மோடியும் அமெரிக்காவும்!

khaleel · khaleel Mon 19 Aug 2013 - 13:46

இந்தியாவிலிருந்து ஒரு மாணவர் தனது மேற்படிப்புக்காக அமெரிக்கா செல்ல முடியும்.
தொழிலதிபர் தனது வர்த்தக நோக்கத்திற்காக அமெரிக்கா செல்ல முடியும். விளையாட்டு வீரர் நாட்டின் பெருமையை நிலைநாட்ட அமெரிக்கா செல்ல முடியும்.ஆனால் மூன்றாவது முறையாக குஜராத் முதல்வராக இருக்கும், இன்னும் பாஜகவின் பிரதமர் வேட்பாளராக ஆர்.எஸ்.எஸ்ஸால் முன்மொழியப்படும் மோடி அவர்கள் அமெரிக்கா செல்ல முடியாது.
நாங்கள் அவரை அனுமதிக்க முடியாது என்று அமெரிக்கா ஒருமுறை அல்ல பலமுறை திட்டவட்டமாகக் கூறி வருகிறது. கடைசியாக இரண்டு நாட்களுக்கு முன்புகூட மீண்டும் அதை உறுதிபடுத்தியதை நான் தமிழ் தொலைக்காட்சி செய்தியில் கேட்டேன். ஆனால் அந்தச் செய்தியை மறுநாள் எந்தத் தமிழ் தினசரியும் வெளியிடவில்லை. அது மோடி மீதான பயத்தினாலா அல்லது மோடியின் விளம்பர கம்பெனி தந்த பணத்துக்கு விலைபோனதாலா என்பது தெரியவில்லை. நாம் கேட்டால், அது பத்திரிகை சுதந்திரம் என்பார்கள்.
சரி, இப்போது விசயத்துக்கு வருவோம். மோடியை அமெரிக்கா ஏன் அனுமதிக்கவில்லை? இதற்கு நாம் எவ்வளவு முயன்றாலும் ஒரு வரியில் பதில் சொல்ல முடியாது. கொஞ்சம் விரிவாக அலச வேண்டியுள்ளது.
சில தினங்களுக்கு முன்னர் பிரபல இந்தி நடிகர் சல்மான்கானுக்கு பிரிட்டன் விசா மறுக்கப்பட்டது. அதற்கான காரணம், சாலை விபத்தில் ஒருவர் உயிரிழக்க காரணமாக சல்மான்கான் இருந்தார். அந்த வழக்கு நீதிமன்றத்தில் நடந்து வருகிறது. அது எந்த நேரமும் இறுதிக் கட்டத்தை அடையலாம். இப்படி ஒரு குற்றப் பின்னணியில் இருக்கிறார். மேலும் சமீபத்தில் மும்பை குண்டுவெடிப்பு வழக்கில் நடிகர் சஞ்சய்தத் 3.5 ஆண்டுகள் கடுங்காவல் தண்டனை அனுபவிக்கின்றார். இந்தப் பீதியில் சல்மான்கான் இருக்கலாம். இந்தக் காரணங்களால் அவர் பிரிட்டனில் தலைமறைவாகிவிட்டால், குற்றவாளிக்குத் தஞ்சம் அளிப்பதாக இந்தியா குற்றம் சாட்டும். இதனால் இருநாட்டின் சகஜ நிலை பாதிக்கும் என்ற தொலைநோக்கு சிந்தனையே சல்மான்கானுக்கு விசா மறுப்பு.
