சென்னையில் குறைந்த விலையில் ஆபரண தங்கம்: கடத்தல் தங்கம் காரணமா?

**krishnaamma** · **krishnaamma** Mon Sep 09, 2013 9:35 pm

தங்கம் இறக்குமதி மீதான கட்டுப்பாடுகள் அதிகரிக்கப்பட்டுள்ளதால், சென்னையில், கடத்தல் தங்கம் நடமாட்டம் அதிகரித்துள்ளதாக கூறப்படுகிறது.

இந்தியாவில், ஓர் ஆண்டிற்கு தங்கத்திற்கான தேவை, 850 டன் என்ற அளவில் உள்ளது. உள்நாட்டில், தங்கம் உற்பத்தி குறைவாக உள்ளதால், துபாய், லண்டன், சுவிட்சர்லாந்தில் இருந்து, இறக்குமதி செய்யப்படுகிறது. தங்கம் இறக்குமதிக்கான உரிமம் வைத்துள்ள ஆபரண வர்த்தகர்கள், வங்கிகள் மூலம் தங்கத்தை வாங்கி, ஆபரணங்களாக மாற்றி, நகை கடைகளில் விற்பனை செய்து வருகின்றனர்.சர்வதேச அளவில், லண்டனில் உள்ள ஆபரண சந்தையில், தங்கம் விலை நிர்ணயம் செய்யப்படுகிறது. இதை பின்பற்றி, அனைத்து நாடுகளிலும், நாள்தோறும், தங்கம் விற்கப்படுகின்றன. இந்தியாவில், சர்வதேச விலையோடு, இறக்குமதி வரி, மதிப்பு கூட்டு வரி, வங்கி கமிஷன் ஆகியவற்றுடன், விலை நிர்ணயம் செய்யப்படுகிறது. மும்பை, கோல்கட்டா, ஐதராபாத் உள்ளிட்ட நகரங்களை காட்டிலும், சென்னையில், ஆபரண தங்கம் விலை குறைவாக உள்ளது.

தொடரும்.................

**krishnaamma** · **krishnaamma** Mon Sep 09, 2013 9:36 pm

இதற்கு கடத்தல் தங்கம் வருகை காரணம் என, கூறப்படுகிறது.தங்கம் இறக்குமதிக்கு கட்டுப்பாடுகள் அதிகரிக்கப்பட்டுள்ளதை அடுத்து, சிங்கப்பூரில் இருந்து, சென்னைக்கு அதிகளவில் தங்கம் கடத்தி வருவதாக கூறப்படுகிறது. இதனால் தான், சென்னையில், மற்ற நகரங்களுடன் ஒப்பிடும்போது, தங்கம் விலை, கிராமுக்கு, 30 - 50 ரூபாய் வரை விலைகுறைவாக இருப்பதாக தெரியவந்துள்ளது.

"குறைந்த லாபம்':இதுகுறித்து, ஆபரண வர்த்தகர் ஒருவர் கூறியதாவது:மும்பை உள்ளிட்ட நகரங்களில், அசல் தங்கம் விலையுடன், செய்கூலி, சேதாரம் ஆகியவற்றிலும் லாபம் வைத்து விற்கப்படுகிறது. இதனால் தான், அங்கு, தங்கம் விலை அதிகமாக உள்ளது. சென்னையில், செய்கூலி, சேதாரத்தில் மட்டுமே லாபம் வைத்து விற்கப்படுகிறது. தற்போது, மறு சுழற்சிக்காக தங்கத்தை அதிகளவில் விற்பனை செய்து வருகின்றனர். கடத்தல் தங்கம் என்பதெல்லாம், பொய்யான தகவலாகும்.இவ்வாறு, அவர் கூறினார்.

தொடரும்...............

**krishnaamma** · **krishnaamma** Mon Sep 09, 2013 9:37 pm

சென்னையில் ஒருநாள்விற்பனை எவ்வளவு: தங்கம் பயன்பாட்டில், மும்பைக்கு அடுத்து, தமிழகம் உள்ளது. இங்கு, 70 ஆயிரத்துக்கும் மேற்பட்ட தங்க நகை நிறுவனங்கள் உள்ளன. தமிழகத்தில் விற்பனையாகும், மொத்த தங்கத்தில், 70 சதவீதம்,சென்னையில் விற்பனையாகிறது.

சென்னையில், நாள்தோறும் சராசரியாக, 120 கோடி ரூபாய் மதிப்பிலான, 400 கிலோ (ஒரு கிலோ, 27 - 28 லட்சம் ரூபாய்), தங்க ஆபரணங்கள் விற்பனையாகின்றன.

நன்றி : தினமலர்

**krishnaamma** · **krishnaamma** Mon Sep 09, 2013 9:41 pm

//சென்னையில், நாள்தோறும் சராசரியாக, 120 கோடி ரூபாய் மதிப்பிலான, 400 கிலோ (ஒரு கிலோ, 27 - 28 லட்சம் ரூபாய்), தங்க ஆபரணங்கள் விற்பனையாகின்றன.//

அதிர்ச்சி