என் பேருந்துப் பயணத்தில்...!!! (Mano Red )

Mano Red · Mano Red Thu Aug 29, 2013 4:38 pm

First topic message reminder :

விண்வெளி ஓடத்தில் பறப்பதாய்
பகல்நேரக் கனவு,
நெரிசலிலும் தாயின் இடுப்பில் குழந்தை..!!

கூடுவிட்டு கூடு பாய
இடை தடையேதும் இல்லை,
வெக்கத்தில் நாளைய காதலர்கள்..!!

எந்த ஆட்சி மாறினால் என்ன
சன்னலோர இருக்கை பெற்ற வெற்றியில்,
மிதப்புடன் வெற்றிலை தாத்தா..!!

வேருக்கு வழிவிட்டு
ஒதுங்கி நின்றது கிளை,
முதியவருக்கு இருக்கை தந்த இளைஞன்..!!

செங்காந்தல் பூவை
சாக்கடை நனைக்க பார்க்கிறது,
பெண் பின்னால் நிற்கும் பொறம்போக்கு..!!

வட்டி கட்ட முடியாமல்
சில்லறையாய் சிரிக்கும்,
பகுதி நேர பணக்கார நடத்துனர்..!!

எமனுடன் போராட்டத்தில்
மருத்துவமனையில் மனைவி,
அவசரமில்லாத அதிசய ஓட்டுனர்..!!

தொலைக்காட்சி தொடரை
தவற விட்ட வருத்தம்,
பதட்டத்தில் குடும்பத் தலைவி..!!

அந்நிய முதலீடுகள் அனைத்தும்
விரைவில் பிச்சை கேட்கும்,
பாட்டியின் முறுக்கு வியாபாரம்..!!

குப்பையாக்கப்பட்ட உலகம் காண
புதுவரவாய் ரோஜா செடி,
மகிழ்ச்சியில் கர்ப்பிணிப் பெண்..!!

அமர இருக்கை வேண்டி
இறைவனிடம் நீண்ட தவம்,
நேர்முகத் தேர்வில் தோற்ற இளைஞன்...!!

இவர்களுடன்,
புதிய உலகத்தில் பயணித்து
பயணிக்க வேண்டிய இடம் மறந்து
மறதியில் மாறித் தவிக்கும் நான்..!!

Mano Red · Mano Red Fri Aug 30, 2013 1:23 pm

ஹா ஹா ....நன்றி மேடம்.....

**ஜாஹீதாபானு** · **ஜாஹீதாபானு** Fri Aug 30, 2013 1:35 pm

Mano Red wrote:ஹா ஹா ....நன்றி மேடம்.....

உங்களுக்கு சிரிப்பா இருக்கு...

தினமும் ஒரு லேடி பஸ்ஸில் ஏறும். ஏறினதும் மற்றவர்களும் சண்டை போடாமல் இறங்காது.

அந்த லேடிக்கு நாங்க சண்டைக் கோழினு பெயர் வச்சிருக்கோம் ஜாலி

Mano Red · Mano Red Fri Aug 30, 2013 1:37 pm

இத வச்சு கூட கவிதை சொல்லலாம் போல.....நல்லா இருக்கு அனுபவம்....

**ஜாஹீதாபானு** · **ஜாஹீதாபானு** Fri Aug 30, 2013 1:58 pm

Mano Red wrote:இத வச்சு கூட கவிதை சொல்லலாம் போல.....நல்லா இருக்கு அனுபவம்....

ஆஃபிசுக்கு போகும் போது ஒரு கவிதை. வரும்போதும் ஒரு கவிதைனு தினமும் எழுதலாம் புன்னகை

Mano Red · Mano Red Fri Aug 30, 2013 2:20 pm

நீங்கள் சொல்வதும் சரியே...தினமும் புது புது மனிதர்களின் சந்திப்பு....

Sponsored content · Sponsored content

என் பேருந்துப் பயணத்தில்...!!! (Mano Red )

என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

Re: என் பேருந்துப் பயணத்தில்...!!! (Mano Red )

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக