ரஷ்யாவின் உதவியை மறுத்தததா இந்தியா

**SajeevJino** · **SajeevJino** Wed Jul 31, 2013 6:09 pm

ரஷ்யாவின் உதவியை மறுத்தததா இந்தியா

இரு நாட்களுக்கு முன்பு Indian Express என்னும் ஆங்கில பத்திரிகைக்கு கிடைத்த ஒரு தகவலின் படி சமீபத்தில் உத்திராகண்ட் மாநிலத்தில் ஏற்பட்ட வெள்ளப் பெருக்கில் பாதிக்கப்பட்டவர்களை காக்க ரஷ்யா நாட்டின் அதி வேக விபத்து மற்றும் அவசர நிலை உதவியாளர்கள் 150 பேர் விமானங்கள் மற்றும் மக்களை கண்டுபிடிக்கும் சாதனங்களோடு இந்தியா வர தாயார் நிலையில் இருந்தனர்.. அவர்கள் இந்திய அரசிடம் அனுமதி கேட்ட போது இந்தியாவிடம் இருந்து எந்த ஒரு பதிலும் கிடைக்க வில்லை என்று அந்த நாட்டு விபத்து மற்றும் பேரிடர் அமைச்சகத்தின் மூத்த அதிகாரி கூறியதாக தெரிகிறது.

கடந்த ஏப்ரல் மாதம் இந்தியாவின் உள்துறை அமைச்சரும் ரஷ்யாவின் பேரிடர் துறை அமைச்சகமும் ஒரு ஒப்பந்தததில் கையெழுத்து போட்டது அதன் படி இரு நாட்டிலும் பேரிடர் ஏற்பட்டால் இரு நாடும் பரஸ்பரம் உதவ வேண்டும் என்பதே .ஒப்பந்தம் முடிந்த சில வாரங்களிலேயே உத்திராகண்ட் மாநிலத்தில் வெள்ளத்தினால் பேரழிவு ஏற்பட்டதும் ஒப்பந்தததின் படி ரஷ்யா உதவ முன்வந்த போது இந்திய அமைச்சகம் கண்டு கொள்ளாமல் இருந்தது மிக பெரிய அதிர்ச்சியை உண்டு பண்ணி விட்டது

இதுவரை பெரிய செய்தி நிறுவனங்கள் யாரும் இந்த செய்தியை வெளி இடவில்லை என்றாலும் இன்னும் சிறிது நாட்கள் கழித்து அனைவருக்கும் கண்டிப்பாக தெரியவரும் என்பதில் ஐய்யமில்லை ..

மேலும் இந்த விஷயத்தில் இந்திய ராணுவம் மிக சிறப்பாக செயல்பட்டு அனைத்து மக்களையும் காப்பாற்றியது அனைவருக்கும் தெரிந்ததே.. மேலும் இந்தியா வேறு நாட்டின் உதவி இல்லாமல் தன்னால் சாதிக்க முடியும் என்று கூட நினைத்திருக்கலாம்.. இருப்பினும் ரஷ்யாவின் உதவியை கண்டுகொள்ளாதது வருத்தம் தான். மும்பை தாக்குதலின் போது இஸ்ரேல் தனது அதிரடிப்படையை இந்தியா தனது மக்களை மீட்க பயன்படுத்தலாம் என்று சொன்ன போது இந்தியா அமைதியாக நாங்களே பார்த்து கொள்கிறோம் என்றது. அது போலவாவது ரஷ்யாவிற்கு பதில் அளித்திருக்கலாம்.

ஒரு வழியில் நம்மாலும் முடியும் என்று அரசு நிரூபித்தாலும் நேச நாடுகள் உதவிக்கரம் நீட்டும் போது நசூக்காக வேண்டாம் என்று சொல்லலாமே தவிர இவ்வாறு அசட்டை பண்ணக்கூடாது ..