நண்பருக்கு சர்ப்ரைஸ் தர சென்றதால் வந்த விபரீதம் !

**krishnaamma** · **krishnaamma** Tue Sep 10, 2013 7:46 pm

நண்பருக்கு சர்ப்ரைஸ் தர சென்றதால் வந்த விபரீதம்: இந்திய வம்சாவளி பெண் சுட்டுக்கொலை

நண்பருக்கு சர்ப்ரைஸ் தர சென்றதால் வந்த விபரீதம் ! Img1130910027_1_1

அமெரிக்காவில் நண்பர் ஒருவருக்கு திடீரென சர்ப்ரைஸ் கொடுக்க அலமாரியில் இருந்து குதித்த இந்திய வம்சாவளி பெண்ணை பார்த்து பயந்துப்போன அந்த நபர் அவரை சுட்டுக்கொன்ற சம்பவம் அதிர்ச்சியை ஏற்படுத்தியுள்ளது.

அமெரிக்காவின் கொலரடோவின் லைநகரான டென்வரின் வடக்கு பகுதியில் உள்ளது லாங்மான்ட். அப்குதியைச் சேர்ந்த இந்திய வம்சாவளிப் பெண் பிரமிளா லால். இவருக்கு வயது 18.

இவர் அவர்களது குடும்ப நண்பரான நெரெக் காலியின் என்பவரின் வீட்டுக்கு கடந்த வெள்ளிக்கிழமை இரவு சென்றுள்ளார். நெரெக்கை ஆச்சரியப்பட வைக்க அவரது அறையில் உள்ள அலமாரியில் மறைந்திருந்த பிரமிளா, தான் அவரது வீட்டிற்கு வருவதாக நெரெக்கிடம் தெரிவிக்கவில்லை.

அலமாரியில் இருந்து யாரோ வெளியே வருவதை பார்த்து அதிர்ந்த நெரெக் திருடன் என்று நினைத்து துப்பாக்கியை எடுத்து சுட்டுவிட்டார். இதில் படுகாயமடைந்த பிரமிளாவை அருகில் உள்ள மருத்துவமனையில் அனுமதித்தனர்.ஆனால் அங்கு சிகிச்சை பலனின்றி பிரமிளா பரிதாபமாக உயிர் இழந்தார்.

நன்றி : வெப்துனியா