டெபுடி டைரக்டரின் துக்கம்

**சிவா** · **சிவா** Wed Aug 28, 2013 3:52 am

டெபுடி டைரக்டர் ஒருத்தர் மிகுந்த தெய்வபக்தி உள்ளவர். பெரிய ஆபீசர். பதவி உயர்வை எதிர்பார்த்துக் கொண்டிருந்தார். அவருடைய தகுதிக்கு அவர் பெயர் நிச்சயம் வரும் என்று நம்பினார். ஒரு வானொலி நிலைய டெபுடி டைரக்டர்.

டெல்லியிலிருந்து ப்ரமோஷன் லிஸ்ட் வந்தது. ஆனால் அவர் பெயர் காணோம். தவிச்சுப் போனார். தூக்கமற்ற இரவுகள்! 'ஐயோ தெய்வம் இப்படி எனக்கு பண்ணிடுத்தே' என்று புலம்பினார். அவருக்கு ஒரு நண்பன். அவன் ஒரு சாமியாரின் சீடன். மடத்து பக்தன். சாமியார்கிட்டே நண்பரை கூட்டிப் போனான். சாமியார் அந்த டெபுடி டைரக்டரைக் கேட்டார்.

சாமியார் : உனக்குத் தெய்வ நம்பிக்கை உண்டா?

அவன் : உண்டு. அதான் வந்திருக்கேன்.

சாமியார் : நீ அப்பாவுக்குப் பணம் அனுபறியா?

அவன் : அப்பா பெரீய மிராசுதார். கோடீஸ்வரர். அவருக்கு நான் அனுப்ப வேண்டியதில்லை. அவர்தான் எனக்கு பண்டிகைகள் சமயம் அனுப் Xபுவார்.

சாமி : பிள்ளைகள் என்ன செய்கிறார்கள்?

அவன் : ஒருத்தன் அமெரிக்காவில் சா·ப்ட்வேர் இஞ்சினியர். இன்னொருத்தி பெண். காலெஜ்லே கோல்ட் மெடலிஸ்ட்.

சாமி : பெண்டாட்டி?

அவன் : மோஸ்ட் ஒபீடியண்ட் வுமன்.

சாமி : சரி. உனக்கென்ன குறை?

அவன் : ப்ரமோஷன்! கடவுள் இப்படிப் பண்ணிட்டாரே.

சாமி : ஊம்! உனக்கு வசதியான அப்பா, கெட்டிக்காரப்பிள்ளை, மகள், குனாவதியான மனைவி.. இதெல்லாம் அமைந்திருக்கிறது. இதெல்லாம் கடவுள் பண்ணலை. உன் ப்ரமோஷனைக் கெடுத்தது மட்டும் அவர் என்று சொல்கிறே? அதுவும் ப்ரமோஷன் இல்லேன்னு யாரும் சொல்லலை. முதல் லிஸ்டிலே பெயர் இல்லை. இரண்டாயிரத்தில் வரக்கூடும்....

தங்களுக்குக் கிடைத்திருக்கும் பாக்கியங்களுக்கெல்லாம் கடவுள் பொறுப்பில்லை. ஏதாவது மட்டும் ஆண்டவன் பொறுப்பு என்று பலர் நினைக்கிறார்கள். அது சரியில்லை.

உபதேசத்தைக் கேட்ட டெபுடி டைரக்டருக்கு மனம் தெளிந்தது. அன்று இரவு நன்றாகத் தூங்கினார்.

(வாரியார் சொற்பொழிவில் கேட்டது.)