தமிழை வழக்காடு மொழியாக அறிவிக்க வலியுறுத்தி நீதிமன்ற புறக்கணிப்பு

**சாமி** · **சாமி** Fri Sep 06, 2013 8:18 am

சென்னை உயர் நீதிமன்றத்தில் தமிழை வழக்காடு மொழியாக அறிவிக்க மத்திய அரசை வலியுறுத்தி வழக்குரைஞர்கள் வெள்ளிக்கிழமை நீதிமன்ற புறக்கணிப்புப் போராட்டத்தில் ஈடுபடுகின்றனர்.

கடந்த 2006-ஆம் ஆண்டு தமிழக பேரவையில் சென்னை உயர் நீதிமன்றத்தில் தமிழை வழக்காடு மொழியாக அறிவிக்க வேண்டும் என தீர்மானம் நிறைவேற்றப்பட்டு குடியரசுத் தலைவருக்கு அனுப்பப் பட்டது.

ஆனால் தமிழக சட்டப் பேரவையின் தீர்மானத்தை மத்திய அரசு, குடியரசுத் தலைவரின் ஒப்புதலுக்கு அனுப்பாமல், உச்ச நீதிமன்றத்திடம் கருத்து கேட்டு அனுப்பியது. அதில், தமிழை சென்னை உயர் நீதிமன்றத்தின் வழக்காடு மொழியாக ஆக்க வேண்டாம் என உச்ச நீதிமன்றம் கருத்து தெரிவித்தது.

இந்த நிலையில் வழக்குரைஞர்கள் வெள்ளிக்கிழமை நீதிமன்ற புறக்கணிப்பு போராட்டம் நடத்தவுள்ளனர். சென்னை உயர் நீதிமன்ற மதுரை கிளை வழக்குரைஞர்கள் சங்கம், சென்னை பார் அசோசியேசன், பெண் வழக்குரைஞர்கள் சங்கம், தமிழ்நாடு வழக்குஞைர்கள் சங்கம் உள்பட அனைத்து சங்கங்களும் இந்தப் போராட்டத்தில் ஈடுபடுகின்றனர்.

ராஜு சரவணன் · ராஜு சரவணன் Fri Sep 06, 2013 9:28 am

இது போன்ற நிகழ்வுகளை அன்றாடம் பார்க்கும் தமிழன் எப்படி தமிழ் மீது மரியாதை வரும். தன் பிள்ளைகளை தமிழ்வழி கல்வியில் சேர்த்து விடுவான்.இதுபோன்ற ஒவ்வொரு விசயங்களுக்கு தமிழ் மீதான தமிழரின் பார்வைகள் கூடவோ/குறையவோ வாய்ப்புண்டு

சொல்லப்போனால் தமிழ் அழிவது தமிழுக்கு மாநாடு போடும் அரசால் மட்டுமே.தீர்மானம் மட்டும் போட்டால் போதுமா.எத்தனை தீர்மானங்கள் இன்னும் பார்க்கப்படாமல் இருக்கிறது.

எவ்வளவு வருடங்களாக இந்த கோரிக்கை அறிவுறுத்தப்பட்டு வந்துள்ளது. இன்னமும் அரசு இதற்க்குறிய வேலைகளில் இறங்கவில்லை என்றால் அரசு தமிழ் பற்றி பேசுவதெல்லாம் நடிப்பு தானே.

தமிழை வழக்காடு மொழியாக அறிவிக்க வலியுறுத்தி நீதிமன்ற புறக்கணிப்பு

தமிழை வழக்காடு மொழியாக அறிவிக்க வலியுறுத்தி நீதிமன்ற புறக்கணிப்பு

Re: தமிழை வழக்காடு மொழியாக அறிவிக்க வலியுறுத்தி நீதிமன்ற புறக்கணிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக