ஓட்டல் உணவுக்கு அடிமை; திருட்டு கரடி சிக்கிய வீடியோ!

**krishnaamma** · **krishnaamma** Mon Aug 05, 2013 7:38 pm

பொதுவாக குழந்தைகள் முதல் பெரியவர்கள் வரையில் ஓட்டலுக்கு சென்று பலவிதமான உணவுகளை ருசித்து சாப்பிடுவது அலாதி பிரியமாகும். இதற்கு விலங்கு கூட விதிவிலக்கல்ல என்ற ஒரு சம்பவம் அமெரிக்காவில் நடந்ததுள்ளது.

கொலோராடோ ஸ்பிரிங் பகுதியில் உள்ள பிரபல ஓட்டலில் மீதமாகும் நவீன சுவையூட்டும் உணவு பொருட்களை தொட்டியில் போட்டு வைத்திருப்பார்கள். அதிகாலையில் பார்த்தால் அந்த தொட்டி கார் பார்க்கிங் பகுதியில் கிடக்கும்.

அதில் வைத்திருந்த உணவு பொருட்கள் மாயமாகி விடும்.பல நாட்களாக இந்த திருட்டு நீடிக்க கண்காணிப்பு கேமராவில் பதிவான காட்சியை போட்டு பார்த்தார்கள். நள்ளிரவு நேரத்தில் கருப்பு நிற கரடி ஓட்டலின் பின்பக்க கதவு அல்லது ஜன்னல் வழியாக புகுந்து உணவு பொருள் தொட்டியை நகர்த்தி வெளியே கொண்டு சென்று உணவுகளை சாப்பிடுவது தெரியவந்தது.

பக்கத்தில் இருக்கும் காட்டில் இருந்து இந்த கரடி வந்திருக்கிறது. சுற்றுலா செல்வோர் வீசி செல்லும் உணவை அது சாப்பிட்டு ருசி பார்த்திருக்கிறது. இதனால் ஓட்டல் உணவு சுவைக்கு அடிமையாகி இந்த கரடி தினமும் இந்த செயலில் ஈடுபட்டு வந்திருக்கிறது. உணவு தொட்டிக்கு இப்போது இரும்பு சங்கிலி போட்டு கட்டி வைக்கப்பட்டுள்ளது.

நன்றி : வெப்துனியா