தமிழை வழக்காடு மொழியாக 3 நாள்களுக்குள் அறிவிக்க வேண்டும்

சென்னை உயர் நீதிமன்றத்தில் தமிழை வழக்காடு மொழியாக மூன்று நாள்களுக்குள் அறிவிக்க வேண்டும் என வழக்குரைஞர்கள் வலியுறுத்தியுள்ளனர்.

சென்ன உயர் நீதிமன்றத்தில் தமிழை வழக்காடு மொழியாக அறிவிக்கக் கோரி கடந்த பல ஆண்டுகளாக வழக்குரைஞர்கள் தொடர்ந்து போராட்டம் நடத்தி வருகின்றனர். இந்த நிலையில், மதுரை வழக்குரைஞர்கள் சங்க குழு தமிழகம் முழுவதும் பயணம் மேற்கொண்டது.

இரண்டு மற்றும் நான்கு சக்கர வாகனங்களில் புறப்பட்ட இந்த குழு திருச்சி, பெரம்பூர், உளுந்தூர்பேட்டை, விழுப்புரம், திண்டிவனம் வழியாக சென்னை உயர் நீதிமன்றத்தை வெள்ளிக்கிழமை வந்தடைந்தது.

இங்கு வந்த மதுரை வழக்குரைஞர்கள் குழு மற்றும் சென்னை உயர் நீதிமன்ற வழக்குரைஞர்கள் அனைவரும் ஆர்ப்பாட்டத்தில் ஈடுபட்டனர்.

இதில், மதுரை வழக்குரைஞர்களின் குழு செயலர் ஏ.கே.கந்தசாமி கூறியது: சென்னை உயர் நீதிமன்றத்தில் தமிழை வழக்காடு மொழியாக மூன்று நாள்களுக்குள் அறிவிக்க வேண்டும். உச்ச நீதிமன்றத்தில் உள்ள இந்த கோரிக்கைக்கான ஆவணங்களை மத்திய அரசு குடியரசுத் தலைவரின் ஒப்புதலுக்கு அனுப்பி ஒப்புதல் பெற வேண்டும். அவ்வாறு ஒப்புதல் பெறவில்லை என்றால் வழக்குரைஞர்கள் மற்றும் அரசியல் பிரமுகர்கள் தில்லிக்குச் சென்று மனு கொடுப்போம் என்றார் அவர்.

இந்தப் போராட்டத்தில் சென்னை உயர் நீதிமன்ற வழக்குரைஞர்கள் சங்கம், சென்னை பார் அசோசியேசன், பெண் வழக்குரைஞர்கள் சங்கம், தமிழ்நாடு வழக்குஞைர்கள் சங்கம், மதுரை வழக்குரைஞர்கள் உள்பட 200-க்கும் மேற்பட்டோர் பங்கேற்றனர்.

இந்தப் புறக்கணிப்பு போராட்டத்தால் உயர் நீதிமன்றத்தின் தலைமை நீதிபதியைக் கொண்ட பெஞ்சில் மட்டும் விசாரணை நடந்தது. இதர நீதிமன்றங்கள் மற்றும் அமர்வு நீதிமன்றங்களின் விசாரணைப் பணிகளில் பாதிப்பு ஏற்பட்டன.

இது தொடர்பான பதிவு உங்கள் முந்தைய பதிவு http://www.eegarai.net/t103251-topic#1008473

இவர்களின் போராட்டம் நிச்சயமாக வெற்றி பெறும்
வாழ்த்துவோம்

நல்ல நோக்கம் இருப்பதால் , இந்தப் போராட்டம் வெல்லவேண்டும் !