தப்பியோடிய இந்தியன் முஜாகிதீன் தீவிரவாதி அப்சல் உஸ்மானியை 18 தனிப்படை தேடுகிறது

மும்பை : மும்பை நீதிமன்ற வளாகத்தில் இருந்து தப்பியோடிய இந்தியன் முஜாகிதீன் தீவிரவாதி அப்சல் உஸ்மானியை பிடிக்க, 18 தனிப்படைகளை அமைந்து மும்பை குற்றப்பிரிவு போலீஸ் தேடுதல் வேட்டை நடத்தி வருகின்றனர். நவி மும்பை, தலோஜா சிறையில் அடைக்கப்பட்டிருந்த உஸ்மானி, கடந்த 2008ம் ஆண்டு குஜராத் மாநிலம் அகமதாபாத்தில் நடந்த தொடர் குண்டுவெடிப்பு வழக்கு விசாரணைக்காக, தென் மும்பையிலுள்ள மொக்கா சிறப்பு நீதிமன்றத்துக்கு அழைத்து வரப்பட்டான்.

இந்த சிறையில் இருந்து உஸ்மானி உள்ளிட்ட 8 இந்தியன் முஜாகிதீன் தீவிரவாதிகள் கோர்ட்டுக்கு கொண்டு வரப்பட்டான். அப்போது, எப்படியோ போலீஸ் பிடியில் இருந்து மர்மமான முறையில் உஸ்மானி தப்பியோடி விட்டான். நீதிமன்ற வளாகத்தில் இருந்து அவன் மாயமானதை 90 நிமிடங்களுக்கு பிறகுதான் போலீசார் உணர்ந்தனர்.

பணியில் அலட்சியம் காட்டியதாக கூறி உதவி சப்,இன்ஸ்பெக்டர் சஞ்சய் தேஷ்முக் மற்றும் உதவி போலீஸ் இன்ஸ்பெக்டர் ராம் சோப்டே ஆகியோர் சஸ்பெண்ட் செய்யப்பட்டனர்.
இதற்கிடையே, இணை போலீஸ் கமிஷனர் (குற்றப்பிரிவு) ஹிமான்சு ராய் கூறுகையில், “உஸ்மானியை பிடிக்க 18 தனிப்படைகள் அமைக்கப்பட்டுள்ளது. ஏற்கனவே, அவனிடம் விசாரணை நடத்திய போலீஸ் அதிகாரிகள், இந்த தனிப்படைகளுக்கு தலைமை வகிப்பார்கள்'' என்றார்.

எக்ஸ்ட்ரா தகவல்

போலீஸ் பிடியில் இருந்து தப்பியோடிய உஸ்மானி, மும்பை சி.எஸ்.டி. அருகில் ஒரு டாக்சியில் ஏறியது, அப்பகுதியில் இருக்கும் கண்காணிப்பு கேமராவில் பதிவாகி இருக்கிறது.



நன்றி தினகரன்

      

நாங்க ஏற்கனவே துப்பாக்கி படம் பார்த்துட்டோம்

SajeevJino wrote:நாங்க ஏற்கனவே துப்பாக்கி படம் பார்த்துட்டோம்

ஒருவேள அவன வச்சு கூண்டோட அள்ளப்போறாங்கேலோ?

செம்மொழியான் பாண்டியன் wrote:

SajeevJino wrote:நாங்க ஏற்கனவே துப்பாக்கி படம் பார்த்துட்டோம்

ஒருவேள அவன வச்சு கூண்டோட அள்ளப்போறாங்கேலோ?

ஒரு தடவை அவன் போலீஸ் கையில் மாட்டிவிட்டாலே அவன் போலீசின் கண் பார்வைக்குள் தான் இருப்பான்

SajeevJino wrote:நாங்க ஏற்கனவே துப்பாக்கி படம் பார்த்துட்டோம்