‘நண்பன்’ படத்தால் விஷாலுக்கு வந்த சிக்கல்? : தடைகளைத் தாண்டி வரும் ‘மதகஜராஜா’!!!

விஜய்யின் ‘நண்பன்’ படம் ஒரு தோல்விப்படம் என்றால் உங்களால் நம்ப முடிகிறதா..?

ஆனால் நம்பித்தான் ஆக வேண்டும். அந்தப்படம் சந்தித்த அதிக பண இழப்பால் விஷாலின் ‘மதகஜராஜா’ கடைசி நேர ரிலீஸ் சிக்கலில் மாட்டிக்கொண்ட சமாச்சாரம் தற்போது வெளிச்சத்துக்கு வந்துள்ளது.

‘சத்யம்’ படத்திலிருந்து தொடர் தோல்விகளை சந்தித்து வரும் விஷாலுக்கு எப்படியாவது ஒரு கமர்ஷியல் ஹிட் கொடுத்தாக வேண்டிய கட்டாயம் ஏற்பட்டுள்ளது. அதனால் மினிமம் கியாரண்டி டைரக்டர்களுடன் கைகோர்த்து வரும் அவர் அப்படி புதிதாக கை கோர்த்த டைரக்டர் தான் சுந்தர்.சி.

சுந்தர்.சி யின் சமீபகால படங்கள் அடுத்தடுத்து ஹிட்டாகி வருவதால் அவருடைய டைரக்‌ஷனில் ‘மதகஜராஜா’ படத்தில் கமிட்டானார் விஷால். பல மாதங்களுக்கு முன்பு பிரபல தயாரிப்பு நிறுவனமாக ஜெமினி பிலிம் சர்க்யூட் மிகவும் சைலண்ட்டாக ஆரம்பித்த இந்தப்படம் இடையில் பல பொருளாதார சிக்கல்களை சந்தித்தது. சிக்கல்களுக்கும் மத்தியிலும் படப்பிடிப்பு முடிந்தது.

ஏற்கனவே ‘சமர்’ படத்தில் இதுபோன்ற ஒரு சிக்கலை சந்தித்த விஷால் உடனே ‘மதகஜராஜா’ படத்தை தனது விஷால் பிலிம் பேக்டர் கம்பெனி மூலம் வாங்கி ரிலீஸ் செய்யத் தயாரானார்.

“நான் விளையாட்டாக டைரக்ட் செய்த படங்கள் கூட எந்த சிக்கலும் இல்லாமல் ரிலீஸாகி விட்டது. ஆனால் நான் உண்மையிலேயே உயிரைக் கொடுத்து உழைத்த ‘மதகஜராஜா’ படம் சிக்கலில் மாட்டிக்கொண்டது. என்று கூட சமீபத்தில் இந்தப்படத்தின் பிரஸ்மீட்டில் வருத்தப்பட்டார் டைரக்டர் சுந்தர்.சி

என்றாலும் விஷால் வாங்கி விட்டதால் செப் 6-ஆம் தேதி ‘மதகஜராஜா’ ரிலீஸாகும் என்று அதிகாரப்பூர்வமாக அறிவிக்கப்பட்டது.



தமிழ், தெலுங்கு, மலையாளம் கன்னடம் என 4 தென்னிந்திய மொழிகளில் ரிலீஸாவதால் இந்தப்படத்தை மற்ற மொழிகளில் விளம்பரப்படுத்தவும் விஷால் திட்டமிட்டு அதற்காக ஏற்பாடுகளை செய்திருந்தார்.

அப்படித்தான் இந்தப்படத்தின் மலையாள வெர்ஷனை விளம்பரப்படுத்த திட்டமிட்ட விஷால் அதற்கான பிரஸ்மீட் உட்பட எல்லா ஏற்பாடுகளையும் சில தினங்களுக்கு முன்பு கேரளாவில் செய்திருந்தார். ஆனால் இடையில் என்ன ஆனதோ? திடீரென்று அந்த ப்ரஸ்மீட் கேன்சல் செய்யப்பட்டது.

ரிலீஸ் நேரத்தில் என்ன மறுபடியும் சிக்கல் என்று விசாரித்தில் ஜெமினி பிலிம் சர்க்யூட் நிறுவனத்துக்கு எதிராக வினியோகஸ்தர்கள் போர்க்கொடி தூக்கி விட்டார்களாம்.

ஆமாம் ஜெமினி பிலிம் சர்க்யூட் ரிலீஸ் செய்த ஷங்கரின் நண்பன், மணிரத்னத்தின் கடல் ஆகிய இரண்டு படங்களாலும் மிகப்பெரிய அளவில் பண இழப்பை சந்தித்ததால் மேற்படி இரண்டு படங்களையும் ஜெமினி நிறுவனத்திடமிருந்து வாங்கிய வினியோகஸ்தர்கள் அந்த இழப்பை சரிகட்டினால் தான் ‘மதகஜராஜா’ படத்தை ரிலீஸ் செய்ய விடுவோம் என்று திடீரென பிரச்சனை பண்ண ஆரம்பித்து விட்டார்களாம்.

இதனால் அதிர்ச்சியடைந்த விஷால் கேரளாவில் நடத்த இருந்த பிரஸ்மீட்டை கேன்சல் செய்து விட்டு அவசரம் அவசரமாக சென்னை வந்து விடிய விடிய உட்கார்ந்து விநியோகஸ்தர்களிடம் கெஞ்சிக் கூத்தாடி பிரச்சனையை பேசித் தீர்த்தாராம்.

இதனால் திட்டமிட்டபடி எந்த தடங்களும் இல்லாமல் நாளை மறுநாள் 6-ஆம் தேதி ‘மதகஜ ராஜா’ 800- தியேட்டர்களில் ரிலீஸாகிறது.

ச்சே… ஹீரோன்னா இப்படித்தான் இருக்கணும் போல…

Soundcameraaction

3இடியட்ஸ் படத்தை எந்தவித மாற்றமும் இல்லாமல் தந்ததுதான் நண்பனின் தோல்விக்குக் காரணம்! ஏன்னா நாங்க இந்திப் படங்களும் பார்க்கிறோம்ல!

சிவா wrote:3இடியட்ஸ் படத்தை எந்தவித மாற்றமும் இல்லாமல் தந்ததுதான் நண்பனின் தோல்விக்குக் காரணம்! ஏன்னா நாங்க இந்திப் படங்களும் பார்க்கிறோம்ல!

  

விஜய் படம் தோல்வியா?

அசுரன் wrote:விஜய் படம் தோல்வியா?

 
உங்களுக்கு சந்தோஷம் தானே

சினிமா உலகில் பல புதிய பிரச்சனைகள் உருவாகிறதே இதை தடுக்க வழியே இல்லையா ?