நான் யார்?

**M.M.SENTHIL** · **M.M.SENTHIL** Mon Sep 09, 2013 2:32 pm

நான் யார்?

நான் யார்? இந்த கேள்வி
என்னுள் வந்து ஆகிவிட்டன
நிறைய நாட்கள்!

செந்தில் குமார் என்றென்னை
அழைத்தபோது அந்த
செந்தில் குமார்தான் நான்
என்றெண்ணியிருந்தேன் !!

சதையும் தோலும் கலந்த கலவை
அதற்கும் அடையாளம் தேவை
அதற்குத்தான் பெயரையே
வைத்துள்ளார்கள் என அறிந்தபோது
நான் யார்?

அம்மா என்னை தங்கம் என்றால்
அப்பா என்னை உருப்படாதவன் என்றார்
தங்கை என்னை போடா என்றால்
மனைவி என்னை மாமா என்றால்
குழந்தை என்னை அப்பா என்றால் !!
இப்படி பல அவதாரம் எடுக்கிறேன்
எனில் நான் யார்?

பல நாட்கள் தூக்கமில்லை
சில நாட்கள் பசிக்கவில்லை
நன்றாக யோசித்தேன்
நான் யார்?

ஜனனம் முதல் மரணம் வரை
நான் மனிதனே !

நல்லதே செய்வோம்
தீயதை மறவோம்
நான் அறிந்ததே !!

இவையெல்லாம் தெரிந்தாலும்
நான் யார்? என்பது மட்டும்
தெரியாமலே இருந்து வந்தேன்
நேற்று என் அன்பு மகளிடம் பேசும் வரை !!

அம்முக்குட்டி நீ யாரும்மா என்றேன்
மழலை மொழி மாறாத என் மகளிடம்
சட்ரென்று சொன்னாள்
" நான் கடவுள் என்று"
எப்படி என்றேன்
மனசுல ஒண்ணுமே
இல்லாம இருந்தா
எல்லாரும் கடவுள்தாம்பா
என்று சொல்லி சிரித்தாள் !!

ஒன்றுமே இல்லாமல்
இருப்பவன் ஏழை !
மனதில்
"ஒன்றுமே" இல்லாமல்
ஒவ்வொரு நாளையும்
ரசித்து வாழ்பவன் கடவுள்
என்று உணர்ந்தேன் !!