பிரம்மிக்க வைக்கும் சிவன்சமுத்ரா நீர்வீழ்ச்சி !

**krishnaamma** · **krishnaamma** Mon Aug 05, 2013 9:10 pm

கர்நாடக மாநிலம் மாண்டியா மாவட்டத்தில் அமைந்துள்ள மிகப்பெரிய நீர்வீழ்ச்சி சிவன்சமுத்ரா நீர்வீழ்ச்சியாகும். காவிரி கரையோரம் அமைந்துள்ள நீர்வீழ்ச்சிகளில் இது மிகவும் பிரம்மிக்க வைக்கும் நீர்வீழ்ச்சி.

பல மேடு பள்ளங்களை தாண்டி ஆறாக ஓடி வந்து, பாறைகளின் இடுக்கில் சென்று சிக்காமல், நீர்வீழ்ச்சியாக கொட்டும் போது, பாறைகளில் சிக்கிக் கொள்ளாமல் வந்த மகிழ்ச்சியின் காரணமாக ஆர்ப்பரிக்கும் சத்தம் எழும்புகிறதோ என்று எண்ணத் தோன்றும் இந்த நீர்வீழ்ச்சியைக் காணும் போது.

ஆறாக வரும் போது பல கிளைகளாகப் பிரிந்து கொட்டும் போதும் பல்வேறு கிளைகளாகப் பிரிந்து கொட்டுவதால், பல நீர்வீழ்ச்சிகள் இங்கு ஏற்பட்டுள்ளதைக் காண இரண்டு கண்கள் போதாது.

தொடரும்..............

**krishnaamma** · **krishnaamma** Mon Aug 05, 2013 9:11 pm

பிரம்மிக்க வைக்கும் சிவன்சமுத்ரா நீர்வீழ்ச்சி ! W5td

இந்த நீர்வீழ்ச்சியின் அகலம் 305 மீட்டர்களாகும். உயரம் 98 மீட்டர். இங்கு சாதாரணமாக விழும் தண்ணீரின் அளவு வினாடிக்கு 934 கன அடியாகும். இங்கு மழைக் காலங்களில் வினாடிக்கு 18,887 கன அடி நீர் கூட கொட்டுவது வழக்கம். இதன் மற்றொரு சிறப்பம்சம் என்னவென்றால், இது ஆண்டு முழுவதும் கொட்டும் வற்றாத நீர்வீழ்ச்சி என்பதே. இங்கு செல்ல ஏற்ற காலம் ஜூலை முதல் அக்டோபர் வரை.

தொடரும் ................

**krishnaamma** · **krishnaamma** Mon Aug 05, 2013 9:12 pm

பிரம்மிக்க வைக்கும் சிவன்சமுத்ரா நீர்வீழ்ச்சி ! 4q47

இங்கு சுற்றுலாப் பயணிகளை மகிழ்விக்கவும், நீர்வீழ்ச்சியின் அழகை பல விதங்களில் கண்டு ரசிக்கவும் பரிசலும் இயக்கப்படுகிறது. இங்குள்ள நீரில் சுற்றுலாப் பயணிகள் குளித்து மகிழ்கின்றனர்.

காவிரி நதி, இப்பகுதியை அடைவதற்கு முன்பே இரண்டு கிளைகளாகப் பிரிந்து விடுவதால், இங்கு இரண்டு நீர்வீழ்ச்சிகள் உள்ளன. ஒன்று ககனாசுக்கி, மற்றொன்று பரசுக்கி. சிவன்சமுத்ராவில் அமைக்கப்பட்டுள்ள உயர்ந்த கோபுரத்தின் மீது ஏறி பார்த்தால் ககனசுக்கியின் அழகான தோற்றத்தை முழுவதுமாகக் கண்டு ரசிக்கலாம்.

தொடரும்..............

**krishnaamma** · **krishnaamma** Mon Aug 05, 2013 9:14 pm

பிரம்மிக்க வைக்கும் சிவன்சமுத்ரா நீர்வீழ்ச்சி ! Bhu5

சிவன் சமுத்ரா செல்லும் வழி

பெங்களூருவில் இருந்து 120 கி.மீ. தொலைவில் அமைந்துள்ளது சிவன்சமுத்ரா நீர்வீழ்ச்சி. பெங்களூருவில் இருந்து கனகபுரா, மலவள்ளி வழியாக சிவன்சமுத்ராவை அடையலாம்.

மலவள்ளி வரை பல்வேறு இடங்களில் இருந்து பேருந்துகள் இயக்கப்படுகின்றன. அங்கிருந்து குறிப்பிட்ட சில பேருந்துகள் மட்டும் சிவன்சமுத்ரா செல்கிறது. எனினும், வாடகைக்கோ அல்லது சொந்த வாகனத்திலோ செல்வது சிறந்ததாக அமையும்.

தொடரும்..............

**krishnaamma** · **krishnaamma** Mon Aug 05, 2013 9:20 pm

பிரம்மிக்க வைக்கும் சிவன்சமுத்ரா நீர்வீழ்ச்சி ! 1swi

நீர்வீழ்ச்சிக்கு அருகே சில கடைகள் உள்ளன. அவற்றில், குடிநீர், திண்பண்டங்கள் கிடைக்கின்றன. ஆனால் உணவு என்றால் அதனை சுற்றுலாப் பயணிகள் கொண்டு செல்வதே சிறந்தது. இங்கு எப்போதுமே நீர் வற்றாது என்பதால், ஏப்ரல், மே மாதத்திலும் பயணிகள் இங்கு ஏராளமானோர் குவிகின்றனர்.

நன்றி : தினமணி

**மதுமிதா** · **மதுமிதா** Mon Aug 05, 2013 9:22 pm

நேத்து தான் அம்மா என் ஃப்ரெண்ட் போனால்....

**krishnaamma** · **krishnaamma** Mon Aug 05, 2013 9:27 pm

MADHUMITHA wrote:நேத்து தான் அம்மா என் ஃப்ரெண்ட் போனால்....

எப்படி போனா? நல்லா இருந்ததா? எங்கே ஸ்டே பண்ணினா? கொஞ்சம் விவரம் சொல்லுங்கோ மது, நாங்க போகணும் என்று பார்க்கிறோம் புன்னகை

**மதுமிதா** · **மதுமிதா** Mon Aug 05, 2013 9:33 pm

தனிமடல் அனுப்பி இருக்கேன் அம்மா

இந்த பதிவைத் துவங்கியவர் நன்றி கூறியுள்ளார் மதுமிதா

**krishnaamma** · **krishnaamma** Mon Aug 05, 2013 9:35 pm

நன்றி மது, இதோ பார்க்கிறேன் புன்னகை

positivekarthick · positivekarthick Tue Aug 06, 2013 12:07 am

நானும் சென்று இருக்கிறேன் நல்ல இடம் .இப்போது நினைத்தால் கூட ஆனந்தமாக இருக்கிறது .இன்னும் ஒரு விஷயம் மின்சாரம் உற்பத்தி செய்யும் இடத்திர்க்கு அருகே செல்லும் பாக்கியம் எனக்கு கிட்டியது.அதற்க்கு பிரபு என்பவர்க்கு நன்றி சொல்ல கடமை பட்டு இருக்கிறேன்.,