வேர்ட் டிப்ஸ்

டேட்டா சார்ட்டிங்:




வேர்டில் ஒரு டேபிள் உருவாக்கி, அதன் நெட்டு வரிசைகளில் டேட்டாவை அமைக்கிறீர்கள். அப்போது முதல் நெட்டு வரிசையில் அதற்கான தலைப்பு தந்திருக்கிறீர்கள். இனி இந்த நெட்டுவரிசையில் உள்ள டேட்டாவினை சார்ட்டிங் என்ற முறையில் வகைப்படுத்த எண்ணுகிறீர்கள். எடுத்துக் காட்டாக







Raman என்று டேட்டா தரப்பட்டுள்ளது. இதனை சார்ட் செய்தால் Names என்பது என்பதற்கு Raman முன்னால் வந்துவிடும். ஆனால் அது தலைப்பு அல்லவா? அதனையும் சேர்த்து சார்ட்டிங் செய்யக்கூடாதே. இதனை செட் செய்திட வேர்ட் ஒரு வழி தருகிறது. முதலில் சார்ட்டிங் செய்திட வேண்டிய டேட்டாவினை ஹைலைட் செய்திடவும். பின் "Table" மற்றும் "Sort" தேர்ந்தெடுக்கவும். இப்போது "Sort Text" ” டயலாக் பாக்ஸ் கிடைக்கும். இதில் கீழாக

"My list has" என்று ஒரு பிரிவு இருக்கும். இதன் அருகே உள்ள "Header row" என்பதில் உள்ள ரேடியோ பட்டனில் டிக் அடையாளம் ஏற்படுத்தவும். மற்ற ஆப்ஷன்களையும் தேர்ந்தெடுத்து பின் ஓகே கிளிக் செய்து வெளியேறவும்.



இனி நீங்கள் தேர்ந்தெடுத்த தலைப்பு உள்ள வரிசை இல்லாமல் சார்ட்டிங் செய்யப்படும். தலைப்பு வரிசை மேலாக வந்துவிடும்.




பார்க்கும் பக்கம் மட்டும் பிரிண்ட் செய்திட:




வேர்ட் டாகுமெண்ட் ஒன்றைப் பார்த்துக் கொண்டிருக்கிறீர்கள். பார்த்துக் கொண்டிருக்கும் பக்கம் மட்டும், அதனை மட்டும், பிரிண்ட் எடுக்க வேண்டும். பைல் மெனு சென்று பிரிண்ட் கொடுத்து கிடைக்கும் விண்டோவில் current page செலக்ட் செய்து என்டர் அழுத்தும் வேலையைக் குறைக் கும் வழி ஒன்று உள்ளது. பிரிண்ட் எடுக்க வேண்டிய பக்கத்தில் கர்சரை வைத்துக் கொண்டு பின் Ctrl + P மற்றும் Alt + E அழுத்தவும். அந்தப் பக்கம் மட்டும் பிரிண்ட் ஆகும்.


டெக்ஸ்ட்டுக்கு அதிக இடம்:
நீங்கள் எம்.எஸ். வேர்ட் தொகுப்பினைப் பயன் படுத்துகையில் உங்கள் டெக்ஸ்ட்டுக்கு நிறைய இடம் வேண்டும் என எண்ணுபவரா? எதற்கு இந்த தேவையில்லாத மெனு மற்றும் பார்கள் இருக்கின்றன என்று எரிச்சல் படுபவரா? வேர்ட் செட் அப்பில் ஒரு சில டிக் அடையாளங்களை ஏற்படுத்துவதன் மூலமும் நீக்குவதன் மூலமும் இதனை மேற்கொள்ளலாம். அதே போல மீண்டும் வேண்டும் என்றாலும் அவற்றை மீட்டுக் கொள்ளலாம். இதற்கு முதலில் Tools மெனு செல்லவும். பின் அதில் Options என்னும் பிரிவைத் தேர்ந்தெடுத்து வரும் டேப் விண்டோவில் View என்னும் டேபைக் கிளிக் செய்திடவும். இதில் Horizontal Scroll Bar, Status Bar, Vertical Scroll Bar என்ற மூன்று பார்களும் அவற்றின் எதிரே செக் பாக்ஸ்களும் இருக்கும். இதில் எது உங்களுக்குத் தேவை இல்லை என எண்ணுகிறீர்களோ அதில் டிக் அடையாளத்தை எடுத்துவிடுங்கள். பின் வேர்ட் தொகுப்பில் டெக்ஸ்ட் தயாரிக் கையில் அல்லது எடிட் செய்கையில் உங்கள் மானிட்டரில் நீங்கள் டிக் அடையாளம் எடுத்துவிட்ட பார்கள் இருக்காது. இதனால் டெக்ஸ்ட் அடிக்கச் சற்று கூடுதலாக இடம் கிடைக்கும். நீக்கிய இந்த பார்கள் மீண்டும் வேண்டும் என்றால் மீண்டும் இதே வழியில் சென்று வியூ டேப் அழுத்தித் தேவையான பார் களுக்கு முன்னால் உள்ள பாக்ஸ் களில் டிக் அடையாளம் ஏற்படுத்தினால் போதும்.
டேபிள் செல்களில் வரிசையாக எண்கள்:
வேர்ட் தொகுப்பில் டேபிள் ஒன்றை உருவாக்கி இருக்கிறீர்கள். அதில் உள்ள செல்களில் வரிசையாக எண்களை அமைக்க வேண்டும். என்ன செய்யலாம்? வரிசையாக 1,2,3, என டைப் செய்து கொண்டு போவீர்கள், இல்லையா? தேவையே இல்லை. எந்த நெட்டு வரிசையில் எண்கள் அமைய வேண்டுமோ அதனைத் தேர்ந்தெடுத்து பின் புல்லட் அருகே உள்ள என்ற ஐகானை அழுத்தவும். வரிசையாக எண்கள் அமைக்கப்படும். ஆனால் செல்களில் உள்ள டெக்ஸ்ட் அமைத்து அதில் என்டர் தட்டி வரிசையாக டெக்ஸ்ட் அமைத்திருந்தால் எண்கள் சற்று தாறுமாறாக வரலாம்.


