200–வது டெஸ்ட் போட்டியில் தெண்டுல்கர் மும்பையில் விளையாட வேண்டும்: கங்குலி விருப்பம்

கிரிக்கெட்டில் சகாப்தம் என்று அழைக்கப்படும் சச்சின் தெண்டுல்கர் 198 டெஸ்ட் போட்டிகளில் விளையாடி உள்ளார். 200–வது டெஸ்ட்டில் விளையாடி மைல்கல் சாதனையை படைக்க உள்ளார்.

இந்திய அணி தென் ஆப்பிரிக்காவில் சுற்றுப் பயணம் செய்யும்போது அவர் 200–வது போட்டியில் விளையாடும்படி அட்டவணை இருந்தது. ஆனால் தற்போது சச்சின் 200–வது டெஸ்ட்டை இந்திய மண்ணில் விளையாட இந்திய கிரிக்கெட் வாரியம் விரும்பியது.

இதையடுத்து வெஸ்ட்இண்டீஸ் அணி நவம்பரில் இந்தியாவில் சுற்றுப்பயணம் செய்து 2 டெஸ்ட், 3 ஒருநாள் போட்டியில் விளையாட அழைப்பு விடுக்கப்பட்டது. இதை வெஸ்ட்இண்டீஸ் கிரிக்கெட் வாரியம் ஏற்றுக் கொண்டது.

இதையடுத்து சச்சின் தெண்டுல்கர் 200–வது டெஸ்ட்டை இந்திய மண்ணில் விளையாடுகிறார். ஆனால் எந்த மைதானத்தில் விளையாடுவார் என்று இன்னும் அறிவிக்கப்படவில்லை. சுழற்சி முறையில் பெங்களூர், அகமதாபாத்தில் போட்டி நடைபெற வேண்டும்.

இந்த நிலையில் தெண்டுல்கரின் சொந்த மண்ணான மும்பையில் விளையாட வேண்டும் என்று முன்னாள் கேப்டன் கங்குலி விருப்பம் தெரிவித்துள்ளார்.

இது குறித்து அவர் கூறுகையில், தெண்டுல்கர் தனது 200–வது போட்டியை மும்பையில் விளையாடினால் பொருத்தமாக இருக்கும். அங்குதான் அவரது உறவினர்கள், நண்பர்கள் அதிகம் உள்ளனர்.

மும்பைதான் அவருக்கு உணர்வுபூர்வமாக இருக்கும். அவரது இந்த சாதனையை முறியடிக்க முடியாது. அவர் இந்த பொன்னான வாய்ப்பை அனுபவித்து விளையாட வேண்டும். தெண்டுல்கரின் ஓய்வுக்கு பிறகு அந்த இடம் வெற்றிடமாகவே இருக்கும். நாம் நிறைய வீரர்களின் ஓய்வை பார்த்து இருக்கிறோம். பல வீரர்கள் வருவார்கள், போவார்கள். ஆனால் சச்சின் போன்ற வீரரை பார்க்க முடியாது. அவரை இடத்தை நிரப்புவது மிகவும் கடினம்.

இவ்வாறு அவர் கூறியுள்ளார்.

மாலைமலர்

இது உங்கள் கடைசி போட்டி என்றால் மிக சிறப்பானதாக அமைய வாழ்த்துகள்.

பாலாஜி wrote:இது உங்கள் கடைசி போட்டி என்றால் மிக சிறப்பானதாக அமைய வாழ்த்துகள்.

அதுக்குள்ள அவசரப்பட்டு ஒரு முடிவுக்கு வந்துடாதீங்கன்னா

செம்மொழியான் பாண்டியன் wrote:

பாலாஜி wrote:இது உங்கள் கடைசி போட்டி என்றால் மிக சிறப்பானதாக அமைய வாழ்த்துகள்.

அதுக்குள்ள அவசரப்பட்டு ஒரு முடிவுக்கு வந்துடாதீங்கன்னா

அதனாலதான் கடைசி போட்டி என்றால் என்று குறிப்பிட்டுள்ளேன்

பார்போம் என்ன நடக்க போகிறது என்று

எங்க ஆடினாலும் பரவாயில்லை இதோடு
உள்ள நல்ல பெயருடன் ஓய்வும் பெற்றுவிட்டால்
ரொம்ப ரொம்ப நல்லாருக்கும் - வாழ்த்துகள்

மும்பைதான் அவருக்கு உணர்வுபூர்வமாக இருக்கும். அவரது இந்த சாதனையை முறியடிக்க முடியாது. அவர் இந்த பொன்னான வாய்ப்பை அனுபவித்து விளையாட வேண்டும். தெண்டுல்கரின் ஓய்வுக்கு பிறகு அந்த இடம் வெற்றிடமாகவே இருக்கும். நாம் நிறைய வீரர்களின் ஓய்வை பார்த்து இருக்கிறோம். பல வீரர்கள் வருவார்கள், போவார்கள். ஆனால் சச்சின் போன்ற வீரரை பார்க்க முடியாது. அவரை இடத்தை நிரப்புவது மிகவும் கடினம்.

கங்குலி சொல்லியிருப்பது உண்மையான வரிகள்