24 வது மாடி ஜன்னலில் தலை சிக்கிய நிலையில் சிறுமி - வீடியோ

சீனாவில் அடுக்குமாடி குடியிருப்பில் 24 வது மாடி வீட்டின் ஜன்னலில் தலை சிக்கிய நிலையில் அந்தரத்தில் தவித்த 5 சிறுமி பத்திரமாக மீட்கப்பட்டுள்ளார்

சீனாவின் ஹூபே மாகாணத்தில் உள்ள தலாய் என்ற இடத்தில், இருந்த 24 வது மாடி வீட்டில் 5 வயது சிறுமி தனது பெற்றோருடன் வசித்து வந்தார்.

இந்நிலையில், இந்த 5 வயது மகளை வீட்டுக்குள் வைத்து பூட்டி விட்டு அச்சிறுமியின் பெற்றோர் வெளியே சென்று இருந்தார். வீட்டின் ஜன்னல் கம்பியில் ஏறி நின்று வெளியே வேடிக்கை பார்த்துக் கொண்டிருந்த சிறுமி, கம்பியை பிடித்தபடியே வெளியே வந்து விட்டாள்.

வெளியே வந்த அவள் மீண்டும் வீட்டுக்குள் செல்ல முயன்ற போது, கம்பிகளுக்கு இடையே தலையை நுழைத்ததால் அங்கேயே சிக்கிக்கொண்டு கதறி அழ துவங்கினாள்.



ஜன்னல் கம்பி வழியாக உடலை உள்ளே நுழைக்க முடியாததால் தலை உள்ளேயும், உடல் வெளியேயுமாக கம்பியை பிடித்தபடி அழுதுக்கொண்டிருந்த குழந்தையை பார்த்த அக்கம் பக்கத்தினர் அதிர்ச்சி அடைந்தனர்.

உடனடியாக மீட்பு படையினருக்கு தகவல் அளிக்கப்பட்டதை அடுத்து அங்கு விரைந்த அவர்கள், 70 மீட்டர் உயரத்தில் சிறுமி அந்தரத்தில் தவித்துக் கொண்டு இருந்த சிறுமியை மீட்கும் நடவடிக்கையில் ஈடுபட்டனர்.

வீட்டின் ஜன்னல் கம்பியை உட்புறமாக அகற்றிய மீட்பு படையினர், அச்சிறுமி விழுந்து விடாமல் தடுக்க மற்றொரு வீரரை வெளிப்பக்கமாக பிடித்துக்கொள்ள கூறினார்.

சிறிது நேரப் போராட்டத்திற்கு பிறகு சிறுமியை பத்திரமாக மீட்ட படையினருக்கு சிறுமியை பெற்றோர் நன்றி தெரிவித்தனர்.

நன்றி : வெப்துனியா

உயிர் பிழைத்ததே அந்தக் குழந்தை சந்தோஷம்

ஆமாம் பானு, ரொம்ப திகிலா இருக்கு பார்க்கவே,  எனக்கு இந்த குழந்தைகளை வீட்டிற்குள் வைத்து பூட்டுவதில் உடன்பாடே இலலை    ரொம்ப தப்பான பழக்கம் அது

krishnaamma wrote:ஆமாம் பானு, ரொம்ப திகிலா இருக்கு பார்க்கவே,  எனக்கு இந்த குழந்தைகளை வீட்டிற்குள் வைத்து பூட்டுவதில் உடன்பாடே இலலை    ரொம்ப தப்பான பழக்கம் அது

எனக்கும் பயமா இருக்குமா ...வீட்ல பிள்ளைகல பூட்டிப் போக எப்படித் தான் மனசு வருதோ

சீனாவில் தான் இதுபோல அடிக்கடி நடக்குது. பாவம் பிள்ளைகள்