விஸ்வரூபம் 2 வையும் வெற்றிபெற வைக்க வித்திடும் முஸ்லிம் லீக்

**சிவா** · **சிவா** Fri Sep 06, 2013 3:48 pm

சாதாரணமாக வந்து போயிருக்க வேண்டிய விஸ்வரூபம் படத்தை முஸ்லீம் கட்சிகளும், அமைப்புகளும் எதிர்ப்பு என்ற பெயரில் விளம்பரப்படுத்தி, மிகப்பெரிய வெற்றியை படத்துக்கு பெற்றுத் தந்தன.

தற்போது விஸ்வரூபம் 2 படத்தை கமல்ஹாசன் இயக்கி நடித்து வருகிறார். படம் ஏறக்குறைய முடிவடைந்துள்ளது. இந்த வருட இறுதியில் படம் வெளியாகும் என தெரிகிறது. இந்நிலையில், எதிர்ப்பு என்ற பெயரில் மீண்டும் கமல் படத்துக்கு விளம்பரம் தேடித் தரும் வேலையில் முஸ்லீம் கட்சிகளும், அமைப்புகளும் இறங்கியுள்ளன.

முஸ்லீம் லீக் விளம்பரத்துக்கான முதல் அத்தியாயத்தை தொடங்கி வைத்துள்ளது. அதன் தலைவர் ஜவஹர் அலி விஸ்வரூபம் 2 தொடர்பாக அறிக்கை ஒன்றை வெளியிட்டுள்ளார்.

கமலஹாசன் நடித்து இயக்கி வரும் விஸ்வரூபம் பார்ட்-2 தீபாவளிக்கு வர இருப்பதாகவும் விஸ்வரூபம் படத்தை போன்று இப்படத்திலும் முஸ்லிம்களை தீவிரவாதிகளாக சித்தரித்து முஸ்லிம்களின் மனம் புண்படும்படியான காட்சிகள் இருப்பதாகவும் தகவல் வந்துள்ளதை கண்டு மிகவும் வேதனை அடைந்துள்ளோம். சகோதரர் கமலஹாசன் தொடர்ந்து முஸ்லிம்களை காயப்படுத்தி படம் எடுத்து வருவதும் பிறகு கருத்து சுதந்திரம் என்று பேசி அதன் மூலம் படத்தை விளம்பரப் படுத்தி கொள்வதும் நல்ல கலைஞனுக்கு அழகல்ல.

யார் மனதையும் காயப்படுத்தி திரைப்படம் எடுப்பதை நிறுத்தி கொள்ள வேண்டும். டாம் 999 மற்றும் மெட்ராஸ் கபே போன்ற திரைப்படங்கள் ஏன் தமிழகத்தில் தடை செய்யப்பட்டுள்ளது என்பதை படைப்பாளி புரிந்து கொள்ள வேண்டும். எனவே முஸ்லிம்களின் உணர்வுகளுக்கு மதிப்பளித்து ‘விஸ்வரூபம்2’ திரைப் படத்தில் முஸ்லிம்களை காயப்படுத்தும் காட்சிகள் இல்லாதவாறும் சமூக ஒற்றுமையை பறைசாற்றும் விதமாகவும் திரைப்படத்தை எடுத்து காயப்பட்டுள்ள இஸ்லாமியர்களின் நெஞ்சங்களில் மருந்து தடவ வேண்டும் என்று கமலஹாசனை இந்திய தேசிய முஸ்லிம் லீக் சார்பாக கேட்டுக்கொள்கிறோம்.

இவ்வாறு அந்த அறிக்கையில் கூறப்பட்டுள்ளது.

விஸ்வரூபம் மாதிரி இரண்டாம் பாகத்தையும் இவர்களே வெற்றியின் படிக்கட்டில் ஏற்றிவிடுவார்கள். கமல்ஹாசனுக்கு கவலையில்லை.

வெப்துனியா

ராஜு சரவணன் · ராஜு சரவணன் Fri Sep 06, 2013 3:53 pm

முஸ்லீம் நண்பர்கள் பிரச்சனை செய்தாலும்/செய்யாவிட்டாலும் படம் என்னவோ பாக்ஸ் ஆஃபிஸ் தான் தல புன்னகை

வேண்டுமெனில் இப்படி சொல்லலாம் தல, விஸ்வரூபதை வைத்து தங்கள் கட்சியின் பெயருக்கு விளம்பரம் தேடிக்கொள்வார்கள் என்று... புன்னகை

அய்யோ நான் வருகிறேன் ... வேலை இருக்கு அய்யோ, நான் இல்லை

**சிவா** · **சிவா** Fri Sep 06, 2013 3:56 pm

ராஜு சரவணன் wrote:முஸ்லீம் நண்பர்கள் பிரச்சனை செய்தாலும்/செய்யாவிட்டாலும் படம் என்னவோ பாக்ஸ் ஆஃபிஸ் தான் தல

வேண்டுமெனில் இப்படி சொல்லலாம் தல, விஸ்வரூபதை வைத்து தங்கள் கட்சியின் பெயருக்கு விளம்பரம் தேடிக்கொள்வார்கள் என்று...

அய்யோ நான் வருகிறேன் ... வேலை இருக்கு

ஹலோ பாஸ், என்னவோ சொல்ல வந்தீங்க.. முழுசா சொல்லிட்டு போங்க...!!!