பலம் எது? பலவீனம் எது? - குழந்தைகள் நீதிக்கதை !

**krishnaamma** · **krishnaamma** Mon Nov 04, 2013 10:34 pm

ஒரு காட்டில் நிறைய விலங்குகள் வசித்து வந்தன. அனைத்து விலங்குகளும் ஒற்றுமையாகவும் சந்தோஷமாகவும் வாழ்ந்து வந்தன. அங்கே வசித்த மயில் மட்டும் எப்போதும் மற்ற பறவைகள் மற்றும் விலங்குகளை பார்த்து பொறாமை பட்டுக்கொண்டே இருந்தது.

உதாரணத்திற்கு யானையை பார்த்து பெரியதாய் இருக்கிறது என்றும்,மானை பார்த்து வேகமாக ஓடுகிறது என்றும் பொறாமைப்படும்.

இப்படியிருக்க ஒரு மழைகாலத்தில் அந்த மயில் அழகாக ஆடத்துவங்கியது. அப்போது பாட ஆரம்பித்த மயில் தன் மோசமான குரலை எண்ணி அழத்துவங்கியது.அப்போது அங்கு வந்த மைனா மயிலை சமாதானப் படுத்தி அருகில் சென்றது. மயில் தனது வருத்தத்தை மைனாவிடம் கூற, மைனா மயிலிடம், நீ மிகவும் அழகாய் இருக்கிறாய்,அதை நினைத்து நீ சந்தோஷ பட்டிருக்கிறாயா என்றது, மயில் சிறிது நேரம் மௌனமாய் இருந்துவிட்டு இல்லை என்று பதில் கூறியது.

இதனை கேட்டு சிரித்த மைனா உலகில் பிறந்த ஒவ்வொருவருக்கும் எதாவது ஒரு சிறப்பும் வலிமையையும் இருக்கும்,அது என்ன என்பதை உணர்ந்து அதனை மேம்படுத்தவேண்டுமே அன்றி எது நம்மிடம் இல்லையோ அதை நினைத்து வருத்தப்படவோ பொறாமைப்படவோ கூடாது என அறிவுரை கூறியது. தன் தவறை உணர்ந்த மயில் மைனவிற்கு நன்றி தெரிவித்தது.

நம்மிடம் இருக்கும் பலத்தை பயன்படுத்தி நமது பலவீனத்தை எதிர்கொள்ள வேண்டுமென்பதே இக்கதையின் நீதியாகும்.

நன்றி - வெப்துனியா

N.S.Mani · N.S.Mani Mon Nov 04, 2013 11:29 pm

சவுதிஅரேபியாவில் பணி செய்துகொண்டிருந்தபொழுது ஒரு நிகழ்வு:

விடுமுறைக்கு நம் ஊர் வந்து திரும்பிய நண்பரொருவர் கூறியது, “எனது சிறிய மாமனார் பேங்கில் மேனேஜராகத்தான் இருக்கிறார். ஆனாலும் பெசன்ட் நகரில் இரண்டடுக்கு வீடு கட்டியிருக்கிறார்” என்றார்.

அவருடைய பேச்சில் இருந்த பொறாமையை புரிந்துகொண்டேன்.

நண்பா, இதுபோல் நான்குமுறை பெருமூச்சு விட்டு, மூச்சை உள்ளிழுத்து வெளியிளிட்டு பொருமினால் உனக்கு அதிவிரைவில் அல்சர் வந்துவிடும்.

இதற்கு பதிலாக உன்னோடு சவுதிஅரேபியாவிற்கு வந்துள்ள மற்ற நண்பர்களுடன் உன்னை ஒப்பிட்டுப்பார்.
1. நீ இங்கு வருவதற்கு வாங்கிய கடன் அனைத்தையும் கொடுத்துவிட்டாய்.
2. பத்து பேர்களில் ஒருவருக்கு குழந்தை இல்லை. ஆனால், உனக்கு சிங்கக்குட்டி போல் பையன் இருக்கிறான்.
3. ஆசிரியர் பயிற்சி பெற்ற மனைவி.
4. தஞ்சையில் மனை வாங்கி போட்டிருக்கிறாய்.
5. சொந்த ஊரில் வாங்கியுள்ள உனது நிலங்களை அப்பாவும் தம்பியும் கவனித்துவருகின்றனர்.

மேற்கூறிய வசதிகளுடன் எத்தனை நண்பர்கள் இருக்கிறார்கள் என்று யோசி.

நிச்சயம் மற்றவர்களுக்கு கிடைக்காத மனநிம்மதி உனக்கு கிடைக்கும்.

மனநிம்மதியைவிட சிறந்த மருந்து உடல் ஆரோக்கியத்திற்கு வேறு எதுவும் கிடையாது என்பதை அறிந்துகொள் என அறிவுறுத்தினேன்.

கைகெட்டதா பலாக்காயைவிட கையிலிருக்கும் கலாக்காயே சிறந்தது எனவும் புரிந்துகொண்டார்.

மனநிம்மதியுடன் வாழ ஆரம்பித்துவிட்டார்.

நா.செ.மணி

இந்த பதிவைத் துவங்கியவர் நன்றி கூறியுள்ளார் N.S.Mani

**krishnaamma** · **krishnaamma** Tue Nov 05, 2013 12:21 pm

N.S.Mani wrote:சவுதிஅரேபியாவில் பணி செய்துகொண்டிருந்தபொழுது ஒரு நிகழ்வு:

விடுமுறைக்கு நம் ஊர் வந்து திரும்பிய நண்பரொருவர் கூறியது, “எனது சிறிய மாமனார் பேங்கில் மேனேஜராகத்தான் இருக்கிறார். ஆனாலும் பெசன்ட் நகரில் இரண்டடுக்கு வீடு கட்டியிருக்கிறார்” என்றார்.

அவருடைய பேச்சில் இருந்த பொறாமையை புரிந்துகொண்டேன்.

நண்பா, இதுபோல் நான்குமுறை பெருமூச்சு விட்டு, மூச்சை உள்ளிழுத்து வெளியிளிட்டு பொருமினால் உனக்கு அதிவிரைவில் அல்சர் வந்துவிடும்.

இதற்கு பதிலாக உன்னோடு சவுதிஅரேபியாவிற்கு வந்துள்ள மற்ற நண்பர்களுடன் உன்னை ஒப்பிட்டுப்பார்.
1. நீ இங்கு வருவதற்கு வாங்கிய கடன் அனைத்தையும் கொடுத்துவிட்டாய்.
2. பத்து பேர்களில் ஒருவருக்கு குழந்தை இல்லை. ஆனால், உனக்கு சிங்கக்குட்டி போல் பையன் இருக்கிறான்.
3. ஆசிரியர் பயிற்சி பெற்ற மனைவி.
4. தஞ்சையில் மனை வாங்கி போட்டிருக்கிறாய்.
5. சொந்த ஊரில் வாங்கியுள்ள உனது நிலங்களை அப்பாவும் தம்பியும் கவனித்துவருகின்றனர்.

மேற்கூறிய வசதிகளுடன் எத்தனை நண்பர்கள் இருக்கிறார்கள் என்று யோசி.

நிச்சயம் மற்றவர்களுக்கு கிடைக்காத மனநிம்மதி உனக்கு கிடைக்கும்.

மனநிம்மதியைவிட சிறந்த மருந்து உடல் ஆரோக்கியத்திற்கு வேறு எதுவும் கிடையாது என்பதை அறிந்துகொள் என அறிவுறுத்தினேன்.

கைகெட்டதா பலாக்காயைவிட கையிலிருக்கும் கலாக்காயே சிறந்தது எனவும் புரிந்துகொண்டார்.

மனநிம்மதியுடன் வாழ ஆரம்பித்துவிட்டார்.

நா.செ.மணி