எனக்கு வேண்டாம் கோடு:
வேர்ட் தொகுப்பில் தாமாகவே இயங்கும் பார்மட் சம்பந்தமான பல செயல்பாடுகள் உள்ளன. இதில் நாம் அடிக்கடி சந்திப்பது படுக்கைக் கோடு அமைவது தான். அதாவது ஹைபன் அல்லது அடிக்கோடு அல்லது சிறிய வளைவு கோடு அமைக்கும் முயற்சியில் ஈடுபட்டால் உடனே வேர்ட் அதனை அந்த அளவிற்கான படுக்கைக் கோடாக மாற்றிவிடும். இது நமக்கு வசதி என்றாலும் இதனை நீக்குவது எளிதல்ல. ஏனென்றால் இது வேர்ட் ஏற்படுத்திய பார்டர் லைனாகும்.
தற்போது பயன்படுத்தப்படும் வேர்ட் தொகுப்புகளில் இதற்கு ஒரு வழி தரப்பட்டுள்ளது. கர்சரை எந்த கோட்டினை அழிக்க வேண்டுமோ அந்த கோட்டின் தொடக்கத்திற்குக் கொண்டு செல்லவும். பின் Format மெனு சென்று Borders and Shading என்ற பிரிவைத் தேர்ந்தெடுத்து அதில் உள்ள None பிரிவைக் கிளிக் செய்திடவும். இந்த பிரச்சினை தொடர்ந்து வராமல் இருக்க வேண்டும் என்றால் Tools மெனுவிற்குச் செல்லுங்கள். அதில் Auto Correct Options என்ற பிரிவைத் தேர்ந்தெடுங்கள். பின் அதில் AutoFormat As You Type என்ற டேபிற்குச் செல்லுங்கள். Apply as you type என்ற இடத்தைத் தேடிக் கண்டு பிடியுங்கள். அதில் Border Lines என்ற இடத்திற்கு எதிரே உள்ள டிக் அடையாளத்தை எடுத்து விட்டு அனைத்திற்கும் ஓகே டிக் செய்து மூடுங்கள்.


பேக் அப் பைல்களை எப்படி உருவாக்குவது?




வேர்ட் தொகுப்பில் பணியாற்றும் சிலர் தங்கள் பைல்களை கவனக் குறைவாக அழித்து விடுவார்கள். ரீசைக்கிள் பின்னுக்கும் போகாத முறையில் அழிப்பவர்களும் உண்டு. அல்லது பைலை உருவாக்கிவிட்டு பின் அதே பெயரில் புதிய வெற்று பக்கங்களை சேவ் செய்பவர்களும் உண்டு. அல்லது தெரியாமல் அனைத்து பக்கங்களையும் தேர்ந்தெடுத்து டெலீட் செய்து பின் வெற்றுப் பக்கங்களை சேவ் செய்பவர்களும் உண்டு. இவர்களுக்காகவே வேர்டில் பேக்கப் பைல் உருவாக்கும் வசதி தரப்பட்டுள்ளது.File மெனு சென்று Save As பிரிவைத் தேர்ந்தெடுங்கள். வரும் டயலாக் பாக்ஸில் Tools பட்டன் தட்டவும். பின் உங்கள் தொகுப்பிற்கேற்ப General அல்லது Save தேர்ந்தெடுக்கவும். கிடைக்கும் விண்டோவில் Always create Backup copy என்பதில் டிக் செய்து ஓகே கிளிக் செய்திடவும். இனி பேக்கப் காப்பி உருவாகும். இறுதியாக சேவ் செய்யப்பட்ட டாகுமெண்ட் பைலைப் பெற்று மீண்டும் சேவ் செய்திடலாம்.