இதைப்போன்று பல மடங்கு தீவிரமான பிரச்சனை மோடியுடையது. ஆட்சி அதிகாரத்தைப் பயன்படுத்தி ஒரு குறிப்பிட்ட சமுதாயத்தை நோக்கி கொலைவெறித் தாக்குதல் நடத்தி பல ஆயிரம் பேரைக் கொன்ற, பல ஆயிரம் கோடி மதிப்புள்ள பொருள்களைச் சூறையாடி துவம்சம் செய்த மெகா குற்றப் பின்னணி மோடியுடையது. இப்படியிருக்க, அமெரிக்கா ஒரு சுதந்திர ஜனநாயக நாடு, தனது நாட்டின் பாதுகாப்பு கருதி எதையும் செய்ய அதற்கு உரிமை உள்ளது. இந்திய ஜனாதிபதியையே பாதுகாப்புக் கருதி சோதனை என்ற நோக்கில் அசிங்கப்படுத்தியதை இந்தியா என்றும் மறக்காது. அப்படிப்பட்ட அமெரிக்கா, ஒரு மெகா குற்றப் பின்னணி கொண்ட மனிதரை அனுமதிப்பதால் ஏதாவது அசம்பாவிதம் ஏற்பட்டுவிட்டால் என்ற தொலைநோக்கு சிந்தனையே மோடிக்கான விசா மறுப்பு.
இந்த மோடி சிறந்த நிர்வாகி, பேச்சாளர் என்றெல்லாம் சொல்லப்படுகின்றது. அப்படிப்பட்ட ஒருவரை ஒரு தனியார் தொலைக்காட்சி ஓடை நேர்காணலுக்கு அழைத்தது. அங்கு தனக்கு சூனியம் வைக்கப் போகிறார்கள் என்று அறியாத மோடி பெருமையாக அங்கு அமர்ந்தார்.
நிகழ்ச்சியில் நிருபர் மோடியைப் பார்த்து குஜராத் கலவரம் தொடர்பாக தன்னிலை விளக்கம் கேட்டார். அந்த நிமிடம் மோடி திக்கித் திணறி, விக்கி தண்ணீர் குடித்து பேட்டியைப் பாதியில் நிறுத்தி ஓடிப்போனதை நாடே பார்த்தது. ஏன் அமெரிக்காவும் பார்த்திருக்கலாம். இப்படி ஒரு அவமானத்துக்குப் பேர் பெற்ற மோடி பிரதமர் மன்மோகன் சிங்கை விவாதத்துக்கு அழைப்பது அடக்கமுடியா சிரிப்பை வர வைக்கிறது.
இந்த மோடி பிரதமராகவே ஆனாலும் அமெரிக்கா செல்ல முடியாது. ஏன் தெரியுமா? அமெரிக்க விசா பெற அமெரிக்கா வைக்கும் நிபந்தனை, நீதிமன்றத்தில் எந்த வழக்கும் நிலுவையில் இல்லாத நிரபராதியாக இருக்க வேண்டும். இவர் பிரதமரானால் நீதிமன்றத்தில் வழக்கு இல்லாமல் போய்விடுமா என்ன? பாபர் மசூதியை இடிக்க கரசேவைக்குத் தலைமை தாங்கினார் என்ற ஒரே குற்றப் பின்னணியை கொண்ட அத்வானி பிரதமர் வேட்பாளராக நிறுத்தப்பட்டு அந்தக் கட்சி படுதோல்வி அடைந்தது. இன்று நாட்டின் ஒரு சமுதாயமே வெறுக்கும் நபராகவும், வல்லரசு அமெரிக்கா புறக்கணிக்கும் நபராகவும் இருக்கும் மோடியும் அவர் சார்ந்து இருக்கும் கட்சியும் ஒருமுறை அல்ல பலமுறை சிந்திக்க வேண்டும். இக்கட்டுரையின் இறுதியாக கவிஞர் அல்லாமா இக்பால் அவர்களின் வைர வரிகளை நினைவுகூறி நிறைவு செய்கிறேன்.
"நீங்கள் எது ஒன்றுக்கும் ஆசைப்படுவதற்கு முன் அதற்கு உங்களை நீங்கள் தகுதியாக்கிக் கொள்ளுங்கள்”
@ inneram.com 18.08.2013

DERAR BABU · DERAR BABU Mon 19 Aug 2013 - 13:58

பிரதமர் ஆகிவிட்டால் அமரிக்காவின் அந்தர்பல்டியை அப்போது பார்க்கலாம் .

**பார்த்திபன்** · 24/07/2011

நல்ல கட்டுரை. சூப்பருங்க

shenbagakumar · shenbagakumar Mon 19 Aug 2013 - 19:59

அனைத்து முஸ்லிம் நாட்டு மக்களையும் தீவிரவாதிகள் போல பாவிக்கும் அமெரிக்காவா நம் நாட்டு தலைவர்களுக்கு விசா தர மறுக்கிறது ..கேவலம்.................
..சேகுவேரா ஒருவரே அமெரிக்காவின் நரித்தன வேலையை அறிவார் .........

**ரா.ரமேஷ்குமார்** · 23/01/2011

மோடி பிரதமரான பின் மாறும் அமெரிக்காவின் முகமூடி அந்தநாள் இன்னும் வெகு தொலைவில் இல்லை...அமெரிக்கர்கள் புறக்கணித்தால் இந்தியர்களாகிய நாமூம் புறக்கணிக்க வேண்டும் என்று இருக்கிறதா...

வல்லரசு அமெரிக்கா புறக்கணிக்கும் நபராகவும் இருக்கும் மோடியும் அவர் சார்ந்து இருக்கும் கட்சியும்

**SajeevJino** · **SajeevJino** Tue 20 Aug 2013 - 0:06

நாளை வந்து அமெரிக்க எதிர்ப்பாளர்களுக்கு பதில் கூறுகிறேன்

**பார்த்திபன்** · 24/07/2011

ரா.ரமேஷ்குமார் wrote:மோடி பிரதமரான பின் மாறும் அமெரிக்காவின் முகமூடி அந்தநாள் இன்னும் வெகு தொலைவில் இல்லை...அமெரிக்கர்கள் புறக்கணித்தால் இந்தியர்களாகிய நாமூம் புறக்கணிக்க வேண்டும் என்று இருக்கிறதா...

வல்லரசு அமெரிக்கா புறக்கணிக்கும் நபராகவும் இருக்கும் மோடியும் அவர் சார்ந்து இருக்கும் கட்சியும்

மோடியைப் புறக்கணிப்பதற்கான காரணமும் தேவையும் அமெரிக்காவைக் காட்டிலும் நமக்குத்தான் அதிகம் இருக்கிறது. இதன் அடிப்படையைப் புரிந்துகொள்பவர்கள் மோடியத் தூக்கிப் பிடிக்க மாட்டார்கள்.

**Muthumohamed** · **Muthumohamed** Tue 20 Aug 2013 - 13:11

பார்த்திபன் wrote:
ரா.ரமேஷ்குமார் wrote:மோடி பிரதமரான பின் மாறும் அமெரிக்காவின் முகமூடி அந்தநாள் இன்னும் வெகு தொலைவில் இல்லை...அமெரிக்கர்கள் புறக்கணித்தால் இந்தியர்களாகிய நாமூம் புறக்கணிக்க வேண்டும் என்று இருக்கிறதா...

வல்லரசு அமெரிக்கா புறக்கணிக்கும் நபராகவும் இருக்கும் மோடியும் அவர் சார்ந்து இருக்கும் கட்சியும்
மோடியைப் புறக்கணிப்பதற்கான காரணமும் தேவையும் அமெரிக்காவைக் காட்டிலும் நமக்குத்தான் அதிகம் இருக்கிறது. இதன் அடிப்படையைப் புரிந்துகொள்பவர்கள் மோடியத் தூக்கிப் பிடிக்க மாட்டார்கள்.

மோடி பிரதமர் ஆவது என்னமோ எனக்கு பகல் கணவாகவே தெரிகிறது

**ரா.ரமேஷ்குமார்** · 23/01/2011

யாராக இருந்தாலும் அவர்களுக்கு அதரவாக சிலரும் எதிராக சிலரும் இருப்பார்கள்...சிலரிடம் சில பிடிக்கும் சில பிடிக்காது அது போல் எனக்கு மோடியை பிடித்திருக்கிறது... புன்னகை

பாலாஜி · பாலாஜி Tue 20 Aug 2013 - 19:39

Muthumohamed wrote:
பார்த்திபன் wrote:
ரா.ரமேஷ்குமார் wrote:மோடி பிரதமரான பின் மாறும் அமெரிக்காவின் முகமூடி அந்தநாள் இன்னும் வெகு தொலைவில் இல்லை...அமெரிக்கர்கள் புறக்கணித்தால் இந்தியர்களாகிய நாமூம் புறக்கணிக்க வேண்டும் என்று இருக்கிறதா...

வல்லரசு அமெரிக்கா புறக்கணிக்கும் நபராகவும் இருக்கும் மோடியும் அவர் சார்ந்து இருக்கும் கட்சியும்
மோடியைப் புறக்கணிப்பதற்கான காரணமும் தேவையும் அமெரிக்காவைக் காட்டிலும் நமக்குத்தான் அதிகம் இருக்கிறது. இதன் அடிப்படையைப் புரிந்துகொள்பவர்கள் மோடியத் தூக்கிப் பிடிக்க மாட்டார்கள்.

மோடி பிரதமர் ஆவது என்னமோ எனக்கு பகல் கணவாகவே தெரிகிறது

மோடியை முன்னிறுத்தி ப.ஜ.க தேர்தலை சந்தித்தால் நிச்சயம் மோடி தான் பிரதமர் ...அப்படி நடக்கவில்லை என்றால் தொங்கு பாராளுமன்றம்தான்

Sponsored content · Sponsored content

மோடியும் அமெரிக்காவும்!

மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

Re: மோடியும் அமெரிக்காவும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக