ஆறடி நிலமே சொந்தமாடா...!

ஒர் ஊரில் ஏழை விசாயி இருந்தான்.
அவனுக்குப் பணக்கரனாக வேண்டும் என்கிற ஆசை
ஏற்பட்டது. கூடவே பெரிய அளவிலான நிலத்திற்கு
சொந்தக்காரனாக வேண்டுமென்ற ஆசையும் அவனுக்கு
ஏற்பட்டது.
-
அடுத்த ஊரில் பெரிய அளவிலான நிலம் பராமரிக்கப்படாமல்
கிடந்ததைப் பார்த்தான். அந்த நில உரிமையாளரைத் தேடிச்
சென்றான். நில உரிமையாளரிடம், அந்த நிலத்தைத் தனக்கு
விலைக்குத் தரும்படி கோரினான்.
-
நில உரிமையாளர் அவனிடம், “நீ ஓடிவிட்டுத் திரும்பும்
வரை எவ்வளவு தூரம் உன் கால் படுகிறதோ அவ்வளவு
தூரத்திற்கான நிலத்தை இலவசமாகவே நீ எடுத்துக் கொள்...
ஆனால் காலையில் புறப்படும் நீ மாலைக்குள் திரும்பி
விட வேண்டும் என்ற நிபந்தனையும் விதித்தார்.
-
மறுநாள் காலையில், அந்த இளைஞன் ஓடி எவ்வளவு
நிலத்தை அடையப் போகிறான் என்பதைக் காண அந்த
ஊர் மக்கள் அனைவரும் ஒன்று  திரண்டனர்.
-
நில உரிமையாளர் குரல் கொடுத்தவுடன் இளைஞன்
ஓடத் தொடங்கினான்.
தன்னால் முடிந்த அளவிற்கு வேகமாக ஓடினான்.
பசி மயக்கம் எதையும் பொருட்படுத்தாமல் ஓடிக் கொண்டே
இருந்தான்.
-
மாலையில் திரும்பியவன் ஓட்டத்தை முடிக்க சிறிது
தூரம் இருப்பதை உணர்ந்தான். இளைஞனைக் கண்ட
ஊர் மக்கள் ஆரவாரம் செய்து உற்சாகப்படுத்தினர்.
அவனது உடல் வழுவிழுந்திருந்தது. கால்கள் தள்ளாடியது.
மூச்சு திணறியப்டி கீழே விழுந்தான் விழுந்த சிறிது
நேரத்தில் அவன் உயிர்பிரிந்தது.
-
இவ்வளவு தூரம் ஓடி பல நிலங்களை சொந்தமாக்கிக்
கொள்ள நினைத்தவனுக்கு, கடைசியில் கிடைத்தது
அவனை புதைப்பதற்கான ஆறு அடி நிலம் மட்டுமே.
-
----------------------------------------------