படித்ததில் பிடித்தது ........

கண்டது

(காஞ்சிபுரத்தில் ஆட்டோ ஒன்றில் கண்ட வாசகம்)

ஆடம்பரம் நாம் தேடும் வறுமை

எளிமை நாம் தேடும் செல்வம்

டி.சிவா, காஞ்சிபுரம்.



(தொண்டியில் உள்ள ஒரு தொடக்கப் பள்ளி அறிவிப்புப் பலகையில்)

What is the secret of success?

Right decisions

How do you make right decisions?

Experience

How do you get experience?

Wrong decisions.

முத்தூஸ், தொண்டி.



(சேலத்தில் உள்ள ஒரு டியூசன் சென்டரில்)

உங்கள் குழந்தைகளைப்

படித்த ஆசிரியரிடம்

ஒப்படைக்காதீர்கள்!

படிக்கின்ற ஆசிரியர்களிடம்

ஒப்படையுங்கள்!

மா.பழனி, கூத்தப்பாடி.



(கிருஷ்ணகிரியில் ஆட்டோ ஒன்றில்)

ஒரு வார்த்தை போதும் - சமாதானம் தொடங்க

ஒரு தீண்டல் போதும் - அழுகை அடங்க

ஒரு தீபம் போதும் - இருட்டு நீங்க

ஒரு புன்னகை போதும் - துயரங்கள் போக

பி.கோபி, கிருஷ்ணகிரி.



(தஞ்சையில் ஒரு லோடு லாரியில் ஸ்டெப்னி டயர் மாட்டியிருக்கும் இடத்தில்)

சின்ன வீடு

வி.ரேவதி, சென்னை-59.



கேட்டது

(அறந்தாங்கி மளிகைக் கடையில் வாடிக்கையாளரும் கடைக்காரரும்)

""டூத் பிரஷ் இருக்கா?''

""இருக்கு சார்... எவ்ள ரேட்ல வேணும்''

""அஞ்சு ஆறு ரூபாய்ல தா...''

""நாங்க பல் விளக்கிட்டுப் போட்ட டூத் பிரஷ் எல்லாம் விற்கிறது இல்ல...''

ப.காளிதாசன், நீர்விளங்குளம்.



(ஒரு பேருந்தில் அருகருகே அமர்ந்திருக்கும் இரு பயணிகள்)

""அடிக்கடி ஏன் மூக்கைப் பொத்திக்கிட்டே வர்றீங்க?''

""நீங்க என் பக்கம் திரும்பி கொட்டாவி விடாம இருங்க... நான் மூக்கைப் பொத்தாம இருக்கேன்''

கே.பிரசன்னா குமார், கும்பகோணம்.



(தென்காசி அணைக்கரைத் தெருவில் ஒரு வீட்டில் மனைவி - கணவர்)

""என்னங்க... மளிகைக் கடை மாணிக்கம் நம்ம வீட்டு வழியா போகும் போதும் வரும்போதும் முறைச்சிக்கிட்டே போறார்''

""அவர் கடைக்கு மூவாயிரம் ரூபா பாக்கி வைச்சிருக்கோம். இந்த உரிமையைக் கூட நாம் அவருக்குக் கொடுக்கலேன்னா எப்படி?''

கு.அருணாசலம், தென்காசி.



(ஈரோடு மதுக்கடை அருகே இருவர்)

""என்னண்ணே... குடிச்சிட்டு இங்கேயே படுத்துக் கிடக்குறீங்க?''

""வீட்டுக்குப் போனால் என் பொண்டாட்டி ஒரு குடம் தண்ணியை தலையிலே ஊத்தி போதையைத் தெளிய வச்சுடுவாளே ''

மா.மாரிமுத்து, ஈரோடு.




எஸ்எம்எஸ்

கண் தெரியாதவரிடம் கேமரா

காது கேட்காதவரிடம் ரேடியோ

பேச முடியாதவரிடம் மைக்

எஸ்எம்எஸ் அனுப்பத் தெரியாத உன்னிடம் செல்போன்...

என்ன கொடுமை சார் இது?

ஜே.நிர்மல்ராஜ், கீழக்கரை.



உதிர்ந்த முத்து

அதிகமாகச் சிரிக்க வைப்பவனும்

அதிகமாகச் சிரித்துக் கொண்டிருப்பவனும்தான் -

மனதில் அதிகக் காயத்தை வைத்திருப்பான்.

ஏ.எம்.ஷெரீப், புதுக்கோட்டை.

தினமனி

 

எல்லாமே அருமை