ஆபாசமும், பாலியல் பகுத்தறிவும்...!!!(Mano red)

Mano Red · Mano Red Sat Sep 21, 2013 12:59 pm

தோலும் சதையும் சூடி
காற்று நிரப்பிய வெற்று உடம்பை
உப்பில்லாத உணர்ச்சி பூட்டி
திரையிட்டு மூடிக் கொண்டால்
ஐம்புலன்களும் அடங்குமென
எப்படி ஒப்புக் கொள்வது..??

தீயதைப் பார்க்காதே என்றால்
எதுவெல்லாம் தீயதென
தீயிலடித்து சொல்லியிருக்கலாம்..!!
நினைப்பவை எல்லாம் தீயதாகவும்
ஒவ்வாத செய்கையெல்லாம்
தீக் கொடியதெனவும் எவர் அறுதியிட்டது..!!

வயதிற்கு புறம்பான செய்கை
அர்த்தமில்லா தொடுதல் குற்றம்,
பழக்கமில்லா பார்வை குற்றம்,
விளக்கமில்லா பேச்சு குற்றமென
குழந்தைக்கு கற்பித்தலை விட்டுவிட்டு
குறைகூறி காரணமின்றி குற்றமாய்
பாவித்தல் பாவமென விளங்கவில்லையோ..??

தாய் தாயாக தனை மறந்து
தந்தை தோழனாகி தினம் வளர்ந்து
இலைமறை காய் போல,
பருவம் கடக்கும் பிள்ளைகளுக்கு
அழகிய அனுபவம் பகிர்ந்து
பருவ வயது பாலின மாற்றத்தை
பக்குவப் படுத்தி விளக்கி
உணர்வுக்களுக்கு உயிர்ப்பூட்டி
புதியதொன்றை புரிய வைப்பது
கடமையென தெரியவில்லையோ..??

மிகத் தெளிந்த குளத்தில்
சிறு கல் எறிய நேரும்போது
களங்கம் என்னவோ குளத்திற்கு தான்..!!
குளத்து நீரின் மனதாய் பருவமிருக்க
சீரழிக்கும் கற்களை எறிய
சுற்றுப்புறமும் சூழ்நிலையும்
சேர்ந்தே தயாராகிவிட்டனர்..!!

விளம்பர இடைவேளை அலங்கரிக்கும்
அரைகுறை ஆடை காட்சியும்,
நாளிதழ் பக்கமொன்று திருப்புகையில்
அருவெருக்கத்தக்க புகைப்படமும்,
பருவ வயதில் புதிதாகவே தெரியும்..!!

ஆபாசம் என்பதற்கும்
பாலியல் பகுத்தறிவிற்கும்
வித்தியாசம் உண்டென்பதை
மறுக்கும் பெற்றோர்களே,
குற்றமென பார்த்தால் எல்லாம் குற்றமே
பாலியலும் ஒரு உணர்வுப்பூர்வமான
புரிதல் என்பதை தெரிந்து கொள்ளுங்கள்..!!

**M.M.SENTHIL** · **M.M.SENTHIL** Sat Sep 21, 2013 1:19 pm

கவிதை மிக நன்று.

ஆனால் பாலியில் ஒரு உணர்வுபூர்வமான புரிதல் என்பதை பெற்றோர் சொல்லித்தர முடியாது. பள்ளிகளில் கொண்டுவரலாம் பாலியல் கல்வியை.

Mano Red · Mano Red Sat Sep 21, 2013 1:20 pm

எப்படி சொல்லி தர முடியுமோ அப்படி பெற்றோர் கண்டிப்பாக சொல்லி தர வேண்டும் சார்....

**M.M.SENTHIL** · **M.M.SENTHIL** Sat Sep 21, 2013 1:24 pm

பாஸ், சில விஷயங்களை பெற்றோர் வெளிப்படையாக பேச முடியும். சில விஷயங்களை இலைமறை காயாகத்தான் பேச முடியும்.
எனும் பொது, பள்ளிகளில் பாடமாய் வைத்தால் அனைவரும் தெரிந்து கொள்வார்கள்.

Mano Red · Mano Red Sat Sep 21, 2013 1:30 pm

இலைமறை காயாகத்தான் பேச சொல்கிறேன்.....பெற்றோர்கள் அதை குற்றமாய் எண்ணி மறைக்கின்றனர்....நீங்கள் சொல்வதும் சரி தான்

**M.M.SENTHIL** · **M.M.SENTHIL** Sat Sep 21, 2013 1:33 pm

பெற்றோர் மறைக்க வில்லை பாஸ், பேச தயங்குகின்றனர்.
தயக்கம் தான் நமக்கு குற்றமாய் தெரிகிறது.

**ஜாஹீதாபானு** · **ஜாஹீதாபானு** Sat Sep 21, 2013 1:38 pm

மிகத் தெளிந்த குளத்தில்
சிறு கல் எறிய நேரும்போது
களங்கம் என்னவோ குளத்திற்கு தான்..!!
குளத்து நீரின் மனதாய் பருவமிருக்க
சீரழிக்கும் கற்களை எறிய
சுற்றுப்புறமும் சூழ்நிலையும்
சேர்ந்தே தயாராகிவிட்டனர்..!!

அருமையான வரிகள் ஆபாசமும், பாலியல் பகுத்தறிவும்...!!!(Mano red) 3838410834

Mano Red · Mano Red Sat Sep 21, 2013 2:19 pm

மிக்க நன்றி மேடம்.....

Sponsored content · Sponsored content

ஆபாசமும், பாலியல் பகுத்தறிவும்...!!!(Mano red)

ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

Re: ஆபாசமும், பாலியல் பகுத்தறிவும்...!!!(Mano red)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக