காளிபிளவர், மொச்சை பொறியல்

**சிவா** · **சிவா** Fri Oct 04, 2013 3:40 am

காளிபிளவரை பகோடா செய்திருப்போம், உருளைக் கிழங்குடன் சேர்த்து வறுவல் செய்வோம். அதேப்போல, மொச்சைக் கொட்டையுடன் சேர்த்து பொறியல் செய்யலாம். இது குழந்தைகளுக்கு மிகவும் பிடிக்கும்.

செய்யத் தேவையானவை

காளிபிளவர் - ஒரு பூ
மொச்சைக் கொட்டை - 100 கிராம்
வெங்காயம் - 2
தக்காளி - 2
இஞ்சி, பூண்டு விழுது - 2 ஸ்பூன்
கடுகு, எண்ணெய், கறிவேப்பிலை - தாளிக்க
உளுத்தம் பருப்பு - 1 ஸ்பூன்
தேங்காய் துருவல் - அரை கப்

செய்யும் முறை

மொச்சைக் கொட்டையை குக்கரில் 3 விசில் வைத்து வேக வைத்து எடுத்துக் கொள்ளவும்.

காளிபிளவரை ஒவ்வொரு கிளையாக நறுக்கி ஒரு பாத்திரத்தில் சுடு தண்ணீர் ஊற்றி அதில் போட்டு சிறிது நேரம் கழித்து எடுத்து சுத்தப்படுத்தி, தேவையான அளவுக்கு நறுக்கி வைத்துக் கொள்ளவும்.

வெங்காயம், தக்காளியை நன்கு பொடியாக நறுக்கிக் கொள்ளவும்.

அடுப்பை பற்ற வைத்து அதில் கடாயை வைக்கவும். அதில் எண்ணெய் ஊற்றி கடுகு போட்டு பொறிந்ததும் உளுத்தம் பருப்பை போட்டு அது சிவந்ததும் கறிவேப்பிலை போட்டு தாளிக்கவும்.

பிறகு, வெங்காயத்தையும், தக்காளியையும் போட்டு நன்கு வதக்கி, நறுக்கி வைத்துள்ள காளிபிளவரையும், வேக வைத்துள்ள மொச்சைக் கொட்டையையும் போட்டு நன்கு கிளறவும்.

தேவையான அளவு உப்பு, மஞ்சள் தூள், மிளகாய் தூள், இஞ்சி, பூண்டு விழுது சேர்த்து நன்கு கிளறவும். அடி பிடிக்காமல் இருக்கும் வகையில் அவ்வப்போது நன்கு கிளறி மசாலா பொருட்கள் சிவந்து வரும் போது தேங்காய் துருவலை சேர்த்து இறக்கவும்.

**மாணிக்கம் நடேசன்** · 14/12/2009

எங்க அக்கா இவரு கூட இல்லாத்தால மாமா அங்கள் சொந்தமாகவே சமச்சிகிட்டு சிரம்ப படுராரு. அதனாலதான் இப்பெல்லாம் சமையல் பத்தி ரொம்ப பதிவு போடுராரு. கொஞ்சம் பொறுத்துகுங்க மாமா அங்கள் அக்கா அக்கா கூட உங்க பாட்டியும் வந்துடுவாங்க. அப்புறம் நீங்க சமையல்கட்டு பக்கமே போக வேண்டாம். சரியா?

**சிவா** · **சிவா** Fri Oct 04, 2013 12:53 pm

மாணிக்கம் நடேசன் wrote:எங்க அக்கா இவரு கூட இல்லாத்தால மாமா அங்கள் சொந்தமாகவே சமச்சிகிட்டு சிரம்ப படுராரு. அதனாலதான் இப்பெல்லாம் சமையல் பத்தி ரொம்ப பதிவு போடுராரு. கொஞ்சம் பொறுத்துகுங்க மாமா அங்கள் அக்கா அக்கா கூட உங்க பாட்டியும் வந்துடுவாங்க. அப்புறம் நீங்க சமையல்கட்டு பக்கமே போக வேண்டாம். சரியா?

யார் வந்தாலும் எனக்கு நான் சமைத்துக் கொள்வதுதான் சிறந்தது, ஏன்னா உங்க அக்கா சமையலை வாயில வைக்க முடியாது! சிரி

**மாணிக்கம் நடேசன்** · 14/12/2009

இப்படி எத்தனை நாளா காத்திருந்தீங்க எங்க அக்கா சமையல குறை சொல்ல, நல்லா சொல்லுவீங்களே, எங்க அக்காவின் சுவையான சமையல சாப்பிட்டு 17.5 கிலோ ஏறி இருக்கீங்க. ஏன் சொல்ல மாட்டீங்க, பயப்படாதீங்க அக்கா கிட்ட சொல்ல மாட்டேன் ஏன்னா எங்க அக்காதான் இத பாத்துகிட்டு இருங்காங்களே. ரெண்டு பேரு வந்த உங்களுக்கு வேப்பல அடிக்க.

**ஜாஹீதாபானு** · **ஜாஹீதாபானு** Fri Oct 04, 2013 1:08 pm

செய்து பார்க்கிறேன்

**சிவா** · **சிவா** Fri Oct 04, 2013 1:09 pm

மாணிக்கம் நடேசன் wrote:இப்படி எத்தனை நாளா காத்திருந்தீங்க எங்க அக்கா சமையல குறை சொல்ல, நல்லா சொல்லுவீங்களே, எங்க அக்காவின் சுவையான சமையல சாப்பிட்டு 17.5 கிலோ ஏறி இருக்கீங்க. ஏன் சொல்ல மாட்டீங்க, பயப்படாதீங்க அக்கா கிட்ட சொல்ல மாட்டேன் ஏன்னா எங்க அக்காதான் இத பாத்துகிட்டு இருங்காங்களே. ரெண்டு பேரு வந்த உங்களுக்கு வேப்பல அடிக்க.

வரட்டும் என்றுதான் காத்திருக்கிறேன்! உடுட்டுக்கட்டை அடி வ

mbalasaravanan · mbalasaravanan Fri Oct 04, 2013 1:11 pm

நல்ல பகிர்வு

Sponsored content · Sponsored content

காளிபிளவர், மொச்சை பொறியல்

காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

Re: காளிபிளவர், மொச்சை பொறியல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக