நண்பனின் மறுபக்கங்கள் ....!!

Mano Red · Mano Red Tue Jul 23, 2013 3:52 pm

நண்பன்,
எப்படி சொல்வது அவனை பற்றி,
நினைத்தால் சிரிப்பையும்,
சின்ன அழுகையும் தரும்,
அவனின் மறுபக்கங்கள்...!!!
இறந்த கால நினைவுகளுக்கு
உயிர்கொடுக்கும் அவனே,
சில நேரங்களில் உயிரையும் எடுக்கிறான்..!!!

நட்புக்கு எல்லை இல்லையென
நினைத்தால் அது அறியாமை..!!
எதற்கும் எல்லை உண்டு
அதில் இந்த நட்பும் ஒன்று..!!

கண்களில் எதிர்பாராத அன்பும்,
இதயத்திலே நமக்கொரு இடமும்
தந்த நண்பனால் மட்டுமே,
நம்மை வெற்றி பெறவும்,
தோற்கடிக்கவும் செய்ய முடியும்....!!

யாருமில்லா தனிமைக்கு அவன் தான் துணை,
நாம் கடந்த நிமிடங்களை
அவனும் நம்முடன் கடந்து வந்தான்,
சோகங்களில் துணை நின்றான்,
நம் மகிழ்ச்சியை புரிந்து கொண்டு
சிரிக்கவும் செய்தான்,
அழுகவும் செய்தான்,
அவன் போல் எவனும் இல்லை...!!

நட்பு கூட காதல் போல தான்
சொந்தமென பொறமை கொள்ளும்,
தனிமையில் ஏங்கி தவிக்கும்,
உடனிருக்கையில் அறியாமல்
பிரியும் நேரம் துடியாய் துடிக்கும்..!!

உண்மை நட்பில் நண்பன் மட்டுமே
சிறந்த நண்பனாகவும்,
எதிரியாகவும் இருக்க முடியும்...!!

**ஜாஹீதாபானு** · **ஜாஹீதாபானு** Tue Jul 23, 2013 4:04 pm

நட்பு கூட காதல் போல தான் சொந்தமென பொறமை கொள்ளும், தனிமையில் ஏங்கி தவிக்கும், உடனிருக்கையில் அறியாமல் பிரியும் நேரம் துடியாய் துடிக்கும்..!! உண்மை நட்பில் நண்பன் மட்டுமே சிறந்த நண்பனாகவும், எதிரியாகவும் இருக்க முடியும்...!! wrote:

அருமையான வரிகள்

அசுரன் · அசுரன் Tue Jul 23, 2013 4:09 pm

இந்த கவிதை அருமை. நீங்கள் இதை எடுத்த பேஸ்புக் பக்கத்திற்கு நன்றி சொல்லியிருக்கலாம் நண்பரே!.. ஏன்னா நட்பின் இலக்கணமாச்சே.

Mano Red · Mano Red Tue Jul 23, 2013 4:13 pm

அசுரன் நண்பரே, பேஸ்புக் பக்கத்திலும் நான் தான் போஸ்ட் பண்ணுகிறேன்....இது என்னுடைய சொந்த கவிதை தான்.......

அசுரன் · அசுரன் Tue Jul 23, 2013 4:27 pm

ஓ அப்படியா? சரி நண்பரே தொடருங்கள்.

இந்த பதிவைத் துவங்கியவர் நன்றி கூறியுள்ளார் அசுரன்

Mano Red · Mano Red Tue Jul 23, 2013 4:30 pm

அசுரன் நண்பரே,இதை தாங்கள் தெரிவித்த விதம் மிக அருமை.....மகிழ்ச்சி

அசுரன் · அசுரன் Tue Jul 23, 2013 4:34 pm

எனக்கும் மகிழ்ச்சி நண்பரே. உங்கள் ஆக்கங்களை இங்கு பதியுங்கள். நாங்களும் படித்து மகிழ்வோம்

Sponsored content · Sponsored content

நண்பனின் மறுபக்கங்கள் ....!!

நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

Re: நண்பனின் மறுபக்கங்கள் ....!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக