. மேலும் மற்ற நாடுகளை விட இந்தியா குறைந்த செலவில் அனுப்பியுள்ளது. மங்கள்யான் விண்கலம் செவ்வாய் கிரகத்தில் நிலைநிறுத்தப்படும் நிகழ்ச்சிகளை இஸ்ரோ விண்வெளி ஆராய்ச்சி மையத்தி்ல் இருந்து நேரடியாக பிரதமர் நரேந்திர மோடி பார்வையிட்டார்.

மோடி பாராட்டு

இஸ்ரோ விஞ்ஞானிகளுக்கு பிரதமர் நரேந்திர மோடி வாழத்து தெரிவித்தார். முதல் முயற்சியிலேயே இந்தியா வெற்றி பெற்றுள்ளது பெருமைக்குரியது என்றார். மேலும் வின்வெளி ஆராய்ச்சியில் இந்தியா சாதனை படைத்துள்ளதாக மோடி பெருமிதம் கொண்டார்.

: மங்கள்யான் சாதனைக்காக இஸ்ரோ விஞ்ஞானிகளுக்கு ஜனாதிபதி பிரணாப் முகர்ஜி தனது டுவிட்டர் பக்கத்தில் வாழ்த்து தெரிவித்துள்ளார். அதில் அவர் கூறியிருப்பதாவது : மங்கள்யானின் வெற்றிக்கு பாடுபட்ட இஸ்ரோ விஞ்ஞானிகள் அனைவருக்கும் என் இதயபூர்வமான வாழ்த்துக்களையும் பாராட்டுக்களையும் தெரிவித்துக் கொள்கிறேன். இந்த வரலாற்று சாதனையால் நாடே பெருமை அடைகிறது.

மங்கள்யான் விண்கலம், செவ்வாய் சுற்றுவட்ட பாதையில் வெற்றிகரமாக நிலைநிறுத்தப்பட்ட சாதனைக்கு தலைவர்கள் பலரும் தங்களின் டுவிட்டரில் இஸ்ரோ விஞ்ஞானிகளுக்கு வாழ்த்து தெரிவித்துள்ளனர். மத்திய அமைச்சர் நிர்மலா சீத்தாராமன், சமூக ஆர்வலர் கிரண் பேடி, காங்கிரஸ் தலைவர் திக் விஜய் சிங் உள்ளிட்டோர் வாழ்த்து தெரிவித்துள்ளனர்.

செவ்வாய் சுற்றுவட்ட பாதையில் மங்கள்யான் விண்கலம் நிலைநிறுத்தப்பட்ட சாதனையை இஸ்ரோ விண்வெளி மையத்தில் இருந்து நேரில் பார்வையிட்ட பிரதமர் மோடி, விஞ்ஞானிகளை வாழ்த்தி பேசினார். அப்போது அவர் கூறியதாவது : இந்த வரலாற்று சாதனையை புரிந்ததற்காக அனைத்து இஸ்ரோ விஞ்ஞானிகளையும் நான் வாழ்த்துகிறேன். இன்று இந்தியா ஒரு வரலாறு படைக்கப்பட்டுள்ளது. முடியாது என்று கூறப்பட்ட சாதனையை நாம் அடைந்துள்ளோம். 650 மில்லியன் கி.மீ.,க்களுக்கு அப்பால் பயணம் செய்து, மனித கற்பனைக்கு அப்பாற்பட்ட எல்லையை நாம் அடைந்துள்ளோம். முதல் முயற்சியிலேயே செவ்வாய்க்கு விண்கலம் அனுப்பி சாதனை படைத்த முதல் நாடு என்ற பெருமையை இந்தியா அடைந்துள்ளது. இதுவரை அனுப்பப்பட்ட 51 விண்கலங்களில் 21 மட்டுமே வெற்றி அடைந்துள்ளது. இந்திய விஞ்ஞானிகள் இன்று படைத்துள்ள சாதனை மூலம் எலைட் குழுவில் இஸ்ரோவும் இணைந்துள்ளது. செவ்வாய் கிரகத்திற்கு இதற்கு முன் 3 நிறுவனங்கள் மட்டுமே விண்கலம் அனுப்பி உள்ளன. இத்தகைய சாதனைகள் வரலாற்றில் ஒரு முக்கிய இடத்தை பிடிக்கும். சில ஹாலிவுட் படங்களுக்கு செலவிடப்படும் தொகையை விட குறைவாக செலவிலேயே நமது விஞ்ஞானிகள் இந்த சாதனையை நிகழ்த்தி உள்ளனர்.இந்த சோதவையில் தோல்வி ஏற்பட்டாலும் கவலை படவேண்டாம் என விஞ்ஞானிகளிடம் நான் கூறி இருந்தேன். அப்படி தோல்வி ஏற்பட்டால் அதற்கு நான் பொறுப்பேற்றுக் கொள்கிறேன் என்றும் கூறி இருந்தேன். நீங்கள் புரிந்துள்ள இந்த சாதனை மூலம் நமது முன்னேர்களை பெறுமைப்படுத்தி உள்ளீர்கள். வருங்கால தலைமுறைக்கு ஊக்கத்தை கொடுத்துள்ளீர்கள். மூத்த விஞ்ஞானிகள் படைத்துள்ள இந்த சாதனை மூலம் நமது நாட்டை பெருமைப்படுத்தி உள்ளார்கள். விண்வெளி தொழில்நுட்பத்தில் இருந்து விண்வெளி சாதனை என்ற நிலையை எட்டி உள்ளோம். இந்த திட்டத்தின் வெற்றி நமது திறமையை உலகிற்கு எடுத்துக் காட்டி உள்ளது. சந்திரனை அடைவதே வாஜ்பேயின் நோக்கம். தற்போது சந்திரயான் மிஷன் செவ்வாயின் சுற்றுவட்டப்பாதையை அடைந்துள்ளது. இந்த சாதனையை ஒவ்வொரு பள்ளியிலும், நாட்டின் மூலைமுடுக்குகளிலும் கொண்டாட வேண்டும். இவ்வாறு பிரதமர் தெரிவித்துள்ளார்.

-- தினமலர்

வாழ்த்துகள் சாதனைக்கு.

சாதாரண மக்களின் அன்றாட வேதனைகளையும் தீர்த்தால் மிக நன்று.

வாழ்த்துகள்

NASA வின் வாழ்த்து ட்வீட்

NASA ✔ @NASA
We congratulate @ISRO for its Mars arrival! @MarsOrbiter joins the missions studying the Red Planet. #JourneyToMars pic.twitter.com/lz90flOZLG