ஆங்கில வழி வகுப்புகளை திரும்ப பெறக்கோரி சிதம்பரத்தில் தெருமுனைக்கூட்டம்

தமிழகஅரசு பள்ளிகளில் ஆங்கில வழி வகுப்புகளை தொடங்கும் முடிவை திரும்ப பெறக்கோரி தமிழ்க் காப்பணி அமைப்பு சார்பில் சிதம்பரம் மேலவீதி அண்ணாசிலை அருகே, தெற்கு சன்னதி ஆகிய இரு இடங்களில் தெருமுனைக் கூட்டங்கள் நேற்று(செவ்வாய்க்கிழமை) நடைபெற்றன.தமிழ்க் காப்பிணி தலைவர் பேராசிரியர் அழ.பழனியப்பன் தலைமை வகித்தார். தமிழ்த் தேசப் பொதுவுடைமைக்கட்சி தலைமை செயற்குழு உறுப்பினர் நா.வைகறை பங்கேற்று விளக்கவுரையாற்றினார். அவர் பேசியதாவது:

அரசு பள்ளிகளில் ஆங்கில வழிப் பிரிவுகளை தொடங்கும் திட்டத்தை முற்றிலுமாக அரசு கைவிட வேண்டும். ஏற்கனவே தொடங்கப்பட்டுள்ள ஆங்கில வழி வகுப்புகளை தமிழ்வழி வகுப்புகளாக மாற்ற வேண்டும். முதல் கட்டமாக தமிழகத்தில் 1-ம் வகுப்பு முதல் 12-ம் வகுப்பு வரை அரசு மற்றும் தனியார் பள்ளிகளில் தமிழை கட்டாய மொழிப் பாடமாகவும், கட்டாயப் பயிற்று மொழியாகவும் இருக்கும்படி தமிழக அரசு சட்டம் இயற்ற வேண்டும். அரசாணை போடக்கூடாது. தமிழ்வழியில் படித்தவர்களுக்கு வேலைவாய்ப்பில் 80 விழுக்காடும், உயர்கல்வி சேர்க்கையில் 80 விழுக்காடும் இடஒதுக்கீடு வழங்க வேண்டும். கிராமப்புற மாணவர்களுக்கு உயர்கல்வியில் 25 சதவீத ஒதுக்கீடு வழங்கிட சட்டம் இயற்ற வேண்டும். மத்தியஅரசு வேலைக்கான தேர்வுகள் அனைத்தையும் தமிழில் எழுத வாய்ப்பளிக்கவும், கல்வியை மீண்டும் மாநிலஅரசின் அதிகாரப் பட்டியலுக்கு கொண்டு வரவும் மத்தியஅரசை, தமிழகஅரசு வலியுறுத்த வேண்டும் என நா.வைகறை தெரிவித்தார்.

மதிமுக குமராட்சி ஒன்றியச் செயலாளர் ப.ராசாராமன், தமிழக உழவர் முன்னணி குமராட்சி ஒன்றியச் செயலாளர் பொறியாளர் என்.ஜெயபாலன், அண்ணாமலை தமிழ் வளர்ச்சி மன்றத் தலைவர் சி.மதியழகன், சிறுதொழில் முனைவோர் அமைப்பு கதிரவன், அக்னி சிறகுகள் சேவை அமைப்பு ஒருங்கிணைப்பாளர் ஆ.குபேரன் ஆதியோர் கருத்துரையாற்றினர். தமிழ்க் காப்பணி துணைச் செயலாளர் கு.சிவப்பிரகாசம் நன்றி கூறினார்.
நன்றி-தினமணி

சாமி wrote:அரசு மற்றும் தனியார் பள்ளிகளில் தமிழை கட்டாய மொழிப் பாடமாகவும், கட்டாயப் பயிற்று மொழியாகவும் இருக்கும்படி தமிழக அரசு சட்டம் இயற்ற வேண்டும். அரசாணை போடக்கூடாது.

மிகவும் சரி..!    

சிறப்பான பகிர்விற்கு நன்றி சாமி அவர்களே..!!