பாகிஸ்தான் பூகம்பம்: பலி 45 ஆக அதிகரிப்பு

**சிவா** · **சிவா** Wed Sep 25, 2013 2:14 am

பாகிஸ்தான் பூகம்பத்தில் பலியானோர் எண்ணிக்கை 45 ஆக அதிகரித்துள்ளது. மீட்புப் பணிகள் தீவிரப்படுத்தப்பட்டுள்ளது.

தெற்கு பாகிஸ்தானின் பலூச்சிஸ்தான் மாகாணத்தில் செவ்வாய்க்கிழமை மாலை ஏற்பட்ட பெரும் நிலநடுக்கம் ஏற்பட்டது.

பாகிஸ்தான் நேரப்படி மாலை 4.29 மணிக்கு, பலூச்சிஸ்தான் அருகே ஆவாரன் பகுதியில் 23 கிலோ மீட்டர் ஆழத்தில் இந்த நிலநடுக்கம் ஏற்பட்டது.

ரிக்டர் அளவில் 7.8 ஆக பதிவான இந்தப் பயங்கர நிலநடுக்கத்தால், ஆவாரன் பகுதியில் உள்ள வீடுகளும் கட்டடங்களும் பெரும் பாதிப்புக்கு உள்ளாகின.

இந்த நிலநடுக்கத்தில் இடிபாடுகளில் சிக்கி 45 பேர் பலியானதாகவும், பலர் காயமடைந்ததாகவும் கூறும் பாகிஸ்தானின் ஜியோ தொலைக்காட்சி, உயிர்ச் சேதமும் பொருட்சேதமும் இன்னும் மோசமாக இருக்கலாம் என அஞ்சப்படுவதாகக் குறிப்பிட்டுள்ளது.

ஆவாரன் மாவட்டத்தில் அவசர நிலை அறிவிக்கப்பட்டுள்ளது. மீட்புப் பணிகளில் ராணுவம் தீவிரமாக ஈடுபடுத்தப்பட்டுள்ளது.

இது மிகப் பெரிய அளவிலான நிலநடுக்கம் என்றும், இதனால் பலத்த சேதம் ஏற்பட்டுள்ளது பாகிஸ்தான் புவியியல் ஆய்வு மையம் தெரிவித்துள்ளது.

கராச்சி, ஹைதராபாத், லர்கானா உள்ளி உள்ளிட்ட பல பகுதிகளிலும் நிலநடுக்கம் உணரப்பட்டு, மக்கள் தங்கள் வசிப்பிடங்களை விட்டு பீதியுடன் வெளியேறினர்.

பாகிஸ்தானில் பூகம்பம் பாதித்த பகுதிகளில் மீட்பு நடவடிக்கையில் ஈடுபட, ராணுவத்துக்கு பிரதமர் நவாஸ் ஷெரீப் உத்தரவிட்டுள்ளார்.

இந்த நிலநடுக்கத்தின் தாக்கமாக, டெல்லி உள்ளிட்ட வட இந்தியப் பகுதிகளிலும் நில அதிர்வு உணரப்பட்டது.

**T.N.Balasubramanian** · **T.N.Balasubramanian** Wed Sep 25, 2013 6:40 am

100% அதிர்ச்சி தரும் செய்தி சோகம்

ரமணியன்

ரேவதி · ரேவதி Wed Sep 25, 2013 11:33 am

இஸ்லாமாபாத்: பாகிஸ்தானின், தென்மேற்கு பகுதியில் உள்ள பலுசிஸ்தானில் நேற்று மாலை சக்திவாய்ந்த நிலநடுக்கம் ஏற்பட்டது. ரிக்டர் அளவு கோலில் 7.8 ஆக பதிவான இந்த நிலநடுக்கத்திற்கு பலியானவர்களின் எண்ணிக்கை 208 ஆக உயர்ந்துள்ளது. மீட்பு பணிகள் தொடர்ந்து நடக்கின்றன. பலி எண்ணிக்கை மேலும் அதிகரிக்கலாம் என அஞ்சப்படுகிறது.

தினமலர்

**சிவா** · **சிவா** Wed Sep 25, 2013 5:11 pm

பாக். பூகம்பத்தினால் கடலில் உருவான குட்டித் தீவு

பாகிஸ்தானின் தென்மேற்கு பகுதியை பூகம்பம் உலுக்கிய வேகத்தில் கடலில் புதிய குட்டித்தீவு ஒன்று தோன்றி உள்ளது. பாகிஸ்தானின் க்வாடர் கடலோரப் பகுதியில் இந்த தீவு உருவாகி இருக்கிறது.

சுமார் 60 மீட்டர் நீள அகலத்தில் தோன்றியுள்ள இந்த தீவின் மணல் பகுதி சுமார் 20- 30 மீட்டர் உயரத்துக்கு உயர்ந்துள்ளது. 60 ஆண்டுகளுக்கு முன்பு மிக பயங்கர நிலநடுக்கம் ஏற்பட்ட போதும் இது போன்ற தீவு உருவாகி இருந்தது.

நாளடைவில் அந்த தீவு கடலில் கரைந்து காணாமல் போய்விட்டது. தற்போது பயங்கர நில நடுக்கம் ஏற்பட்டதைத் தொடர்ந்து மீண்டும் அதே இடத்தில் புதிய குட்டித்தீவு உருவாகி இருப்பது குறிப்பிடத்தக்கது.

பல்லாயிரக்கணக்கான மக்கள் கடலோரத்தில் திரண்டு அந்த புதிய குட்டித் தீவை பார்த்தனர். இந்த தீவு 100மீ சுற்றளவு கொண்டுள்ளது. கடற்கரையிலிருந்து ஒருமைல் தூரத்தில் இருப்பதால் இந்தத் தீவு கண்களுக்குத் தெரிந்தது.

இவ்வளவு பெரிய பூகம்பத்தின் விளைவாக இதுபோன்று குட்டித் தீவு தோன்றுவது ஒன்றும் ஆச்சரியமல்ல என்று ஜாகித் ரஃபி என்ற பூகம்ப ஆய்வு நிபுணர் தெரிவித்துள்ளார்.

ஆந்னால் அமெரிக்க பூகம்ப ஆய்வு மைய நிபுணர் கூறுகையில் பொதுவாக தீவு தோன்றுவது அரிதானதே, தீவு தோன்றும்போது பேரலைகள் எழும் என்று கூறியுள்ளார்.

**கரூர் கவியன்பன்** · 23/09/2012

இதுவும் ஆச்சரியம் இல்லை.......... மூழ்கினாலும் ஆச்சரியம் இல்லை

**சிவா** · **சிவா** Wed Sep 25, 2013 5:19 pm

பாகிஸ்தான் பூகம்ப பலி 217 ஆக உயர்வு!

பாகிஸ்தான் தென் மேற்கு மாகாணமான பலுசிஸ்தான் அருகே ஆவாரன் என்ற இடத்தை மையமாகக் கொண்டு ஏற்பட்ட பயங்கர பூகம்பத்திற்கு பலி எண்ணிக்கை 217ஆக அதிகரித்துள்ளது.

பலுசிஸ்தான் மாகாணத்தை புரட்டிப் போட்ட இந்த நில நடுக்கத்தால் நூற்றுக்கணக்கான வீடுகள் இடிந்தன. அடுக்குமாடி கட்டிடங்கள் நொறுங்கின. இதில் இடிபாடுகளுக்குள் சிக்கி 217 பேர் வரை பலியாகிவிட்டதாக அறிவிக்கப்பட்டுள்ளது.

**கரூர் கவியன்பன்** · 23/09/2012

அச்சச்சோ.......... இந்த அளவிற்கா.............

மனிதனின் தவறுகளுக்கான
இயற்கையின் தண்டனை
இவைகள்

Sponsored content · Sponsored content

பாகிஸ்தான் பூகம்பம்: பலி 45 ஆக அதிகரிப்பு

பாகிஸ்தான் பூகம்பம்: பலி 45 ஆக அதிகரிப்பு

Re: பாகிஸ்தான் பூகம்பம்: பலி 45 ஆக அதிகரிப்பு

Re: பாகிஸ்தான் பூகம்பம்: பலி 45 ஆக அதிகரிப்பு

Re: பாகிஸ்தான் பூகம்பம்: பலி 45 ஆக அதிகரிப்பு

Re: பாகிஸ்தான் பூகம்பம்: பலி 45 ஆக அதிகரிப்பு

www.karurkaviyanban.blogspot.in

Re: பாகிஸ்தான் பூகம்பம்: பலி 45 ஆக அதிகரிப்பு

Re: பாகிஸ்தான் பூகம்பம்: பலி 45 ஆக அதிகரிப்பு

www.karurkaviyanban.blogspot.in

Re: பாகிஸ்தான் பூகம்பம்: பலி 45 ஆக அதிகரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக