முரண்

**பார்த்திபன்** · 24/07/2011

நாற்றாக இருந்தபோது
நனைக்க வராத மழை
காயவைத்த நெல்மீது
கவனமாகப் பெய்கிறது!

புழுக்கத்தின்போது புறக்கணித்த காற்று
தாவணிப் பெண்களைக் கடக்கையில்
தவறாமல் தலை கலைக்கிறது!

பொங்கும் பாலில் விழுந்தும்
பொய்க்காமல் ஓடிய கைக்கடிகாரம்
அழகுப் பெண்கள் மணி கேட்கையில்
அசையாமல் நின்று அசிங்கப்படுத்துகிறது!

அமாவாசையன்று சோறு வைத்து
அழைத்தபோது வராத காகம்
ஆயிரம்பேர் பார்கையில் வந்து
ஆடைமேல் எச்சமிடுகிறது!

மாதாமாதம் நடக்கும் திருட்டின்போது
மருந்துக்கும் வாய்திறவாத நாய்கள்,
கூர்க்கா வந்துபோகும்போது
குலை நடுங்கக் குறைக்கின்றன!

அழுக்குச் சட்டை போட்டு நடக்கையில்
அமைதியாய் கடக்கும் வாகனங்கள்
வெள்ளைச்சட்டை போடும் நாட்களில்
வேகமாய் வந்து சேறடிக்கின்றன!

விடுமுறை நாட்களில்
விடிய விடிய வராத உறக்கம்
பரீட்சை நாட்களில்
பத்து மணிக்கு முன்னரே
வந்துவிடுகிறது!

படிக்கும்போது பலருக்கும்
விளக்கிய விடைகள்
பரீட்சையின்போது
பாதியில் மறக்கிறது!

நேர்முகத் தேர்வில்
கோர்வையாக வராத ஆங்கிலம்
மது விருந்திபோது
மட மடவென வருகிறது!

காகிதம் பேனாவோடு
கடற்கரையில் அமர்ந்தபோது
வராத கவிதை
கட்டணக் கழிப்பறையில்
கட கடவென வருகிறது!

எண்ணையில் நனைத்த எருவானாலும்
ஏழாவது தீக்குச்சியில்
பற்றும் நெருப்பு
ஏழையின் கூரையில் மட்டும்
எளிதில் பற்றிவிடுகிறது!

- நிலவை.பார்த்திபன்

17/02/2013

எண்ணையில் நனைத்த எருவானாலும்
ஏழாவது தீக்குச்சியில்
பற்றும் நெருப்பு
ஏழையின் கூரையில் மட்டும்
எளிதில் பற்றிவிடுகிறது!
இந்த வரிகள் அருமை அன்பரே
தொடருங்கள்

**ஜாஹீதாபானு** · **ஜாஹீதாபானு** Wed Sep 04, 2013 1:33 pm

பொங்கும் பாலில் விழுந்தும்
பொய்க்காமல் ஓடிய கைக்கடிகாரம்
அழுகுப் பெண்கள் மணி கேட்கையில்
அசையாமல் நின்று அசிங்கப்படுத்துகிறது!

சிரித்துவிட்டேன்
அனைத்தும் முரணும் சூப்பர் ரசித்தேன் வி.பொ.பா

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

பாலாஜி · பாலாஜி Wed Sep 04, 2013 1:35 pm

முரண் பற்றிய உங்களின் கவிதை அருமை..... முரண் 3838410834

யினியவன் · யினியவன் Wed Sep 04, 2013 1:45 pm

முரண்கள் உங்கள் கவிவரிகளில் சரண்

பூவன் · பூவன் Wed Sep 04, 2013 1:48 pm

அனைத்தும் அருமை நண்பரே ...

**பார்த்திபன்** · 24/07/2011

பாராட்டிய அன்பு நெஞ்சங்கள் செம்மொழியான் பாண்டியன், ஜாகீதாபானு, பாலாஜி, யினியவன் மற்றும் பூவன் ஆகியோருக்கு என் உளமார்ந்த நன்றிகள்! முரண் 1571444738

ராஜு சரவணன் · ராஜு சரவணன் Fri Sep 06, 2013 7:57 am

அழகு பாஸ். கலக்கு கலக்குன்னு கலக்குறீங்க போங்க புன்னகை

விரும்பினேன்

**பார்த்திபன்** · 24/07/2011

ராஜு சரவணன் wrote:அழகு பாஸ். கலக்கு கலக்குன்னு கலக்குறீங்க போங்க

விரும்பினேன்

நன்றி தோழரே! முரண் 1571444738

Sponsored content · Sponsored content

முரண்

முரண்

Re: முரண்

Re: முரண்

Re: முரண்

Re: முரண்

Re: முரண்

Re: முரண்

Re: முரண்

Re: முரண்

Re: முரண்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக