இனியும் வேண்டாம் முதியோர் இல்லம்

gokulakannan · gokulakannan Sun Sep 08, 2013 11:01 pm

இனியும் வேண்டாம் முதியோர் இல்லம்
********************************************************
தாய்ப்பால் ஊட்டியவள் தனியாய் ஓரிடத்தில்
தள்ளாடும் தந்தையவர் துணையாய் அவர் அருகில்
பெற்றமகன் விட்டுவிட்டான் மற்றவர்கள் பேச்சைக்கேட்டு
தாய் தந்தை அன்பு இனி வேண்டாம் என்று
மாதம் மூவாயிரம் பாசக்கடன் கட்டுகிறான்
ஆறு மாதம் ஒருமுறைக்கு தன் மகனைக் காட்டுகிறான்
அவன் ஏன் அறிவதில்லை அறுவதில் தானும் இங்குதான் என்று
தன் மகன் ராமனாவான் என்றுதான் வளர்த்தார்கள்
ஆனால் அவன் இராவணனாய் வளர்ந்துவிட்டான்
கல்லிலும் ஈரமுண்டு...
மகனின் உள்ளங்கள் மாறினால்தான்
முதியோர் இல்லங்கள் குறையக்கூடும்
இனியாவதும் சிந்தியுங்கள்
பெற்றெடுத்த இருவரையும் இறுதிவரை உடனிருந்து
பாதுகாப்போம்
முதியோர் இல்லங்கள் இல்லாமல் செய்திடுவோம்

----மு.கோகுலக்கண்ணன்----

அசுரன் · அசுரன் Mon Sep 09, 2013 12:12 am

முதியோர் இல்லங்கள் இல்லாமல் இருப்பது ஒரு நல்ல விசயம் தான். ஆனால் மனைவிகளும் மகன்களும் திருந்த மாட்டாங்களே! கடைசியில அவங்க போற இடமும் அதுவாக தான் இருக்கும். கவிதை அருமை நண்பரே!

இந்த பதிவைத் துவங்கியவர் நன்றி கூறியுள்ளார் அசுரன்

17/02/2013

நல்ல கருத்துக்கள் வாழ்த்துக்கள்

**krishnaamma** · **krishnaamma** Mon Sep 09, 2013 1:07 pm

//இனியாவதும் சிந்தியுங்கள்
பெற்றெடுத்த இருவரையும் இறுதிவரை உடனிருந்து
பாதுகாப்போம்
முதியோர் இல்லங்கள் இல்லாமல் செய்திடுவோம்//

உண்மையான வார்த்தைகள் புன்னகை