ஆறாம் வகுப்பு மாணவியின் அசாத்திய திறமை : வியாதிய சொல்லுங்க மருந்து சொல்றேன்...!

ஆறாம் வகுப்பு மாணவியின் அசாத்திய திறமை : வியாதிய சொல்லுங்க மருந்து சொல்றேன்...!



அம்பத்தூரை சேர்ந்தவர் பாஸ்கர். பிஎஸ்சி படித்த இவர், தற்போது திருவள்ளூரில் விவசாயம் செய்து வருகிறார். இவரது மனைவி பாக்கியலட்சுமி. இவர்களுடைய மகள் பாக்யஸ்ரீ (11). அம்பத்தூரில் உள்ள ஒரு பள்ளியில் 6ம் வகுப்பு படிக்கிறார். அதீத திறமையுள்ள இந்த பாக்யஸ்ரீயிடம் எந்த நோயை பற்றி சொன்னாலும், அந்த நோய்க்கான மருந்தின் பெயரை அடுத்த நொடியே சொல்லி விடுகிறார். மருந்துகளின் குறியீட்டை கூறினாலும் மருந்துகளின் பெயரையும், அது எந்த நோய்காக கொடுப்பது என கூறுகிறார்.

இப்படி ஆயிரம் நோய்கான மருந்துகளின் பெயரை சொல்லி அசத்துகிறார் பாக்யஸ்ரீ. சென்னையில் உள்ள அரசு பொதுமருத்துவமனை, புதுச்சேரி ஜிப்மர் மருத்துவமனை உள்ளிட்ட இடங்களில் நடைபெற்ற பல்வேறு நிகழ்ச்சிகளில் கலந்து கொண்டு மருந்துகளின் பெயரை கூறி 48 விருதுகளை பெற்றுள்ளார்.

இதுமட்டுமின்றி பள்ளியில் 2.30 மணி நேரம் நடைபெறும் தேர்வை 40 நிமிடத்தில் எழுதி முடித்துவிட்டு வந்து விடுவாராம். சென்னை அரசு பொதுமருத்துவமனையில், செவிலியர் தினத்தன்று நடைபெற்ற விழாவில் மருத்துவர்கள் நோயின் பெயரை பாக்யஸ்ரீயிடம் கேட்டனர்.

அதற்கான மருந்துகளின் பெயர்களை உடனுக்குடன் கூறி அசத்தினார். இதை பாராட்டி அவருக்கு பரிசு வழங்கப்பட்டது. இதுகுறித்து பாக்யஸ்ரீ கூறுகையில், ‘நான் 3ம் வகுப்பு படிக்கும்போதே எந்தவொரு புத்தகத்தையும் உடனுக்குடன் படித்து முடித்து விடுவேன். இவ்வாறு எனது நினைவாற்றலை வளர்த்துக் கொண்டேன். மருத்துவத்துறை சம்மந்தப்பட்ட புத்தகங்களை படிக்க ஆரம்பித்தேன். இதுவரை மருத்துவ படிப்புக்கான ஏராளமான புத்தகங்களை படித்து முடித்துவிட்டேன். இதன்மூலம் நோய் மற்றும் அதற்கான மருந்துகள் போன்றவற்றை தெரிந்து கொண்டேன். கின்னஸ் சாதனை படைக்க வேண்டும் என்ற ஆர்வம் எனக்கு உள்ளது’ என்றார்.

நன்றி : ஐ லவ் தமிழ்நாடு முகநூல் பக்கம்.

கிரேட் பாக்யஸ்ரீ வாழ்த்துகள்