இன்று தேசிய விமானப்படை தினம்-

First topic message reminder :



விமானப்படை வீரர்கள், போர் முனையில் மட்டும் ஈடுபடுவதில்லை. இதற்கு உதாரணம் சமீபத்தில் உத்தரகண்டில் ஏற்பட்ட இயற்கை சீற்றத்தில் சிக்கியவர்களை மீட்க, விமானப்படை வீரர்கள், இன்னுயிரை தியாகம் செய்து, ஆயிரக்கணக்கான மக்களை காப்பாற்றினர்.

இந்தியாவின் முப்படைகளுள் ஒன்றான விமானப்படை, 1932, அக்., 8ல் உருவாக்கப்பட்டது. இதனை நினைவுபடுத்தும் விதமாகவும், விமானப் படையினரின் தியாகங்களை போற்றும் விதமாகவும் அக்.,8ம் தேதி, இந்திய விமானப்படை தினம் கொண்டாடப்படுகிறது. 1947ல் சுதந்திரம் பெற்ற பின் இந்தியா 4 முறை பாகிஸ்தானுடனும், ஒரு முறை சீனாவுடனும் போரில் ஈடுபட்டது. இதில் விமானப்படையின் பங்கு மகத்தானது. இந்திய விமானப் படையில் 1,27,000 வீரர்கள் பணி புரிகின்றனர். 1473க்கும் மேற்பட்ட போர் விமானங்கள் உள்ளன. பைட்டர்ஸ், டிரெய்னர்ஸ், டிரான்ஸ்போர்ட்ஸ், ஹெலிகாப்டர், மைக்ரோலைட்ஸ், அல்ட்ராலைட்ஸ் கிளைடர்ஸ் போன்ற பிரிவுகளாக செயல்படுகிறது. பாதுகாப்பு துறையில் சாதித்தவர்களுக்கு வழங்கப்படும் விருதுகளில் உயரிய விருது "பரம் வீர் சக்ரா' விருது. நாட்டின் முதல் போர் விமானம் "வெஸ்ட்லேண்ட் வாபிதி'. உலகில் அமெரிக்கா, ரஷ்யா, சீனாவுக்கு அடுத்தபடியாக 4வது பெரிதாக இந்திய விமானப் படை திகழ்கிறது.

இளைஞர்களுக்கு வரவேற்பு:

விமானப்படையில் இளைஞர்களுக்கு வேலைவாய்ப்பு அதிகம். தானாக விமானப் படையில் சேரும் எண்ணத்தை மாணவர்களிடம், இளம் வயதிலேயே உருவாக்க வேண்டும். விமானப் படையில் டெக்னிக்கல், நான்- டெக்னிக்கல், கிரவுண்ட் டியூட்டி, பிளையிங் உள்ளிட்ட பல பிரிவுகள் உள்ளன. பத்தாம் வகுப்பு, பட்டப் படிப்பு, இன்ஜினியரிங் மற்றும் முதுகலை படிப்பு முடித்தவர்களின் தகுதிக்கேற்ப, பல்வேறு பணி வாய்ப்புகள் உள்ளன. எழுத்துத் தேர்வு, உடல் தேர்வு, நேர்முகத் தேர்வு, பயிற்சி ஆகியவற்றின் அடிப்படையில் மாணவர்கள் விமானப் படைக்கு தேர்வு செய்யப்படுகின்றனர். தகுந்த ஊதியமும் வழங்கப்படுகிறது. சீரான இடைவெளியில் விமானப் படைக்கு ஆட்கள் தேர்வு செய்யப்படுகின்றனர்.

தினமலர்

 
-