பிரதமராக விரும்பும் பாக்., சிறுமி மலாலா

ரேவதி · ரேவதி Sat 12 Oct 2013 - 12:48

நியூயார்க்: தலிபான் பயங்கரவாதிகளின், தாக்குதலுக்கு உள்ளான, சிறுமி மலாலா, ""பாகிஸ்தான் பிரதமர் ஆவதே என் லட்சியம்,'' என, கூறியுள்ளார்.
பாகிஸ்தானில், பெண் கல்விக்கு எதிராக, தலிபான்கள் குரல் கொடுத்து வந்தனர். இதை எதிர்த்து, பெண் கல்விக்கு ஆதரவாக, அந்நாட்டைச் சேர்ந்த பள்ளிச் சிறுமி மலாலா, தீவிர பிரசாரத்தில் ஈடுபட்டார். இதனால், தலிபான்கள், மலாலா மீது துப்பாக்கி சூடு நடத்தினர். இதில், பலத்த காயமடைந்த மலாலா, லண்டன் மருத்துவமனையில் அனுமதிக்கப்பட்டு, உயிர்பிழைத்தார். லண்டனில் குடியேறியுள்ள அவர், தன் படிப்பை தொடர்ந்து உள்ளதோடு, பெண் கல்விக்கு ஆதரவான பிரசாரங்களிலும் ஈடுபட்டு வருகிறார். சமீபத்தில், தன், 16வது பிறந்த நாளைக் கொண்டாடிய மலாலா, ஐ.நா., சபையில் உரையாற்றி, உலகத் தலைவர்களின் கவனத்தை ஈர்த்துள்ளார். சிறு வயதிலேயே சமூக அக்கறையுடன் செயல்படும் மலாலாவுக்கு, அமைதிக்கான நோபல் பரிசு வழங்க பரிந்துரைக்கப்பட்டது.

இந்நிலையில், மலாலா, "டிவி' பேட்டியில் கூறியதாவது: நான், தலிபான்களின் மிரட்டல்களை கண்டு அஞ்சவில்லை. முதன் முதலில் பயங்கரவாதிகள் என்னை சுட்ட போது, சாவைக் கண்டு அஞ்சினேன்; தற்போது அந்தபயம் எனக்கு இல்லை. நான் உயிர் வாழ விரும்புகிறேன். பாகிஸ்தான் முன்னாள் பிரதமர், பெனாசிரை எனக்கு மிகவும் பிடிக்கும். அவரை முன் உதாரணமாகக் கொண்டு, நானும் பாக்., பிரதமராக வேண்டும் என, விரும்புகிறேன். நான் முதலில், டாக்டர் ஆக வேண்டும் என, கனவு கண்டேன். தற்போது, பாகிஸ்தானில் நிலவும் சூழ்நிலைகளை காணும் போது, அரசியலில் ஈடுபடுவதே சிறந்ததாகக் கருதுகிறேன். நாட்டின் பிரதமர் ஆவதின் மூலம், பல்வேறு தரப்பு மக்களுக்கு நன்மை புரிய முடியும். நான் பிரதமராகி, பட்ஜெட் தாக்கல் செய்யும் போது, கல்விக்கு அதிகமுக்கியத்துவம் கொடுப்பேன். என் கனவு நிறைவேறும் போது, அனைவரும் கல்வி அறிவு பெற்றவர்களாக இருப்பர். இவ்வாறு மலாலா கூறினார்.

dinamalar

imz · imz Sat 12 Oct 2013 - 13:27

ஈராக், அப்கானிஸ்தான், பாகிஸ்தான், சிரியா, மியான்மார் போன்ற நாடுகளில் குண்டுத்தாக்குதல்களால் அன்றாடம் இறக்கும் குழந்தைகள் பற்றி பேச முன்வராத அமைப்புக்கள், ஊடகங்கள் மற்றும் மேற்கத்தியவாதிகள் ஏன் மலாலாவுக்கு மட்டும் இத்தனை முக்கியத்துவம் வழங்குகிறார்கள்....???

**ayyasamy ram** · **ayyasamy ram** Sat 12 Oct 2013 - 13:37

குடோனில் தேங்கி கிடக்கு...
-
#போர் ஆயுதங்களை விற்க வேண்டாமா...?

**கே. பாலா** · **கே. பாலா** Sat 12 Oct 2013 - 13:38

imz wrote:ஈராக், அப்கானிஸ்தான், பாகிஸ்தான், சிரியா, மியான்மார் போன்ற நாடுகளில் குண்டுத்தாக்குதல்களால் அன்றாடம் இறக்கும் குழந்தைகள் பற்றி பேச முன்வராத அமைப்புக்கள், ஊடகங்கள் மற்றும் மேற்கத்தியவாதிகள் ஏன் மலாலாவுக்கு மட்டும் இத்தனை முக்கியத்துவம் வழங்குகிறார்கள்....???

ஒரு குழந்தையென்றும் பாராமல் கொடூரமாக மலாலாவை சுட்டுக்கொல்ல துணிந்த தாலிபான்களுக்கு இன்னும் சிலர் கண்மூடி முக்கியத்துவம் தருவதுமாதிரி ....இல்லாமல் துணிச்சலான நல்ல விஷயத்திற்குதானே முக்கியத்துவம் தருகிறார்கள் புன்னகை

imz · imz Sat 12 Oct 2013 - 13:59

imz wrote:
கே. பாலா wrote:
imz wrote:ஈராக், அப்கானிஸ்தான், பாகிஸ்தான், சிரியா, மியான்மார் போன்ற நாடுகளில் குண்டுத்தாக்குதல்களால் அன்றாடம் இறக்கும் குழந்தைகள் பற்றி பேச முன்வராத அமைப்புக்கள், ஊடகங்கள் மற்றும் மேற்கத்தியவாதிகள் ஏன் மலாலாவுக்கு மட்டும் இத்தனை முக்கியத்துவம் வழங்குகிறார்கள்....???
ஒரு குழந்தையென்றும் பாராமல் கொடூரமாக மலாலாவை சுட்டுக்கொல்ல துணிந்த தாலிபான்களுக்கு இன்னும் சிலர் கண்மூடி முக்கியத்துவம் தருவதுமாதிரி ....இல்லாமல் துணிச்சலான நல்ல விஷயத்திற்குதானே முக்கியத்துவம்
தருகிறார்கள்

பாஸ் நான் தலிபான்களுக்கு முக்கியத்துவம் தரவில்லை ...மற்றைய பிரச்சினைகள் இதை விட பெரிதல்லவா ...??? அதைப்பற்றி ஏன் யாரும் கதைப்பதில்லை ..
.ஆம் பாஸ் இது ஒரு குழந்தை ..ஆயிரக்கணக்கில் சாவும் குழந்தைக்கு யார் பொறுப்பு பாஸ் ...????

Sponsored content · Sponsored content

பிரதமராக விரும்பும் பாக்., சிறுமி மலாலா

பிரதமராக விரும்பும் பாக்., சிறுமி மலாலா

Re: பிரதமராக விரும்பும் பாக்., சிறுமி மலாலா

Re: பிரதமராக விரும்பும் பாக்., சிறுமி மலாலா

Re: பிரதமராக விரும்பும் பாக்., சிறுமி மலாலா

Re: பிரதமராக விரும்பும் பாக்., சிறுமி மலாலா

Re: பிரதமராக விரும்பும் பாக்., சிறுமி மலாலா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக