தான் பிடித்த முயலுக்கு மூன்றே கால்கள் - சிறுகதை

அசுரன் · அசுரன் Fri 11 Oct 2013 - 1:32

நான் பிடித்த முயலுக்குமூன்றே கால் என்று ஒரு பழமொழி சொல்லி வருகிறோமே அது ஏன்? அதன் உண்மையான பொருள் என்ன?" ஒரு குருவும் சீடனும் இருந்தார்களாம். ஒரு நாள் குரு தன் சீடனிடம் ஒரு முயலைக் கொண்டுவந்து தந்து அதை நன்றாக சமைத்து வை என்று சொல்லிவிட்டுக் குளிக்கச் சென்றாராம். அவர் திரும்புவதற்கு முன்பே மிகவும் சுவையாக சமைத்த சீடனுக்கு உணவின் சுவையும், மணமும் நாக்கில் எச்சிலை ஊறச் செய்ததாம்.

ஆசையில் முயலின் ஒரு காலை அவன் எடுத்துச் சாப்பிட்டு விட்டானாம். திரும்பி வந்த குரு கேட்டாராம், "என்னப்பா மூன்று கால்தான் இருக்கின்றன, இன்னொரு கால் எங்கே?" என்று. அதற்கு உண்மையை மறைத்து, "நீங்கள் கொண்டு வந்த முயலுக்கு மூன்று கால்கள் தான் இருந்தன குருவே" என்றானாம் சீடன் "என்னப்பா, உலகில் மூன்று கால்களோடு எந்த முயலுமே கிடையாதே?" என்று குரு கேட்டாராம். எப்படிக் கேட்டும் சீடன் உண்மையை மட்டும் சொல்லாமல்தான் சொன்னதையே திரும்பத் திரும்ப சொல்லிக் கொண்டிருந்தானாம்.

கால் போனதைப் பற்றிக் கூடக் கவலைப்படாத குரு சீடனிடம் உண்மையை எப்படியாவது வரவழைத்து விட வேண்டும்என்பதில் உறுதியாக இருந்தாராம். அவன் தூங்கும் போது நடுஇரவில் எழுப்பிக் கேட்பாராம். அவன் ஏதாவது வேலை செய்யும் போது கேட்பாராம். "தம்பி, முயலுக்கு எத்தனை கால்கள்?" என்று. அவனும் மறக்காமல் தெளிவாகச் சொல்வானாம், "குருவே, நீங்கள் தந்த முயலுக்கு மூன்றே கால்கள் தான்" என்று. நொந்து போன குரு நல்ல வாய்ப்புக்காகக் காத்திருந்த வேளையில் இந்த சீடன் ஒரு திருட்டு வேலை செய்து வந்ததை இவர் அறிந்தாராம்.

நெற்றியில் திருநீறு அணிந்து கொண்டு மந்திரத்தைச் சொல்லிய சீடன் யார் கண்களுக்கும் தெரியாமல் அரண்மனைக்குச் சென்று அரச உணவுகளை ஒரு கை பார்த்து வந்தானாம். அரண்மனையில் உணவுகள் மாயமாவதைக் கண்டறிய முடியாமல் தவித்த அரசன் யாராவது இந்தத் திருடனைக் கண்டுபிடித்தால் தக்க பரிசில் வழங்கப்படும் என்று அறிவிப்பு வெளியிட்டானாம். குருவுக்குத் தெளிவாக விளங்கியதாம் இது நம் சீடனின் வேலைதான் என்று. அரசனிடம் சென்று ஒரு வழிமுறை சொன்னாராம்.

"இன்று சுடச்சுட உணவுதயாரித்து அதை மூடி வையுங்கள் இன்று அவன் மாட்டுவான்" என்று. சொன்னது போலவே மாயமாக வந்த சீடன் ஆவலாகப் பாத்திரங்களின் மூடியைத் திறந்தானாம். அப்போது நீராவி வந்து அவன் நெற்றியில் இட்ட திருநீரை அழித்துவிட்டதாம். அவனும் எல்லோர் கண்ணிலும் தெரிந்தானாம். குற்றம் சுமத்தப்பட்டு தூக்கு தண்டனைக் கைதியாக சீடன் நின்றவேளையில் அவனருகே சென்ற குரு, "தம்பி, இறுதியாகக் கேட்கிறேன், உண்மையைச் சொன்னால் உன்னை இந்த மரண தண்டனையிலிருந்து என்னால் காப்பாற்ற முடியும்.

முயலுக்கு எத்தனை கால்?“ என்று கேட்டாராம். அப்போது கூட மனம் மாறாத சீடன் சொன்னானாம், "குருவே சத்தியமாக நீங்கள் தந்த முயலுக்கு மூன்றே கால்கள் தான்" என்று. அப்போது அந்த குரு ஒன்றைத் தெளிவாகப் புரிந்து கொண்டாராம். இவனிடமிருந்து மட்டும் உண்மையை வரவழைக்கவே முடியாது என்று. அதனால் தான் இந்த சீடனைப் போல தான் சொன்னது பொய் என்றாலும் அதை மறைக்க த்தனை பொய் வேண்டுமானலும் சொல்லத் தயங்காதவர்களை இந்தப் பழமொழியோடு ஒப்பிட்டு உரைத்து வருகிறோம்

நன்றி முகநூல்

யினியவன் · யினியவன் Fri 11 Oct 2013 - 2:21

விளக்கக் கதை நன்று வாத்தியாரே

அந்த குருவுக்குத்தான் அந்த ஒத்த கால் மேல எவ்ளோ ஈடுபாடு புன்னகை

இந்த பதிவைத் துவங்கியவர் நன்றி கூறியுள்ளார் யினியவன்

**சிவா** · **சிவா** Fri 11 Oct 2013 - 4:08

விளக்கக் கதை நன்று

**ayyasamy ram** · **ayyasamy ram** Fri 11 Oct 2013 - 10:14

தான் பிடித்த முயலுக்கு மூன்றே கால்கள் - சிறுகதை 103459460

-
இக்கதை மேலும் தொடர்கிறது..!!
-
அதே கதைபோல குரு தன் சீடனிடம் கொக்கு பிடித்துத்
தந்து சமைத்துவைக்க சொன்னார்..
-
அவனும் சமைத்து அந்தச் சீடனைப் போலவே ஒருகாலை
சாப்பிட்டுவிட்டு நீங்கள் தந்த கொக்குக்கு ஒரே கால் தான்
என்று சாதித்தான்.
-
அந்த குருவும் அவனை அழைத்துச் சென்று குளத்தில்
நின்ற கொக்கைக் காண்பித்தார்.
-
அந்தக் கொக்கு ஒற்றைக் காலில் நின்றுகொண்டிருந்தது.
சீடனோ..
பார்த்தீர்களா குருவே ஒத்தைக் காலில்தானே நிற்கிறது
என்றான்..
-
நொந்துபோன குரு ஒரு கல்லை எடுத்து அதன் மீது எறிந்தார்.
அது பறந்தது. அப்போது குரு இப்போது பார்த்தாயா?
இரண்டுகால்கள் தெரிகின்றன என்றார்.
-
அப்போதும் சீடன்.
“குருவே இப்போதுதான் புரிகிறது.. நீங்க பறக்கும் கொக்கை
அடித்திருந்தால் அதற்கு இரண்டுகால்கள் இருந்திருக்கும்..
நீங்கள் என்னிடம் தந்த கொக்கு நிலத்தில் நின்றுகொண்டிருந்த
கொக்காகத் தான் இருக்கும் அதனால் தான் அதற்கு ஒரே
ஒரு கால் இருந்தது“ என்றானாம்
-
=============================

அசுரன் · அசுரன் Fri 11 Oct 2013 - 10:32

இன்றைய கால அரசியல் வாதிகள் போல அந்த காலத்துல சீடன் ஏமாற்றியிருக்கான். இதெல்லாம் நல்லதுக்கு இல்ல ஆமா புன்னகை

**ஜாஹீதாபானு** · **ஜாஹீதாபானு** Fri 11 Oct 2013 - 13:20

இரண்டு கதையும் அருமை

ஈகரையன் · ஈகரையன் Fri 11 Oct 2013 - 19:31

நல்ல கதைகள்.

Sponsored content · Sponsored content

தான் பிடித்த முயலுக்கு மூன்றே கால்கள் - சிறுகதை

தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

Re: தான் பிடித்த முயலுக்கு மூன்றே கால்கள் - சிறுகதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக