6 கிலோ மட்டுமே; சுக பிரசவத்தில் பிறந்து சாதனை !

**krishnaamma** · **krishnaamma** Wed Jul 31, 2013 7:09 pm

ஜெர்மனி நாட்டை சேர்ந்த இளம்பெண் சுகபிரசவத்தில் 6 கிலோ எடையுள்ள பெண் குழந்தையை பெற்றுள்ளார்.

அதிக எடை கொண்ட குழந்தையை பிரசவிக்க வேண்டும் என்றால் ‘சிசேரியன்’ ஆபரேஷனை தான் டாக்டர்கள் தேர்வு செய்வார்கள். ஆனால், ஆபரேஷன் செய்துக்கொள்ள விரும்பாத அந்த இளம்பெண் கடந்த சனிக்கிழமை இயல்பான முறையில் 13 1/2 பவுண்ட் (6 கிலோ 110 கிராம்) எடையுள்ள குழந்தையை பிரசவித்தார். இந்த குழந்தைக்கு ஜஸ்லீன் என பெயரிடப்பட்டுள்ளது.

பிறந்த போது அதிக எடை கொண்ட குழந்தையாக ஜெர்மானியர் இதை கருதுகின்றனர்.

இதற்கு முன்னதாக 2011ம் ஆண்டு பெர்லினில் 5.8 கிலோ எடையுடன் பிறந்த ஆண் குழந்தை தான் அதிக எடை கொண்டதாக கருதப்பட்டது. அதற்கு முன்பாக 1879 ல் 10 கிலோ எடையில் ஒரு குழந்தை பிறந்து கின்னஸ் சாதனைப்படித்துள்ளது.

அந்த சாதனையை உலக அளவில் எந்த குழந்தையும் முறியடிக்கவில்லை. ஆனால் தற்போது பிறந்துள்ள ஜஸ்லீன் என்ற இந்த பெண் குழந்தை ஜெர்மனில் அதிக எடையுடன் பிறந்த குழந்தையாக கருதப்படுகிறது.

நன்றி : வெப்துனியா