எனக்கு பிடித்த குறள் - அப்துல் கலாம்

**ayyasamy ram** · **ayyasamy ram** Sun Oct 13, 2013 5:32 am

--

சிறு வயதில், இளம் மனதில் விதைக்கும் விதை எப்படிப்பட்ட பலனைத் தருகிறது என்பதற்கு நம்மில் அனேக உதாரணங்கள் உள்ளன. எனவேதான் நாம் நமது இளைஞர்களைப் பக்குவப்படுத்தி, தயார் பண்ணினால்தான் நமது லட்சியமான, வளமான இந்தியாவை 2020க்குள் மாற்ற முடியும்.

அறிவு அற்றம் காக்கும்

எனது வாழ்க்கையின் பல்வேறு நிலைகளில் உறுதுணையாக இருந்து, உற்ற துணையாக இருந்தது ஒரு குறள்தான். எனக்குப் பிடித்த ஒரு திருக்குறள் என் வாழ்விற்குவளம் கொடுத்தது. அது இது தான்...

அறிவற்றங் காக்குங் கருவி; செறுவார்க்கும்

உள்ளழிக்க லாகா அரண்

அதாவது, அறிவு என்பது அழிவு வராமல் காக்கும் கருவியாகும். மேலும் பகைவராலும் அழிக்க முடியாத உள் அரணும் (கோட்டை) ஆகும். எத்தகைய சூழ்நிலையிலும் அரண் போல்,

அதாவது கோட்டை போல் நின்று நம்மைக் காக்கும் என்பதாகும்.

பூமிக்குக் கீழே, பூமியிலே, பூமிக்கு மேலே உள்ள எந்த ஒரு சக்தியைக் காட்டிலும், மனஎழுச்சி கொண்ட இளைஞன்தான் மிகப் பெரிய சக்தி. இந்தியா 60 கோடி இளைஞர்களைப் பெற்ற நாடு. இளைய சமுதாயம் அதிகம் கொண்ட நாடு இந்தியா. எனவே மக்கள் தொகை ஒரு வகையில் இந்தியாவின் மிகப் பெரிய சொத்து. மாணவர்களே! உறக்கத்திலே வருவதல்ல கனவு.

உன்னை உறங்கவிடாமல் செய்வதுதான் கனவு. எனவே கனவு காண்பது என்பது ஒவ்வொரு குழந்தையின், இளைஞரின் வாழ்க்கையின் ஒரு முக்கியமான விஷயம். ஒவ்வொரு இளைஞருக்கும் வாழ்வில் ஒரு லட்சியம் வேண்டும்.

அந்த லட்சியம் நிறைவேறக் கடுமையாக உழைக்க வேண்டும், தொடர்ந்து அறிவைப் பெற, அதை தேடிச் சென்றடைய வேண்டும், விடா முயற்சி வேண்டும். அதாவது தோல்வி மனப்பான்மையை தோல்வியடையச் செய்ய வேண்டும். இந்த நான்கு குணங்களும் இருந்தால் கனவு நனவாகும்.

நீங்கள் எல்லாம் வெற்றியடைவீர்கள். உங்களுக்கு எனது வாழ்த்துகள்.

-
============

**Dr.S.Soundarapandian** · **Dr.S.Soundarapandian** Sun Oct 13, 2013 7:45 pm

ஐயாசாமி அவர்களே அறிவு அழிவைக்காக்கும் ! கலாமின் தேர்வு சரிதான் ! ஆனால் ‘அழிவு’ கெடாமல் அப்படியே அதனை வைத்துக் காக்கிறதே நம் நிர்வாகம் ?

அசுரன் · அசுரன் Sun Oct 13, 2013 8:15 pm

Dr.S.Soundarapandian wrote:ஐயாசாமி அவர்களே அறிவு அழிவைக்காக்கும் ! கலாமின் தேர்வு சரிதான் ! ஆனால் ‘அழிவு’ கெடாமல் அப்படியே அதனை வைத்துக் காக்கிறதே நம் நிர்வாகம் ?

புரியலையே? நிர்வாகம்ன்னா யாரு?

Sponsored content · Sponsored content

எனக்கு பிடித்த குறள் - அப்துல் கலாம்

எனக்கு பிடித்த குறள் - அப்துல் கலாம்

எனக்கு பிடித்த குறள் - அப்துல் கலாம்

Re: எனக்கு பிடித்த குறள் - அப்துல் கலாம்

Re: எனக்கு பிடித்த குறள் - அப்துல் கலாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக