அண்ணன் என்னடா, தம்பி என்னடா..?? (Mano Red)

Mano Red · Mano Red Tue Aug 20, 2013 5:11 pm

வேறு கிரகம் தேடி
அலைந்து கொண்டிருக்கும்
மனிதா..??
கிரகம் பிடித்தவன் போல்
கிறுக்கு கொண்டு அலையாமல்
இறுதி வரை உடன் வரும் உறவை
கொஞ்சம் தேடிக்கொள்..!!

வயல் வரப்பு பிரச்சனையிலும்
சொத்து தகராறிலும்
முதுகலை பட்டம் பெற்று
மீசை முறுக்கும் நீங்கள்,
உறவுகளை கொண்டாடுவதில்
ஆரம்ப நிலை தேற தவறி விட்டீர்கள்..!!!

அமாவசை காகம் தேடி
அருகில் அமர்ந்து
உணவளிக்கும் மாமனிதர்கள்
வீடு தேடி வரும் உறவை
வாயளவில் வரவேற்று
வரவேற்பறையில் கைகுலுக்கி
அனுப்பி விட்டு சிரிப்பது
என்ன கில்லாடி தனமோ புரியவில்லை..???

உறவுகளுக்குள் உரிமை
இருக்கிறதோ இல்லையோ,
பொய்களும்,புலம்பல்களும்
வக்கிரமும்,வயித்தெரிச்சல்களும்
நிரம்பி பொங்கி வழிகின்றது..!!
பாசம் பல நேரங்களில் பொய்த்து
வேஷம் கட்டவே துடிக்கிறது..!!

சொத்துக்களை கட்டி அழுபவன்
சொந்தபந்தத்தை அறுத்து எறிகிறான்,
தங்கத்திற்கு மதிப்பு கொடுப்பவன்
தங்கமான உறவுகளை மிதிக்கிறான்..!!
பங்கு வர்த்தகம் பேசும் இவனோ
பச்சை தண்ணீர் தர மறுக்கிறான்..!!

ரத்தபாசம் துறந்து வீணா போனவனுக்கு
அண்ணன் என்ன, தம்பி என்ன
எல்லாருமே ஒன்று போல் தெரியும்
கண்ணாடி பேழை காட்சி பொருள் தான்..!!

கயிறு கட்டி உறவு கொண்டாடும்
சில நாட்களோடு மட்டும்
உறவுகள் நின்று விடாமல்,
உயிர் கூட்டி உணர்வு தந்து
இறுதி வரை வர வேண்டும்..!!

பாலாஜி · பாலாஜி Tue Aug 20, 2013 5:18 pm

நல்ல கவிதை .....

இப்ப உள்ள சுழ்நிலை வாடகை வீட்டில் இருப்பவர்களுக்கு உறவினர் அதிகம் வர கூடாது என்று வீடு உரிமையாளர் சொல்லுகிறார் நகரங்களில் உண்மையிலேயே நரகம்தான் .

இந்த பதிவைத் துவங்கியவர் நன்றி கூறியுள்ளார் பாலாஜி

Mano Red · Mano Red Tue Aug 20, 2013 5:19 pm

நன்றி..sir

**ஜாஹீதாபானு** · 16/04/2011

அருமையான வரிகள்

இப்போது யார் வீட்டுக்கு போனாலும் உடனே வீட்டுச் சொந்தக்காரங்க வந்து எட்டிப் பார்த்து எத்தனை பேர் வந்திருக்காங்கனு எண்ணிட்டு போறாங்க ....

Mano Red · Mano Red Wed Aug 21, 2013 11:11 am

உங்களின் அனுபவம் உண்மை தான்....

**பார்த்திபன்** · 24/07/2011

Mano Red wrote:
வயல் வரப்பு பிரச்சனையிலும்
சொத்து தகராறிலும்
முதுகலை பட்டம் பெற்று
மீசை முறுக்கும் நீங்கள்,
உறவுகளை கொண்டாடுவதில்
ஆரம்ப நிலை தேற தவறி விட்டீர்கள்..!!!

சொத்துக்களை கட்டி அழுபவன்
சொந்தபந்தத்தை அறுத்து எறிகிறான்,

கயிறு கட்டி உறவு கொண்டாடும்
சில நாட்களோடு மட்டும்
உறவுகள் நின்று விடாமல்,
உயிர் கூட்டி உணர்வு தந்து
இறுதி வரை வர வேண்டும்..!!

மேற்குறிப்பிட்ட வரிகள் என்னை வெகுவாகக் கவர்ந்தன. நிதர்சனத்தை நிறைய இனிப்பு கலந்து கவிதையாகத் தந்திருக்கீர்கள். பாராட்டுகள். அண்ணன் என்னடா, தம்பி என்னடா..?? (Mano Red) 3838410834

அண்ணன் என்னடா, தம்பி என்னடா..?? (Mano Red) 3838410834

ஹர்ஷித் · ஹர்ஷித் Wed Aug 21, 2013 4:32 pm

நல்ல இருக்கு மனோ.தொடருங்கள் உங்களின் தாக்கங்களை.

Mano Red · Mano Red Wed Aug 21, 2013 4:43 pm

கண்டிப்பாக....

Mano Red · Mano Red Wed Aug 21, 2013 4:44 pm

மிக்க மகிழ்ச்சி பார்த்திபன்...

Sponsored content · Sponsored content

அண்ணன் என்னடா, தம்பி என்னடா..?? (Mano Red)

அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

Re: அண்ணன் என்னடா, தம்பி என்னடா..?? (Mano Red)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக