என்.எஸ்.கிருஷ்ணன் நகைச்சுவையும் விஞ்ஞானமும்

nandagopal.d · nandagopal.d Tue Oct 15, 2013 11:41 pm

என்.எஸ்.கிருஷ்ணன் ஒரு காகிதத்தின் மீது நீர் நிரம்பிய டம்ளர் ஒன்றை வைப்பார்.

அருகிலிருக்கும் மனிதரிடம் (தங்கவேலு?) ஒரு சவாலை முன் வைப்பார்.

“இந்த டம்ளரை தொடக் கூடாது. அதில இருக்கிற தண்ணி ஒரு துளி கூட சிந்தக் கூடாது. ஆனா அந்தக் காகிதத்தை வெளியே எடுக்கணும்”

தங்கவேலு எப்படி எப்படியோ மெதுவாகவும் நளினமாகவும் காகிதத்தை எழுத்துப் பார்ப்பார். ஆனால் டம்ளரும் சேர்ந்தே நகரும். தோல்வியை ஒப்புக் கொண்டு விடுவார்.

என்.எஸ்.கே. அந்தக் காகிதத்தை வெடுக்கென்று இழுப்பார். டம்ளரை அங்கேயே விட்டு விட்டு காகிதம் மட்டும் வெளியே வரும்.

இதற்குப் பின்னால் இருக்கும் விஞ்ஞானம் என்ன?

ஒரு டம்ளர் நீருக்கு ஒரு எடை இருக்கிறது (நீரின் பொருட்திணிவையும் புவி ஈர்ப்பையும் பெருக்கி வரும் தொகை). அந்த எடைதான் காகிதத்தின் மீது செலுத்தப்பட்டுக் கொண்டிருக்கும் விசை. அதைக்காட்டிலும் அதிக விசை இருந்தால்தான் அந்த விசையை எதிர்த்து ஒரு வேலையை செய்ய முடியும். விசை என்பது பொருட் திணிவையும் (Mass) கதியையும் (Acceleration) பெருக்கி வரும் தொகை. மெதுவாக இழுக்கிற போது புவி ஈர்ப்பைக் காட்டிலும் குறைந்த கதியில் இழுப்போம். அப்போது நாம் உண்டாக்கும் விசை நீரும் புவி ஈர்ப்பும் சேர்ந்து உண்டாக்கும் விசையைக் காட்டிலும் குறைவு. வெடுக்கென்று இழுக்கும் போது கதி அதிகமாவதால் விசை இரட்டிப்போ அதை விடக் கூடுதலோ ஆகிறது. டம்ளரை எதிர்த்துக் கொண்டு காகிதம் வெளியே வருகிறது.

Pressure Die Casting இல் செய்த பொருட்களை விட Drop Forging செய்த பொருட்கள் சக்தி வாய்ந்தவையாக இருப்பதும் மேற்சொன்ன சித்தாந்தத்தின் படியே!

என்.எஸ்.கே. பொறியியல் துறையைத் தேர்ந்தெடுத்திருந்தால் நமக்கு இன்னொரு ஜி.டி.நாயுடு கிடைத்திருப்பார்.

ஜி.டி.நாயுடு என்றதும் நினைவு வருகிறது.

அவர் ஒருதரம் சிட்டிசன் வாட்ச் கம்பெனிக்குப் போயிருந்தாராம். உள்ளே போகிறவர்களை எல்லாம் ‘யாரு, என்ன, படிப்புத் தகுதி என்ன’ என்றெல்லாம் கேட்டு சிற்சில இடங்களைப் பார்க்க அனுமதி மறுத்து விடுவது அந்தக் கம்பெனியின் வழக்கமாக இருந்தது. நாயுடுவுக்கு எந்தத் தடையும் சொல்லாமல் எங்கே வேண்டுமானாலும் போகலாம் என்று சொல்லி விட்டார்களாம். ஏன் என்று கேட்டதற்கு ‘எங்கள் தொழிற் நுட்பம் காப்பி அடிக்கப் பட்டு விடக் கூடாது என்பதற்காகத்தான் இத்தனை கட்டுப்பாடுகள். உங்கள் படிப்புத் தகுதிக்கு நீங்கள் அப்படி எதுவும் செய்து விட மாட்டீர்கள் என்கிற நம்பிக்கை எங்களுக்கு இருக்கிறது. ஆகவே எங்கே வேண்டுமானாலும் போகலாம்’ என்றார்களாம்.

நாயுடு எதுவும் பேசவில்லை.

அமைதியாகச் சுற்றிப் பார்த்து விட்டு வந்து விட்டார்.

இந்தியா வந்த பிறகு, சில நாட்களில் அச்சசல் சிட்டிசன் வாட்ச் போலவே இருக்கும் ஒரு வாட்சை தயாரித்து சிட்டிசன் கம்பெனி நிர்வாகத்துக்கு அனுப்பினாராம். அத்துடன் அவர் அனுப்பியிருந்த கடிதத்தில்,

“என் நாணயத்தைக் குறித்து நீங்கள் வைத்திருந்த நம்பிக்கை மிகச் சரியானது. ஆனால் என் திறமை குறித்து நீங்கள் வைத்திருந்த நம்பிக்கை தவறானது என்பதை சுட்டிக் காட்ட உங்கள் முதல் நம்பிக்கையை உடைக்க வேண்டிய கட்டாயம் எனக்கு ஏற்பட்டதற்கு வருந்துகிறேன்”
thanks to
https://kgjawarlal.wordpress.com/author/kgjawarlal/page/22/

**ayyasamy ram** · **ayyasamy ram** Wed Oct 16, 2013 5:07 am

என்.எஸ்.கிருஷ்ணன் நகைச்சுவையும் விஞ்ஞானமும் 3838410834

**T.N.Balasubramanian** · **T.N.Balasubramanian** Wed Oct 16, 2013 8:23 am

“என் நாணயத்தைக் குறித்து நீங்கள் வைத்திருந்த நம்பிக்கை மிகச் சரியானது. ஆனால் என் திறமை குறித்து நீங்கள் வைத்திருந்த நம்பிக்கை தவறானது என்பதை சுட்டிக் காட்ட உங்கள் முதல் நம்பிக்கையை உடைக்க வேண்டிய கட்டாயம் எனக்கு ஏற்பட்டதற்கு வருந்துகிறேன்."

GD NAYUDU அவர்கள்,தமிழனாக பிற‌ந்ததால், அறியப்படாத, மேதாவி !

ரமணீயன்

Sponsored content · Sponsored content

என்.எஸ்.கிருஷ்ணன் நகைச்சுவையும் விஞ்ஞானமும்

என்.எஸ்.கிருஷ்ணன் நகைச்சுவையும் விஞ்ஞானமும்

Re: என்.எஸ்.கிருஷ்ணன் நகைச்சுவையும் விஞ்ஞானமும்

Re: என்.எஸ்.கிருஷ்ணன் நகைச்சுவையும் விஞ்ஞானமும்

Re: என்.எஸ்.கிருஷ்ணன் நகைச்சுவையும் விஞ்ஞானமும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக