படித்ததில் பிடித்தது ..

(பொள்ளாச்சியில் ஒரு திருமண மண்டபத்தில்...)

""ஏலே கணேசு... உங்க அம்மையை உன் பொண்டாட்டி வாங்கு வாங்குன்னு வாங்கினாளாமே... நீ ஒண்ணும் தட்டிக் கேட்காம குத்துக் கல்லாட்டம் இருந்தியாமே... ரொம்ப தப்புடா... சாமி...''

""அதா பெரியம்மா... என் அம்மை நான் எவ்வளவோ சொல்லியும் கேக்காம... தன் அண்ணன் மவளத்தான் கட்டிக்கணும்ன்னு ஒத்தைக் காலுல நின்னு.... எனக்குக் கல்யாணம பண்ணி வச்சா...நான் ஆயுசு பூரா படப்போற அவஸ்தையை கொஞ்ச நேரமாவது அவ அனுபவிக்கட்டுமேன்னுதான் கண்டுக்காம விட்டுட்டேன்... சரி தானே? ''

துரை.ராஜசேகரன், பொள்ளாச்சி.



(சிதம்பரத்தில் ஒரு பெட்டிக் கடையின் முன்பு கல்லூரி மாணவர்கள் இருவர்)

""டேய்... நான் செத்துட்டா... என் லவ்வருக்கு சொல்லிடாதீங்கடா''

""ஏன்டா அவ தாங்கமாட்டாளா?''

""இல்லடா... என் நெத்தியிலே ஒட்டியிருக்கிற ஒரு ரூபாயைக்கூட எடுத்துட்டுப் போயிடுவாடா... ரீ சார்ஜ் பண்ண''

இரா.ரமேஷ் பாபு, வாகூர்பேட்டை.



(சத்தியமங்கலம் பேருந்து நிலையம் முன்புறம் நடந்து சென்ற இருவர்)

பெண்: டேய்... என்னைப் பாலோ பண்ணாதடா... எம் பின்னாலே எங்க அக்கா வர்றா

ஆண்: கவலைப்படாதே... செல்லம்... உன் அக்கா பின்னாடி.... என் அண்ணன் வர்றான்

எஸ்.தங்கராஜ், புன்செய் புளியம்பட்டி.

உதிர்ந்த முத்து

அதிர்ஷ்டம் என்பது வாய்ப்பல்ல...

உங்களது அயராத உழைப்பே...

சரியான சந்தர்ப்பத்தை உழைப்பு

சந்திக்கும் தருணமே அதிர்ஷ்டம்!

ச.ஆ.கேசவன், இனாம்மணியாச்சி.

மைக்ரோ கதை

மனைவி கணவனிடம், ""நாம் வாழ்க்கை நடத்தும் முறை பற்றி எனக்கே அவமானமாக இருக்கு. என் அம்மா வீட்டுல இருந்து வாடகை தர்றாங்க. என் தம்பி வீட்டுக்குத் தேவையான மளிகைச் சாமான்களை வாங்கிப் போடுறார்... மாமா மற்ற செலவுகளைப் பார்த்துக்கிறார். இதைப் பற்றி என்னைக்காவது நீங்க நெனைச்சுப் பார்த்திருக்கீங்களா?''

""நீ சொல்றது ரொம்ப கரெக்ட். நானும் அதப்பத்திதான் யோசிச்சிச்சுக்கிட்டிருக்கேன். உனக்கு இன்னும் ரெண்டு அண்ணன்களும், ஒரு மாமாவும் இருக்காங்களே... அவங்க நம்மைக் கண்டுகிறதில்லையே... அது ஏன்?'' என்றான் அமைதியாக.

நெ.இராமன், சென்னை-74.

எஸ்எம்எஸ்

நான் உனக்கு எஸ்எம்எஸ் அனுப்புவது

நீ என்னை நினைக்க வேண்டும் என்பதற்காக அல்ல...

நான் உன்னை

நினைத்துக் கொண்டிருக்கிறேன் என்பதற்காக...

த.ராஜா, காடாம்புலியூர்.

தினமணி கதிர்