தென்மேற்கு பருவ மழை தீவிரம்!

**krishnaamma** · **krishnaamma** Thu Jul 25, 2013 11:12 am

கர்நாடகாவில் பெய்து வரும் கன மழை காரணமாக கே.ஆர்.எஸ் மற்றும் கபினி அணைகளிலிருந்து வெளியேற்றப்படும் உபரி நீரின் அளவு 2 மடங்காக அதிகரிக்கப்பட்டுள்ளது. இதன் காரணமாக காவிரியில் வெள்ளப்பெருக்கு ஏற்பட்டுள்ளதால் கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. இதனையடுத்து உபரி நீர் மேட்டூர் அணையை நாளை வந்தடையும் என எதிர்பார்க்கப்படுகிறது. தென்மேற்கு பருவ மழை தீவிரம் அடைந்ததை அடுத்து கர்நாடக மாநிலத்தில் நல்ல மழை பெய்து வருகிறது.

குறிப்பாக குடகு, மைசூர் மற்றும் ஹசன் மாவட்டங்களில் இடைவிடாமல் கடந்த ஒரு வார காலமாக மழைக் கொட்டி வருவதால் அங்கியிருக்கும் அணைகள் வேகமாக நிரம்பி வருகின்றன. இதனால் அந்த அணைகளிலிருந்து உபரி நீர் வெளியேற்றப்பட்டு வருகிறது. இதனையடுத்து கபினி மற்றும் கே.எஸ்.ஆர் அணையிலிருந்தும் உபரி வெளியேற்றப்படுகிறது.

இதனால் காவிரியில் வெள்ளப் பெருக்க ஏற்பட்டுள்ளது. குறிப்பாக கர்நாடக மாநிலத்தில் இருக்க கூடிய மாண்டியா, மைசூர் மற்றும் சாம்ராஜ் போன்ற பகுதிகளில் வெள்ள அபாய எச்சரிக்கை விடுக்கப்பட்டுள்ளது. தாழ்வான பகுதியில் இருப்பவர்கள் பாதுகாப்பான இடத்திற்கு செல்லுமாறு அறிவுறுத்தப்பட்டுள்ளனர்.

நன்றி : தினகரன்