சாதிக்க வேண்டும்

"" இந்திய அணியின் இளம் வீரர்களான ரெய்னா, விராத் கோஹ்லி, ரவிந்திர ஜடேஜா போன்றவர்கள் அணியின் வெற்றிக்கு உதவ வேண்டும்,'' என, அஜித் வடேகர் அறிவுரை வழங்கியுள்ளார்.
ஆஸ்திரேலியாவுக்கு எதிரான முதல் ஒருநாள் போட்டியில் இந்திய அணி, தோல்வியடைந்தது. இதுகுறித்து இந்திய அணியின் முன்னாள் கேப்டன் அஜித் வடேகர் கூறியது:
இந்திய அணியின் தேர்வுக் குழுவினர் இளம் வீரர்கள் மீது நம்பிக்கை வைத்து தேர்வு செய்துள்ளனர். அவர்களுக்கு தங்களை நிரூபிக்க இது தான் சரியான நேரம். 290 ரன்களுக்கு மேல் "சேசிங்' செய்து கொண்டிருக்கும் போது 30 அல்லது 40 ரன்கள் மட்டும் எடுத்தால் போதுமானது அல்ல. ரெய்னா, விராத் கோஹ்லி, ரவிந்திர ஜடேஜா போன்றவர்கள், டிராவிட் மற்றும் கங்குலியின் இடங்களுக்கு மாற்றாக வந்துள்ளோம் என்பதை முதலில் புரிந்து கொள்ள வேண்டும்.

திறமையில் சந்தேகமில்லை:
இளம் வீரர்களுக்கு திறமை உள்ளது என்பதில் சந்தேகமில்லை. ஆனால் அது போட்டியை வென்று தரும் வகையில் இல்லை. அதற்குள் விரைவாக அவுட்டாகி விடுகிறார்கள். முதல் போட்டியில் கோஹ்லி சிறப்பாக துவக்கினார். ஆனால் பேராசைப்பட்டு விரைவில் ஆட்டமிழந்தார். சுரேஷ் ரெய்னா, தனது "ஷார்ட் பிட்ச்' பலவீனத்தை போக்க தகுந்த பயிற்சிகள் செய்யவில்லை என்றால் எஞ்சியுள்ள போட்டிகளில் பிரட் லீ, ஜான்சன், சிடில் போன்ற வீரர்களுக்கு எதிராக ரன்களை குவிப்பது கடினம்.

ஜடேஜாவுக்கு "அட்வைஸ்':
அணியில் இடம்பெறாத திறமையான இளம் வீரர்கள் வெளியில் உள்ளனர் என்பதை புரிந்து கொண்டு ரவிந்திர ஜடேஜா, தனக்கு கிடைத்த வாய்ப்பை பயன்படுத்திக்கொள்ள வேண்டும். கடைசி நேரத்தில் ஹர்பஜனும், பிரவீணும் எதிர்பாராமால் அசத்தலாக விளையாடினர். பவுலிங்கில் இஷாந்த் சர்மா ஆறுதல் அளித்தார். ஆஷிஸ் நெஹ்ராவுக்கு இங்கிலாந்து மைதானங்கள் உதவியது போல் இந்திய ஆடுகளம் கைகொடுக்கவில்லை. இவருக்கு பதில் முனாப் படேல், சிறந்த தேர்வாக இருக்கும் என்பது எனது கணிப்பு.
இவ்வாறு வடேகர் தெரிவித்தார்.

கோசி அண்ணா கிரிக்கெட் உங்களுக்கு ரொம்ப பிடிக்கும்னு நினைக்கிறேன் கரெக்டா.........

Manik wrote:கோசி அண்ணா கிரிக்கெட் உங்களுக்கு ரொம்ப பிடிக்கும்னு நினைக்கிறேன் கரெக்டா.........

எனக்கு கூட கிரிக்கெட்னா உயிர்..... ஆனால் இப்பொழுது வீரர்கள் ஆடுவதை பார்க்கும் பொழுது வீணாக டென்சன் அதிகமாகிறது ஆதலால் சற்று தவிர்த்து வருகிறேன் டிவியில் பார்ப்பதை.....

நேரம் கிடைக்கும் பொது பார்ப்பேன்