நிர்வாணப் படங்கள்: அரசியல்வாதி போலீசில் புகார்

Guest · Guest Tue Feb 17, 2009 4:45 am

சிலாங்கூர் ஆட்சிக்குழு உறுப்பினர் எலிசபெத் வொங், அவரின் நிர்வாணப் படங்கள் பொதுமக்களிடையே வலம் வருவது பற்றிப் போலீஸில் புகார் செய்துள்ளார்.

அவரது இணக்கமின்றி அந்தப் படங்கள் பிடிக்கப்பட்டிருப்பதாக நம்பப்படுகிறது. அவரின் முன்னாள் ஆண்நண்பர் ஒருவர், அப்படங்களைப் பிடித்திருக்கலாம் என்று நம்பப்படுகிறது.

மலேசியாகினிக்குச் சில படங்கள் அனுப்பப்பட்டிருந்தன. அவற்றில் ஒன்று, அவர் ஆடையின்றிப் படுக்கையில் உறங்கிகொண்டிருப்பதைக் காட்டியது.

கெடாவிலும் பேராக்கிலும் ஏப்ரல் மாதம் நடைபெறும் இடைத்தேர்தல்களுக்குமுன், பக்காத்தானைக் களங்கப்படுத்தும் நோக்கத்தில் இப்படங்கள் வெளியிடப்பட்டுள்ளன என்று அவரின் ஆதரவாளர் ஒருவர் தெரிவித்தார்.

இந்தப் படங்கள் வெளியானதை அறிந்து, பக்காத்தான் கூட்டணிக் கட்சியொன்றைச் சேர்ந்தவரான அந்தப் பெண், மிகவும் மனமுடைந்து போயுள்ளார்.

“என்னால் பேச முடியவில்லை, பேசுவதற்கு வார்த்தை வரவில்லை, என்று கூறிய அவர் படங்களை விநியோகம் செய்த கயவனைக் கண்டுபிடிக்கும் பொறுப்பைப் போலீஸாரிடம் விட்டுவிடுவதாகக் குறிப்பிட்டார்.

அந்தப் படங்கள் த சன், மலாய் மெயில் முதலிய செய்தித்தாள்களுக்கும் அனுப்பி வைக்கப்பட்டு அவையும் செய்தி வெளியிட்டுள்ளன.

போலீஸ் புகார் செய்யப்பட்டிருப்பதை, பெட்டாலிங் ஜெயா போலீஸ் மாவட்டத் தலைவர் ஏசிபி அர்ஜுனாய்டி முகமட்டும் உறுதிப்படுத்தினார்.

“நாங்கள் இன்னும் புகைப்படங்களைப் பார்க்கவில்லை. படங்கள் எப்படி விநியோகம் செய்யப்படுகின்றன் என்பதை வைத்து மேல்நடவடிக்கை எடுப்பது பற்றி முடிவு செய்வோம், என்றாரவர்.

மலேசியாஇன்று

நிர்வாணப் படங்கள்: அரசியல்வாதி போலீசில் புகார்

நிர்வாணப் படங்கள்: அரசியல்வாதி போலீசில் புகார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக