இது விமர்சனம் அன்று...

First topic message reminder :

ஆதலால் காதல் செய்வீர்….

காமெடி கூட்டத்திற்கு நடுவே வெகு கம்பீரமாய் கதையை மட்டுமே நம்பி வந்திருக்கும் படம். 
அம்மா இறந்ததைக்கூட “ஹாஹா….எங்க ஆத்தா செத்துட்டா மச்சி….பீர் வுடலாம் வா மச்சி…” என்று சிரித்துக்கொண்டே சொன்னால்தான் இன்றைய காமெடி டிரெண்டில் படம் கல்லா கட்டும் என்று வெகு தயாரிப்பாளர்களும் இயக்குனர்களும் நம்பித் திரியும் காலகட்டத்தில் அவர்கள் கன்னத்தில் அறையும் உணர்ச்சி-உணர்வுகள் பேசும் படம் இது. 

எடுப்பு-தொடுப்பு-முடிப்பு என்ற ரீதியில் எல்லாம் காட்சிகள் சமைத்தால் அவ்வளவுதான்.
மக்கள் மறுதலிப்பார்கள்.வந்தது போனது போல காட்சிகள் வைக்க வேண்டும் என்று மவுடீக மனம் கொண்டோர் பேசும் வேளையில் காட்சிகள் ஒவ்வொன்றும் ஒரு சிறுகதைபோல்
இருக்க வேண்டும் என்பதே எப்போதும் ஈர்க்கும் என்ற திரைக்கதை அமைப்பைக் கொண்டு காமெடி டிரெண்டை போட்டு உடைத்துப் பொளக்கும் படம்.சுசீந்திரன் உள்ளிட்ட மூவர் குழு திரைக்கதைக் குழுவிற்கு வாழ்த்துகள். 

வர்த்தக ரீதியாகப் பார்த்தால் பி அண்ட் சி எனப்படும் ஏரியாக்களில் எப்படிப் போகும் என்று தெரியாவிட்டாலும் ஏ சென்டர் ஏரியாக்களில் ஏகபோக அறுவடை செய்யும் என்பதில் ஐயமில்லை.
காதல் குழைத்த காமம் போய் காதல் துடைத்த காமம் மேலோங்கியிருக்கும் இன்றைய நடப்புச் சொல்லும் இயல்பான களம்கொண்ட கதை இது. 

சுசீந்திரன் படங்களில் இது மாற்று வரிசையில் தனித்து நிற்கும் படம் என்பது என் தனிப்பட்ட கருத்து.அதற்கு அடித்தளம் தந்த மூலக்கதை லெனின் பாரதிக்கு மூச்சுமுட்ட சுமந்து வந்து ஒரு பூங்கொத்து தரவேண்டும்.  

அதிலும் அந்த இறுதிக்கட்ட காட்சியில் குழந்தையை வைத்து எடுக்கப்பட்ட பாடல் காட்சி அழத்தெரியாதவன் கண்களிலும் அணை கட்டிவிடும் அற்புதத்தைச் செய்தே தீரும்.அது உறுதி.
அந்தப் பாடல் வரிகள் படைதிரட்டிக்கொண்டு வரும் உணர்ச்சிக் குவியலுக்குள் பார்வையாளர் கூட்டம் புதைந்துபோகும்.

இது எல்லாவற்றையும் இந்த அளவிற்கு உயர்த்திப் பிடிப்பதில் ஓர் உன்னதப் பங்கு ஒளிப்பதிவுக்கு மட்டும் தனியென உண்டு.சூர்யா ஏ.ஆர்.என்ற புதியவராம் ஒளிப்பதிவாளர்.நம்பவே முடியவில்லை.
வண்ணக்கலவையிலாகட்டும்,வைக்கும் ஷாட்டுகளிலாகட்டும் அத்துணை தெளிவு.அத்துணை மெனக்கடல்.தேர்ந்த ஒளிப்பதிவாளருக்குரிய திறமை திமிறிக்கொண்டு திரிகிறது படம் நெடுக.
மிகமிக சீக்கிரமே இந்த ஒளிப்பதிவாளர் மேலே வருவார்.மேன்மை அடைவார் என்பது தெரிகிறது.
ஏராளமான அன்புடன் இதயப்பூர்வமானப் பாராட்டுகள்.:suspect: 

மக்கள் இத்திரைப்பதிவை மரியாதை செய்வர் என்ற நம்பிக்கை மட்டற்று மண்டிக்கிடக்கிறது மனதில். 

நல்ல விமர்சனம் அண்ணா ,

படத்தை தாறுமாறாக எடுத்துள்ளார் இயக்குனர் . தலைப்பை பார்த்தால் காதல் கதை போன்று தோன்றும் .ஆனால் இது காதலின் இன்றைய கோரமுகத்தை வெளிச்சம் போட்டு அப்பட்டமாக காட்டியுள்ளார் இயக்குனர். அவருக்கு முதலில் ஒரு வாழ்த்து.

படம் எதார்த்தமாக செல்ல கடைசியில் நம் கண்களில் தண்ணீரை வரவழைக்கிறது . நானும் அழுது விட்டேன் என்றுதான் சொல்லவேண்டும். இதன் கடைசி பகுதி திருச்சியில் நடைபெறுவது போல் காட்டப்பட்டுள்ளது .உண்மையில் இது அங்கு நடந்திருக்கும் உண்மை சம்பவம் போலதான் தெரிகிறது.

எங்கள் பக்கத்து வீட்டுக்காரர்கள் வெகு ஆண்டுகளாக குழந்தை இல்லாமல் ஒரு பெண் குழந்தையை திருச்சியில் ஒரு ஆசிரமத்தில். தத்து எடுத்து வளர்த்து வருகிறார்கள். அந்த குழந்தையின் தாயின் கதை இந்த படத்தில் வரும் கதாநாயகியின் கதை போன்றதுதான். படத்தில் ஆண் குழந்தை நான் சொல்லும் சம்பவத்தில் பெண்குழந்தைகள் அவ்வளவு தான்.

இயக்குனர் ஆண் குழந்தைக்கு பதில் பெண் குழந்தையை வைத்திருந்தால் இன்னும் படம் பார்ப்பவர்களின் உள்ள பாதிப்பு அதிகமாயிருக்கும்.

காதல் என்பது சுயநலம் இது. 100% சரி என்பதை சொல்லும் சரியான படம். அனைவரும் திரையரங்கில் பார்க்க கேட்டுக்கொள்கிறேன்

ராஜு சரவணன் wrote:
காதல் என்பது சுயநலம் இது. 100% சரி என்பதை சொல்லும் சரியான படம்.

எல்லா காதலும் அல்ல ..எல்லா காதலர்களும் அல்ல

நல்ல விமர்சனம் ரா ரா அண்ணா
  

SajeevJino wrote:

ராஜு சரவணன் wrote:
காதல் என்பது சுயநலம் இது. 100% சரி என்பதை சொல்லும் சரியான படம்.

எல்லா காதலும் அல்ல ..எல்லா காதலர்களும் அல்ல

சரிதான் எல்லா காதலர்களும் சுயநலம் கொண்டவர்கள் அல்ல. இந்த படத்தில் வருவது போன்று பெற்றோறின் பாசத்தால் காதலை விட்டு கொடுப்பவர்களும் உண்டு.

விட்டுகொடுத்தலின் உண்மை நிலையை அந்த ஆண்டவன் தான் அறிவான்