அன்பை மறக்காதீர்

**M.M.SENTHIL** · **M.M.SENTHIL** Mon Sep 23, 2013 10:05 pm

அன்பை மறக்காதீர் !

நீ என்னுள் இருந்த பத்து மாதம்
புரண்டு படுக்காமல்
ஒருக்களித்து படுத்தேன்,
உனக்கு ஏதும் ஆகாமல் இருக்க !!

இரண்டாம் வயதில் எட்டி உதைத்தாய்
எண்ணி மகிழ்ந்தேன் - உனக்கு
கால்கள் இரண்டும் வலுவென !

மூன்றாம் வயதில் போடி என்றாய்
என் மகன் நன்றாக பேசுகிறான்,
ஆயிரம் பேரிடம் சொல்லியிருப்பேன் !

வயது ஏறிக்கொண்டே வந்தது உனக்கு
நரை முடிகள் கூடிக்கொண்டே வந்ததெனக்கு !

இப்போதும் போடி என்கிறாய்
ஆயிரம் பேரிடம் சொல்ல முடியுமா?

இப்போதும் வயிற்றில் எட்டி உதைக்கிறாய்
உன் கால்கள் வலுதான் - என்
வயிறு வலிக்கிறதே !!

அன்பு மகனே,
உன்னை சுமையாய் நினையாமல்
சுகமாக சுமந்தேனடா,
உன் தாய் உனக்கு - இப்போ
சுமையாய் போனதேனடா !!

குழந்தையாய் நீயிருந்து
அடித்த போதெல்லாம்
பொறுத்துக்கொண்டு
சிரித்த பாவியடா நான் !!

அடிக்காதே என்று நான்
அழுகின்றது உன் காதில்
விழவில்லையா?

பெத்த மகனே உனக்காக
நான் இழந்த அனைத்தும்
உனக்கு தெரியாதா?

அன்பை மறக்காதே,
உனக்கும் ஒரு மகனுண்டு
அதையும் மறக்காதே !!

**M.M.SENTHIL** · **M.M.SENTHIL** Thu Sep 26, 2013 1:21 pm

**ஜாஹீதாபானு** · **ஜாஹீதாபானு** Thu Sep 26, 2013 1:35 pm

வேதனையான வரிகள்

கவிதை நன்று புன்னகை

**M.M.SENTHIL** · **M.M.SENTHIL** Thu Sep 26, 2013 1:44 pm

இது மனிதன் என்ற பெயரில் மிருகத்தை பெற்ற தாயின் கதறல்.

அசுரன் · அசுரன் Thu Sep 26, 2013 1:59 pm

உணர்ச்சிகள் மறுத்து போகும் கவிதை. கடவுள் தான் இதை கவனிக்கனும்.

**krishnaamma** · **krishnaamma** Thu Sep 26, 2013 2:19 pm

மனதை பிழிகிற வரிகள் சோகம்

ஈகரையன் · ஈகரையன் Thu Sep 26, 2013 5:51 pm

வலிமையான வார்த்தைகள்

M.M.SENTHIL wrote:அன்பை மறக்காதீர் !

அன்பை மறக்காதே,
உனக்கும் ஒரு மகனுண்டு
அதையும் மறக்காதே !!

நிதர்சனம்.

Sponsored content · Sponsored content

அன்பை மறக்காதீர்

அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

Re: அன்பை மறக்காதீர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக