அனந்தீஸ்வரர் கோவில்

**சிவா** · **சிவா** Sun Aug 25, 2013 8:17 am

சிதம்பரத்தில் பிரசித்தி பெற்ற அனந்தீஸ்வரர் கோவில் உள்ளது. இக்கோவிலில் அனந்தீஸ்வரர் மூலவராகவும் சோமாஸ்கந்தர் உற்சவராகவும், சவுந்தரநாயகி அம்மனாகவும் அருள்பாலிக்கிறார். இக்கோவில் தீர்த்தம் பதஞ்சலி தீர்த்தமாகும். சுமார் 500 முதல் 1000 ஆண்டுகளுக்கு முன்பு பழமை வாய்ந்த இக்கோவிலில் புராண பெயர் தில்லை வனமாகும்.

சிதம்பரம் நடராஜர் கோவிலுக்கு நேர்பின்புறமாக அமைந்துள்ளது இக்கோவில். கோவிலில் நுழைந்தவுடன் பதஞ்சலி தீர்த்தம் உள்ளது. இத்தீர்த்தத்தின் இடப்புறம் ராஜசண்டிகேஸ்வரர் சன்னதி உள்ளது. பிரகாரத்தில் சூரியன், சந்திரன் உள்ளனர். இக்கோவிலில் உச்சிகால பூஜையை தரிசனம் செய்வது விசேஷமாகும்.

இக்கோவில் காலை 6 மணி முதல் 11.30 மணி வரையும், மாலை 5 மணி முதல் இரவு 8.30 மணி வரையும் நடை திறந்திருக்கும். கோவில் முன் மண்டபத்தில் உள்ள ஒரு தூணில் ஆஞ்சநேயரும், பிரகாரத்தில் கன்னிமூல கணபதி, வள்ளி தெய்வானையுடன் சுப்பிரமணியர், கஜலட்சுமி, சனீஸ்வரர், நவக்கிரகம், பைரவர் ஆகிய சாமிகள் உள்ளது. சிவன் சன்னதி கோஷ்டத்தில் வல்லபை கணபதி, தட்சிணாமூர்த்தி, லங்கோத்பவர், பிரம்மா சாமிகள் உள்ளது.

பதஞ்சலி மகரிஷிக்கு இங்கு தனிசன்னதி உண்டு. பெருமாள் ராமாவதாரம் எடுத்த போது லட்சுமணராக அவதாரம் செய்தவர் பதஞ்சலியே ஆவார். இவரது நட்சத்திரம் பூசம் என்பதால் இந்நாளில் விஷேசபூஜை நடைபெறுகிறது. மார்கழி திருவாதிரை அன்று நடராஜருடன் பதஞ்சலி மகரிஷியும் புறப்பாடாவார்.

இக்கோவில் உள்ள சில தூண்களில் யோகாசனம் முறைகள் குறித்த சிற்பங்கள் வடிவமைக்கப்பட்டுள்ளது மற்றொரு சிறப்பாகும். நாகதோஷத்தல் பாதிக்கப்பட்டோர் தோஷம் நீங்கவும், கல்வி, கலைகளில் சிறந்த இடம் பெறவும் பதஞ்சலியை வணங்குகின்றனர்.

அசுரன் · அசுரன் Sun Aug 25, 2013 9:38 am

புராதண சொத்துக்களான நமது கோவில்களை பார்க்கும்போதே ஒருவித மனஅமைதி ஏற்படும். அருமை.

இந்த பதிவைத் துவங்கியவர் நன்றி கூறியுள்ளார் அசுரன்

**ராஜா** · **ராஜா** Sun Aug 25, 2013 10:31 am

சிறப்பான பகிர்வு தல , எத்தனையோ முறை அந்த வழியாக சென்றுள்ளேன் இப்போ தான் கோவிலை பற்றி தெரிந்துகொண்டேன்

Sponsored content · Sponsored content

அனந்தீஸ்வரர் கோவில்

அனந்தீஸ்வரர் கோவில்

Re: அனந்தீஸ்வரர் கோவில்

Re: அனந்தீஸ்வரர் கோவில்

Re: அனந்தீஸ்வரர் கோவில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக