பள்ளி வளாகத்தில் மாணவியிடம் சில்மிஷம்: வழக்கு பாய்ந்ததால் மதபோதகர் ஓட்டம்

அக்டோபர் 19,2013
சேலம்:பள்ளி மாணவியிடம் சில்மிஷம் செய்ததாக, மதபோதகர் மீது புகார் தெரிவிக்கப்பட்டது.சேலம் அருகே வீராணத்தை சேர்ந்தவர் மணிகண்டன், இவரது மனைவி ரேகா. இவர்களது, 13, வயது மகள், சேலம், சி.எஸ்.ஐ.,ஹோபார்ட் மேல்நிலைப் பள்ளியில் எட்டாம் வகுப்பு படித்து வருகிறார்.நேற்று காலை பள்ளிக்குச் சென்ற மாணவியை, பள்ளி வளாகத்தில் தங்கியிருந்த ஜெயசீலன் என்ற மதபோதகர் அழைத்து சில்மிஷம் செய்ததாக கூறப்படுகிறது. இதுதொடர்பாக மாணவி மற்றும் அவரது பெற்றோர், அஸ்தம்பட்டி போலீஸ் ஸ்டேஷனில், மதபோதகர் ஜெயசீலன் மீது நடவடிக்கை எடுக்க வேண்டும் என புகார் கொடுத்தனர்.அஸ்தம்பட்டி போலீஸார் விசாரணை நடத்தி வருகின்றனர்.

சேலம்: பள்ளி வளாகத்தில், மாணவியிடம் சில்மிஷத்தில் ஈடுபட்ட, மதபோதகர் மீது, வழக்குப் பதியப்பட்டுள்ளதை அடுத்து, அவர் தலைமறைவானார்.

சேலம், அஸ்தம்பட்டி, சக்தி நகரை சேர்ந்த, மணிகண்டன், 35, ரேகா தம்பதியரின், 13 வயது மகள், அருகிலுள்ள, சி.எஸ்.ஐ., ஹோபார்ட் உயர்நிலைப் பள்ளியில், 8ம் வகுப்பு படிக்கிறார். நேற்று முன் தினம் பள்ளி சென்ற மாணவியை, பள்ளி வளாகத்தில் வசிக்கும், சேலம், சி.எஸ்.ஐ., இம்மானுவேல் தேவாலய மதபோதகர், ஜெயசீலன் அழைத்துள்ளார். அவரின் அழைப்பை ஏற்று சென்ற மாணவியை, பள்ளி விளையாட்டு மைதானத்தில் நிறுத்தப்பட்டிருந்த, காரின் பின் பகுதிக்கு அழைத்து சென்று, சில்மிஷத்தில் ஈடுபட்டுள்ளார். இதை பெற்றோரிடம் தெரிவித்தார், அந்த மாணவி. உடன், அவளின் தந்தை மணிகண்டன், நேற்று முன் தினம் இரவு, அஸ்தம்பட்டி போலீசில் புகார் அளித்தார். விசாரணை நடத்திய போலீசார், பெண் குழந்தைகளுக்கு எதிரான பாலியல் வன்கொடுமை சட்டத்தின் கீழ், வழக்கு பதிவு செய்து, விசாரணை நடத்தி வருகின்றனர். தகவல் அறிந்த, மதபோதகர் ஜெயசீலன், தலைமறைவாகி விட்டார். பாலியல் கொடுமைக்கு உள்ளான மாணவியிடமும், அனைத்து மகளிர் போலீஸ் நிலைய இன்ஸ்பெக்டர், நேற்று தீவிர விசாரணை நடத்தினார்.

கேவலமான ஜென்மங்கள்